محاورة العمالقه((بدر العجمي...و...حبيب)) بإختصار

[سلطان ابوديه]

السلام عليكم ورحمة الله وبركاته
هذه المحاوره من الطراز الاول جرت بين الشاعرين العملاقين

بدر العجمي

و

حبيب

وكانت في يوم الاحد 12/2/1427هــ وعلى الهواء مباشره

لذا حبيت اختصرها لكم لكي تستمتعوا بها اكثر....

=بدر العجمي
هلا يامرحبا منى على الجمهور والشعار=عدد مالاح براق السحاب وهلت امزونه
حبيب ياحبيب لو تلف يمين ولا يسـار=حكمك القاضى الى نافذٍ حكمه وقانونـه
=حبيب
يدوم بك البقـا ياشاعـرٍ تقـدح زنـاد النـار=ومثلـك شايـبٍ مشهـور والعالـم يعرفونـه
توكل يابدر وانا تـرى فـي بدايـة المشـوار=ولو شفت الفهد يضحك تشوف الموت في اسنونه
=بدر العجمي
تحسب الدرب سالك لك مع الميراد والمصـدار=لا كن اصبر على الجمر الحمر من فوق غليوونه
ابا اطمرك من فوق الرصيف وتدعـم الـدوار=ولو تربط حزام وموترك قاضـب دركسووونـه
=حبيب
تقوله وانت مخلي الدار يوم اجيك يالبيطار=وموترك المصفح يالعميل يعـد طبلونـه
بعد مادارت الدعوى وهذي فعلت الاقـدار=تنهض بدر واصبح ينظر الرعيان بعيونه
=بدر العجمي
انا عمك وانا همك ودمك فار دمك فـار=حبوبك يا حبيب كلها ذاليل مطحووونـه
انا باسفرك واقول لك سلامـة الاسفـار=زهابك فالسفر ماغير صمونه وزيتووونه
=حبيب
ترى ماهد مارب ياعميلي كود حفر الفار=وعمك فزع لك لكن له نيـات ملعونـه
تذكر يوم احطك يابدر ما يبين نار وغار=وخليت القصر واقف وحل الطير بركونه
=بدر العجمي
تحسبنك الزعيم الى يقود الجيش والثـوار=لاكنك واحدٍ بيحت خافيـه ومكنوووونـه
صغير ياحبيب والخصوم الى معاااك اكبار=تشهد ياحبيب بحذف ارويسك من امتووونه
=حبيب
توطيتك توطيتك ودمعك وسط عينك حـار=وحبيب يابدر في ذمتـي معـاد تنسونـه
صغيًر سن طايل عرف واعدك مع القصار=ومن دبر نهار الحرب مثلك تعتبر خوونـه
=بدر العجمي
انا من حط فيدينك قيود وفالرجول اهجار=على ماقال وحبيب على الشاشه يقودونه
ماغير شوى جيتك ياحبيب زاير الصرار=واثارى ظيفكم ياصحابنا لا راح تقفونـه
=حبيب
على المسلم فزعتوا يابدر مع شلـة الكفـار=ومن هيبة حبيـب خشـم كافركـم تحبونـه
على ماقيل يارجال مال الجار غيـر الجـار=وضيف الخير عيني من وراه وعين من دونه

وفي الختام اشكر الشاعرين على هذه المحاوره الجزله بكل المقاييس

والشكر موصل الأستاذ / فهد بن محسن على حسن التنظيم

وللجميع خالص التحيه والتقدير

[غــشــام]

صح اللة السنتكم واللة لا يهينكم




محاورة معليها كلام

["بدر العجمي"]

الله لايهينك يا شاعرنا الكبير سلطان بو ديه

والله انه شرف لنا وجود شاعر بحجمك ومشرف قسم المحاوره فى ساحة قحطان الى
ما تظم الا فطاحلة الشعراء

شرف لنا تواجدك واعجابك فالمحاوره

[حبيب]

الله لايهينك يا شاعرنا الكبير سلطان بو ديه

والله انه شرف لنا وجود شاعر بحجمك ومشرف قسم المحاوره فى ساحة قحطان الى
ما تظم الا فطاحلة الشعراء

شرف لنا تواجدك واعجابك فالمحاوره

[فهد بن محسن]

الاخ \ سلطان ابو ديه

لاهنت يالقرم وبيض الله وجهك على حسن المتابعه ولاهنت على تنسيق هذه المحاوره بين

الشاعر\ بدر العجمي

والشاعر \حبيب


لاهنت ياسلطان ,,,,,,,,,,, وتحياتي لك

[سعود الخويطري]

بيض الله وجهك ياسلطان



وسلطان ابودية من الشعراء المتواجدين بقوة باكثر المنتديات




والان يثبت نفسة معنا بجدارة بقوة محاوراته واخلاقة الطيبة




ولاهنت يامحلفي على التنسيق الرائع للعمالقة بدر وحبيبّ




وتقبلوا سلامي واشواقي

الخويطري

[المسعري]

الله لايهينكم ويبيض وجيهكم ياشعار على هالمحاوره اللي من الوزن الثقيل سجلو اعجابي بكم الاثنين

[لاهوب]

صح اللة السنتكم واللة لا يهينكم

[الشيخه]

الاخ الكبير / سلطان ابو ديه


لاهنت على هذه المحاوره الرائعه لكل من (( حبيب &وبدر )) ومشالله عليهم كفو ووفو

شاكر لكم حسن تعاونكم وسعت روحكم الرائعه

تقبلو منى خالص التحيه

الشيخه