ولأول مرة في النت: الولد وإن طاب قالوا من خواله.. قصيدة ابن الذيب كاملة (شيلة)

[عبدالله آل عامر]

بسم الله الرحمن الرحيم
:
أسعد الله أوقاتكم بكل خير اخواني وأخواتي أعضاء وزوار مجالس قبيلة العجمان الكرام
:
أقدم لكم الليلة شيلة لقصيدة أشهر من نار على علم وهي حصرية ولأول مرة تُنشر في النت
:
والشيلة من ألبوم شيلات نجوم
:
وهي من كلمات المرحوم: راشد بن حسن بن الذيب
:
قام بأداءها المبدع: فهد بن محفوظ
:
استماع ممتع للجميع
:

قالها ابن الذيب من هاجوس باله = كلمةٍ يلعب بها والبال زيني
قالها يومه طرى له ماطرى له = من هواجيسٍ تشيب المرضعيني
غرني بعض الرجال بكثر ماله = ما درى إن الموت في حبل الوتيني؟
كيف ينفعني وبعض الناس خاله = ما يقوم البيت دام الساس طيني
ماش وين اللي عوايده الشكالة؟ = مثل ابن ظافر حمد ليته يجيني
الثناء والجود دايم في خياله = علّمه ظافر سلوم الطيبيني
جوّد العليا ولزّمها عياله = وأدركوا من علمته دنيا وديني
واهني من باع حظه وأشترى له = سار في درب النبي وأخزى اللعيني
موقفه ما كل رجالٍ يناله = من بغى ممشاه يقعد مرتيني
وكم ذبح من حايلٍ من حر ماله = عادته لطمة خشوم العايليني
حالفٍ ما آخذ على الطرقي رياله = وبالثلاث محرّم إنها ما تجيني
لا لقيت اللي على السكة لحاله = يلتفت ويقول وين المستحيني؟؟
أوقف الموتر حيا وأبغى الجمالة = يوم ولد اللاش وجهه ما يليني
والطمع في كروة الرجلي رذالة = خص به وإن جاء مجال الغانميني
والردي في حالةٍ ما هي بحالة = يا عوينه من كلام الطيبيني
الولد وإن طاب قالوا من خواله = بالخوال يسأل قبل الوالديني
وأركبه لعيون من زينٍ دلاله = ما تحاكوا في قفاه الرامسيني
ما بغى غيري وأنا ما أبغى بداله = قاعد لي في الرجاء مدة سنيني
ما قعدنا في العمل نبغى الرزالة = ناخذ العليا طريق الفايزيني
وأشرب الفنجال وأكب البياله = تابع سلمي سلوم الأوليني

:

:
للتحميل اضغط هنا
:
تقبلوا تحياتي وتقديري
:

[king الوادي king]

لاهنت ياعبدالله ال عامر وبيض الله وجهك على المجهود
لكن ملاحظه // ورد اكثر من روايه للقصيده الشهيره للشاعر راشد بن حسن بن الذيب ورد اكثر من ثلاث روايات وفيها اختلاف في الابيات
البيت اللي تقول// كيف ينفعني وبعض الناس خاله &&&
الروايه الصحيحه والله اعلم اللي اسمع عنه يقول// كيف ينفعني وانا الفلات خاله &&& مايقوم البيت والساس طيني
وفيه طال عمرك بيت ماذكر في القصيده المكتوبه وهوبعد البيت اللي يقول // والردي في حالة ماهي بحاله
البيت اللي وراه يقول/// ( والردي كوبان مايذكر اعماله&&& مايعد اللاش مقصور اليميني
وسلامتكم ولاهنت ياعبدالله ال عامر على النقل

[عبدالله آل عامر]

أرحب يا كنق الوادي ولا هنت على توضيحاتك
:
أنا كتبت القصيدة كما وردت في الشيلة ولا أدري ما هو مصدر القصيدة للمنشد
:
تسلم على تشريفك
:

[EmpeRoR]

رائعة...


يعطيك الف عاافية وماقصرت ياغالي.

[ابوعبدالرحمـن]

تسلم يمينك ولاهنت يا بوسراج على إيراد القصيده والشله

لكن للأسف .. ما إشتغلت معي .. !!

وجعله فالجنه عز الله ان ذا طبعه صحيح ويذكرونه الشيبان اللي لحقوا عليه

ــــــــــــــــ

[ليــه يازمـــن]

لاهــنت عــلى مــاقدمت

الله يعــطيك العــافيه

[عبدالله آل عامر]

لاندمتوا والله يعافيكم جميعاً
:
أبوعبدالرحمـن.. حاول تحمل الشيلة من الرابط
:

[هادي بن فهاد]

الله الله

ولاهنت يا بوسراج على إيراد القصيده والشله

[عبدالله آل عامر]

لاندمت يابو فهاد.. جعلك تسلم على تشريفك وردك
:

[ِِِAL 3ajmiah]

صح لسان شاعرها الله يرحمه .. وصح لسانك لاهنت ..

تسلم على الشيلة ~