قصيده عن الف قصيده

[راكان اليامي]

زمرة الطاغوت حذراك حذراك=لا تبتلي بجروح يصعبدواها
وإلى مشيت اعرف دروبك وممشاك=احرص على نفسك وخالف هواها
أمّارةٍبالسوء ما هي بتنهاك=اقبض عليها لين يجلى صداها
اقطع نواياها بدينك وتقواك=هلّل وعند الله سريعٍ شفاها
والعين لا تنظر بها من تعدّاك=المحصنه لو تلتفت لك وراها
اصبر على همّك وغمّك وبلواك=عف وتعفف لا يغرّكحلاها
واترك حرام القوت ما هو بيملاك=كل البطون الجايعه ما ملاها
رشفةحلال اتسد جوعك ومضماك=تسوى مشاريب الحرام وغثاها
النار في جوفك وتصلىحناياك=نار الجحيم تزيد للي وطاها
واحفظ لسانك لا يجرك ويبلاك=اخذ الثمينهلو غلى مشتراها
الهرج ميزانك ويكشف خفاياك=كلمة تعيبك لا تبيّن نباها
صون الكلام وصون نفسك ومبداك=للنفس حشمة لا تفصّم عراها
اصمت مدامك عارفٍ سير مجراك=ا تنقل النّمة وتبحث خفاها
يزول قدرك عند أقرب دناياك=لو هو ولدعمّك حياتك جفاها
واحلم تراه الحلم يرفع مزاياك=هو سيّد الأخلاق هومبتداها
وصّى به المبعوث ما هو بيخفاك=شفعينا يوم الملاقاة طه
خل الجهل لاتجعل الغيظ ياطاك=ترى الجهل سم القلوب وعماها
وإلى ابتليت ارفع إلى الله شكواك=لا بدّها الأيام تكشف غطاها
اصبر يزين الحظ ويزين مرماك=الله يفرجهاويدفع بلاها
لا تمنع المحروم لا من تنصّاك=الناس لأجل الناس وأحسنعطاها
ابذل لوجه الله والله يجزاك=مثل الغروس اتطيب للي سقاها
لا ضاع معروفك ولا ضاع حسناك=إن كانها لله تلقى جزاها
جارك ولو هو جار تسقيه منماك=عليه لا ترفع يدينك عصاها
أحسن جوار الجار لو كان يشناك=ترى العربتحشم كلاب اقصراها
بكره يشد ويكتب الله فرقاك=عساه يذكر جيرتك مانساها
الظلم شين ويجعل النار مثواك=راع الظليمه عيشته ما هناها
فوقك إله العرش عالم نواياك=ينظر قلوب الناس وش محتواها
يسمع بما تجهر وعارفخفاياك=بأمره شروق الشمس ترسل ضياها
هو عالمٍ غيبك وركّب خلاياك=هو خالقٍفيك العروق ورواها
والضيف له حقٍ إلى حل بحماك=قلّط ضيوف الله وأكرم لحاها
لا تحقر الضيفان واتشح بغذاك=من ما عطاك الله قلّط عشاها
وعليكباللي حزة الضيق يفداك=لا شانت الدنيا ودارت رحاها
لا من زهمته لو على الموتلبّاك=عيني لجل عينك وروحي فداها
ترى الخوي نبراس روحك وملْجاك = لا كلّحت بقعا وزادت غثاها
حذراك من بعض المخاليق حذراك=بعض العرب ما تفرقه مننساها
تايه وضايع بين ذولا .. وذولاك=فيه الجهالة واصلٍ منتهاها

ماعرفت الشاعر

[shmoo5_ al_ajmy]

صح السان شاعرها ولسان ناقلها

راكان اليامي

لاهنت علي النقل المميز

لك تقديري

[اسامه الرشيدي]

اخوي ركان اليامي

البيت يبدأ( من زمره الطاغوت حذراك حذراك ) وهي لشاعر راشد بن زميع القحطاني


تقبل تحيتي

[راكان اليامي]

حياكم الله ولاهنت يااسامه على التوضيح وتعريفنا باسم الشاعر

[ليــه يازمـــن]

لاهنت على القصيده

والله يعطيك العافيه

تقبل تحيتي

[وافي بن وافي]

راكان اليامي



سلمت يداك وصح لسان الشاعر

[ناثرة الورد]

{{ راكــان اليــامي }}

,
,

آآبداع غير مستغرب
دمــت بهذا الرقي

تقديري ..,

[هادي بن فهاد]

الله الله

ياسلام عليك

الظلـم شيـن ويجعـل الـنـار مـثـواك
راع الظليـمـه عيشـتـه مــا هـنـاهـا
فوقـك إلــه الـعـرش عـالـم نـوايـاك
ينظـر قلـوب النـاس وش محتواهـا

راكان اليامي لاهنت على القصيدة الجزله واختيار موفق

[مانع الوعيلي]

لاهنت اخوي راكان على نقل القصيده الرائعه ويعطيك الف عافيه

[النـوف]

فعلاً قصيده عن الف قصيده


لا ضامت يمينك على هذا النقل


تقديري