بسم الله الرحمن الرحيم
:
أسعد الله أوقاتكم اخواني وأخواتي أعضاء وزوار
مجالس قبيلة العجمان
:
أقدم لكم هذه الأنشودة وأتمنى أن تحوز على رضاكم
:
كلمات الشاعر:
فهد المساعد
:
أداء المنشد:
حامد الضبعان
:
:
للتحميل اضغط هنا
:
القرايـا ساكنتنـا لـو سكنّـا فـي المدينـة=يا كثر ما في المدينـة نـاس تسكنهـا قرايـا
مثل أنا لامن شعرت إني بحاجـة للسكينـة=رحت يم القرية اللي قدرهـا بيـن الحنايـا
قريتي واليوم جيتك شاعـرٍ هـزّة حنينـه=للوجيـه وللبيـوت وللسوالـف والحكـايـا
قريتي أنا فهد.. فهد.. فهد ما تذكرينـه؟=اسألي عني بيوت الطين ونقـوش الزوايـا
ياسقى الله قبل أسافر عنك يالـدار الثمينـة=يوم أنا طفل يشوف عيوب جدرانـك مزايـا
يوم أنا طفلٍ يمر اليـوم ما شـاف الغبينـة=الضحى وسط المدارس والشفق بين المطايا
ياسقى الله يوم كنت الريـح والدنيـا سفينـة=قبل ما الدنيا تكـون الريـح والسفـن البرايـا
يوم أبوي الله يبيحـه كـان ياخذنـا بيدينـه=يم ذاك المسجد اللي فيه مـن ريحـه بقايـا
ياسقى الله أو بلاش أزيد هذا الطيـن طينـة=لي هنا والعمر ما به متسّع لأهـل الرزايـا
قريتي ماني بأنا أول من رجع لك وسط عينه=دمعتيـنٍ كأنهـا لبيوتـك وناسـك مـرايـا
القرايا سالفـة أهـل القرايـا فـي المدينـة=والمدينة سالفة أهـل المدينـة فـي القرايـا
:
تقبلوا فائق الحب والتقدير
: