تصميم شركة سبيس زوون للأستضافة و التصميم و حلول الويب و دعم المواقع

بنت_الغلا · #1 07-01-2005, 03:55 PM

تحياتي لكل اعضاء المنتدى ...

مشاركـة أولى اتمنى إنهــا ترقـا المستوى أذواقكم

انكســر وزن القصيـد وعانـق الهـم وسرابـه= وضاعـت أبيـات القوافي يوم ضيعنا دروبه
صارت الشغلـه تحدي وانقلب فرض وكــابـه=وانقلـب ميزان قـدره يوم وزنـه مادروبه
اسمـع اللوعـه ببيتـه يشتكي لي من عذابـه= صاح بسمي ياأجوديـه وش ورا هذي العقوبه
قلت لـه لبيـه امـر يوم ضيعت الإجابــه = والفكـر لاتـاه قافــه مااضن القاف صوبــــه
قلت ياقافي تركـد الشعـر كشر نيابــه = يرفض حروفن تجمــّع طوبتن تبنا بطوبه
رز أعلامـك وأعلن اننــا نرفض غيابـه = ولابغينــــا نعتلي بــه ماجهلنا طول ثوبه
ماترفعنــا بذل ولاحكينــا من مهــابه = قدرنــا عز وتعلااا فوق ميزان العذوبــه
ايـه انا قافي غروري لامشابه لامشابـه = قال سمي ياجوديــه من شمال ومن جنوبــه
ومع قدر فكري اعـاني من غدر ظلـم الصحابه = اه ياربي سألتك لانوا الشر بحروبــه
صاح شعري يااجوديــه خففي هم الكابـه= صحت به كيف اتركـد والوفاااا ضاعت دروبه
جيتني تبغي الحلول وضعت في هم الكتابــه =ضعت ياشعري بقافي يوم هبت بك هبوبـه
ضعت في دنيا غرامك بحر شعر وظلم غابـه = والقلوب الي تعاند مشرقن ماجا غروبـه
همي اكبر من همومك ياوزن حرف الكتابــه = بس همــي لابداااابي قال توبه قال توبه

بنت الغلا

فهد بن محسن · #2 07-01-2005, 05:00 PM

الاخت الشاعره \ بنت الغلا
يامرحبا بك ... وبمصافحتك الاولى ... وصح لسانك مليون .. قصيدة اكثر من رائعة

تحياتي لك وتشكرين على المشاركة

وننتظر جديدك يابنت الغلا

اخوك \ فهد بن محسن

راكان اليامي · #3 07-01-2005, 05:07 PM

قلت له لبيـه امـر يـوم ضيعـت الإجابـه
والفكر لاتاه قافـه مااضـن القـاف صوبـه

يالبيه الله الله
صح لسانك يابنت الغلا وتسلم يمناك على القصيده الطيبه والمصافحه االرائعه