حكم القصاص لمسفر ال عامر اليامي

[علي اليامي]

تكفوووون ياهل الخير تكفوووون يا رجال يـــــــــــــــــــام ورجال همدان

يـــــــــــــــام يا هل الوادي مسفر آل عامر صدر حكم قصاصه يوم الاثنين

تكفوووون يا هل الفزعه اذا حد عنده واسطه ولا يعرف حد من الامراء فيفزع لرفيقكم على الاقل يؤجل القصاص

(( مسفر بن صالح ال عامر حكم بالقصاص وذلك لادانته بقتل واحد من قحطان سنه غزوو الكويت وجب التنويه لمن لايعرف سبب القصاص))

[علي اليامي]

ابشركم تم تاجيل قصاص مسفر لمدة شهر

ووعد من الامير سلطان بوجهه في القضية كذلك الامير احمد بن عبدالعزيز

بيض الله وجه الامير سلطان بن عبدالعزيز والله يجزاه خير وجعلها في ميزان حسناته

بيض الله وجه الامير احمد بن عبدالعزيز جزاه الله خير على ماقدمه من امر ومعونه للرجال يام في موضوع مسفر



بيض الله وجه ابن شريم امير قبيله ال مره وقبايله ال مره

بيض الله وجه ابن منيخر العجمي وقبايله العجمان

بيض الله وجيه قبايل عتيبه حيث وصلنا خبر بوقفتهم مع رجال يام بوجيههم ومعرفتهم عند عيال عبدالعزيز الله يعزهم ويطول عمارهم

بيض الله وجه كل من شارك بوجهه ووقفته مع آل عامر في هذه القضية

بالنسبه للوعد ياهل الفزعه وين رجال همدان وين صبيان يام

الوعد فجر هذا اليوم الاحد في عشه بدر لمنصد قبايل قحطان عسى الله يلين قلوبهم وان شاء الله ماهم مقصرين

فافزعوا لربعكم وبني عمكم وافزعو لاعتاق رقبه واجركم على الله سبحان وجميلكم يبقى عند آل عامر

[راكان اليامي]

بيض الله وجه كل من فزع مع مسفر ال عامر وانشاءالله ان وجيه محلف مايقصرون

[ابومحمد الشامري]

لا هنت يا علي والله يبشرك بالخير واهل الخير ان شاء الله واجد والشكر لابن شريم وابن منيخر

[العنيد]

بيض الله وجه كل من فزع مع مسفر ال عامر وانشاءالله ان وجيه محلف مايقصرون

والله يبشرك بالخير والعاااااااااااااااااااااافيه على انك بشرتنا بذا الخبر الزين..وان شاء الله انهم ما يطبقون عليه حكم القصاص...

لك خالص شكري وتقديري

[علي اليامي]

راكان اليامي وابو حمد الشامري والعنيد

لاهنتوا على المرور الطيب يالسنافيه وان شاء الله وجيه محلف ماهم مقصرين والله يخارج مسفر من كربته ويرده لهله وربعه سالم غانم

[ابن مجحود]

الله يخارجه انشاء الله ورجال محلف ماهم مقصرين بعيتقوون ارقبته


يعطيك العافيه يا علي اليـــــــامي

[فزاع]

الله يفك كربة مسفر ويرده لهله سالم وجزاك الله خير يا علي اليامي وكثر من الدعاء وانا اخيك تراه سلاح.

[سعود الخويطري]

بيض الله وجهك


وبيض الله وجهة من ساعد للخير


ووالله يفك كربة مسفر ال عامر ويفك عوقة ان شالله ومحلف ماهم مقصرررين ان شالله


تقبل سلامي

الخويطري

[اسيره]

الله يفك كربتــه ويفرج همــه يارب ...

وينزل الرحمـة في قلب صاحب الشأن بإعتاق الرقبـه لوجه الله


اللهم اميــــــــــــــــــــــــــــــن ....