مبداي باللي للصعيبات حلال = اللي بعبده فالمواقف رحومي

[فرج بن غليس]

مبداي باللي للصعيبـات حـلال = اللي بعبده فالمواقـف رحومـي
خليل يالممدوح ياذرب الافعـال = جيتك على شانك قوي العزومـي
كمن عديم جاك لاحـده الجـال = أصبح من الدنيا خلـي الهمومـي
بنصاك ياللي للثقيـلات شيـال= أنصاك يالممدوح جعلك تدومـي
جيتك وانا كني على لاهب اللال = كني على جمرن تلوفه سمومـي
يفداك منهو ميل البشت وعقـال = اللي تمادى في طريق الرخومـي
ويمشي مع درب المهابيل بهبـال = وهو يحسبنه شيخ والبوم بومـي
ولاكل منهو ينقل السيف خيـال = ولاكل شيخن في الصعيبه يقومي
رجلن مباديه كما شمس وهـلال = ورجلن مباديه مقابيـس نومـي
ولانيب راعي كلمتن اطلب المال = ولانيب لاحزبي ولانيب قومـي
اشكي عليك الحال من قل الاعمال = قدلي ثلاث سنين والرجل تومـي
انا اشهد انك في الملازيم رجـال = تقظي لزوم مدوريـن اللزومـي
وانا لزومي فيك ياطيـب الفـال = لاهـوب لاكايـد ولابمعدومـي
ابغي بجاهك كلمتن تطرب البـال = وانخاك يالممدوح زعيم القرومي
طلـب وظيفـه قالهـا بالتمثـال = الشاعر اللي في زمانـه ثلومـي
وانت لبني عمك كما في وظلال = وانته ذراهم من لهوب السمومـي
هذا وصلى الله عدد سايلن سـال = وعداد ماخـط القلـم بالرقومـي

هذه القصيده قلتها في المقدم (( خليل مبارك سمير العصيمي ))

ما قصر...بيض الله وجهه

[فهد بن محسن]

صح الله لسانك يافرج

ولاهنت على هذه القصيدة

والرجال الكفووو يستاهل المدح


تحياتي لك

[فرج بن غليس]

صح اللة بدنك وشكران لك يا لاخ العزيزابو محسن على المرور الطيب

[الفند اليزيدي]

صح الله السانك وربي شاعر بدون مجامله ولاهنت الغالي وعسا الفرج ياتيك يالغالي

[فرج بن غليس]

صح اللة بدنك يالفند اليزيدي وشكران على المرور يالغالي

[سعد بن بصيص ال فنيس]

الله الله


صح السانك


ويستاهل العصيمي كل خير


وتقبل مرووري

[فيصل أل هتلان]

ولانيب راعي كلمتن اطلب المال .. ولانيب لاحزبي ولانيـب قومـي


الله دركـ يآفرج آبدآع ع ذا القصيدة .صح لسانك . بشرني اربك عينت وظيفة

[محمد نادر سويد]

الاخ فرج صح لسانك على

القصيده الحلوه حرف ومعنا

تسلم ولاهنت

تقبل تحياتي

اخوك