قصه شعريه من مقتطفات فهد المساعد

[عتيبيه مردده]

غبت عن المنتدى فترتن ماهيب قصيره ، وماحبيت أرجع إلا بمواضيع تعوض هذي الغيبه
عشان اطبق المثل اللي يقول " من طول الغيبات جاب الغنايم " وعسى غنايمي تحوز على إعجابكم ورضاكم .....


كنا متفارقين من سنه وبأول ايام الشتاء وفي يوم من الايام الماطره
دق التلفون وحصل شيئ عجيب سمعت صوتها قبل لاارفع السماعه
كان احساسي يقول انها هي اللي تدق ... مااخفيكم كانت سرعتي
تعادل سرعة الصوت لدرجة ضيعت فيها تفاصيل وصولي للتلفون
كلمتني وقالت / صباح الخير
ماشعرت الا ولساني ينفلت مني واقول بثرثرة مجنون :


"صباحك نور"
صباحك مدرسه ونعاس طفلٍ فـ آخر الطابور
صباحك أم تخوّف ولدها بطاري الدكتور
صباحك لمةّ أصحابٍ نسوا بـ أن الزمان يدور
صباحك ضحكة بنيّه تقول لصاحبتها أسرار
صباحك هدهدة أشعار
وعاشق يهمس لخله : أنا ماأشك بس أغار ..
صباحك طفلتين صغار
جمعهم صف وأفترقوا
وتلاقوا يوم صاروا كبار"


سمعت ضحكتها داااااافيه بهبال وانا البردان دفتني
قلت بنشوه : الله


قالت : شااللي اعجبك


قلت :


ضــحْـكَـتـْــك يابو ضـحـكـةٍ تــشــبه الــعــيــد


ماأقــول كـامـل .. بــــس قـــرّبــت تـــكــمــل


قالت : ماكنا كبرنا على سوالفك هذي


تركت التفكير جانباً وقلت :


مـهـمـا تكـبـّـرك اللـيـالـي والأيــــــام
تـبـقـين طـفـلـة قـلـبـي اللـي تـحــبين


تأففت : وبعدين ! ارجوك وقف ترى بديت اتوتر


مااخفيكم تجاوزت احساس الصدمه من ردها الجاف بعدما لمحت
الزعل والضيق في صوتها وقطيت آخر اوراقي :


تـدرين لامنـّـك زعـلـتي وش يـصــير ؟
تدرين لامـن صـار خـاطرك مـكـسور ..


تكـّـدس أغصان الشجر بالـعـصــافــير
وكل ماذرفتي دمعه .. يموت عصفور


قالت : يعني انهي مكالمتي


قلت : وانا اللي كنت انتظر تبدي مكالمتك


قالت : اذا لاتقاطعني ... واسمعني ... تقابلني باالمكان اللي تفارقنا ولا شفناه


قلت : آه ..... آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
آآآآآآآآآآآآآآآآآآآآآآآآه


بس !


فعلا كان هذا جوابي بس !ً


وقفلت الخط اللي تخيلت للحظه انه انفتح ....


تقابلنا على باب المكان العام اللي تفرقنا عنده العام
قالت سلام .... قلت السلام !
ناظرت قالت ... في اي مكان نجلس ...


قمت اكلمها و اناظر للمكان ...


"المكان اللي هنا .. مـلـيان ضـحــكـــات وأغــاني
والكـلام اللـي بـغـيـت أقـول .. يـحـتـاج لسـكـيـنـه


اخيراً شفت لي ركن هادي .... آآآآآآآآه طيب :


شوفي الركن البعيـــد هنـــــاك .. كنـّـه صدر حاني
هــذا هـو اللي يـليـق بــ شــاعــر وبـنـت ٍ حزيــنــه


ثم جلسنا وتكلمنا كثير ولا تنبهنا لكل اللي حوالينا ....


قالت بلحظة سكون
ممكن سؤال
قلت : اسألي كلي جواب وابشري باالي يكون
قالت : بدون مقدمات حبيت بعدي !


دغدغني السؤال ورديت يكسوني امل :


دوّرت بـعـدك حـبـيـب .. وقلت في بالي ..
أحب هـمـي ؟ .. وقـال الـقــــــــلـب : روّ قـنا
قلت أنت وش دخّـلك .. بــ أحب غربالي
أقــلّ حــاجــه .. نـمـوت ومــاتــفــارقــنا



وشاحت : بوجهها والاحزان .... ودموعها تكسيه


قلت : ليش عاد الدموع ؟؟؟؟


قالت :


الـدمــع ماهو عـيـب .. رح علـّـم اللي
يـقـــول عــمــره مابـكـى فــي حــياتــه


الـدمـــع مـايـقـطـع صــلاة المصـلـّـي
والضحك مثل أبليس .. يقطع صلاته


قلت : الله صرتي تشعرين !!!
قالت : الله يسامحك ...
قلت : مااقصد ولكن !!! يعني صرتي تكتبين


بعدها مدري كفكفت دمع العيون او دموعها اللي كفكفتها المهم


قالت : اخيراً ابي اعرف شي واحد ...


هزيت راسي لها : ممكن


لحظه !!! وحسيت بدوار يوم قالت : للحين تحبني ؟


قلت : شي واحد قبل ماابدأ ..ماأبي اي شي ثاني
يخطر فبالك .. وأنا اكشف لك شعورٍ تجهلينه !
إن انا .. وبكل ماتحمله أحبك من معاني
كنت وراح ابقى احبك .. لين مدري .. وش هو لينه
بس ....قالت : وشهو بسه


بعد صمت ... وارتباك ... قدرت اتكلم واواصل


بس والله مااقدرت أنسى .. ولاهمي نساني
لاذكرت انسان .. فيه اسرار مابينك و بينه !!
كل ماتطري علي فكرة هواك الاولاني
أشعر اني انطعن مليون مره من يدينه


ماحسيت الا ودموعي تحاور دموعها وانا اناظر عيونها واقول


أشعر ان عيونك ... الله ماخلقها إلا عشاني
كيف كانت تبتسم له ؟ .. قولي أنك تخدعينه
صورة انه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت ادلـله حظي رماني
بنفس الاسم اللي يقول بذمتك ماهي غبينه


مجنون .. اناني .. قالتها وهي تدس وجهها بيديها وتبكي


بعدها عاد الشعور الجنوني الذي آلمني شهوراً وسيظل :


لاتظنيني اناني ... لا .. مانيب اناني
لو سلمت من الغرق باموت في ظهر السفينه
يااني ماكمل , واعاني .. او اكمل ثم أعاني
كل مااسمع طاري اسمه او تجي عيني في عينه
اينا كان الضحيه ؟ واينا اللي كان جاني
مدري .. ولكن قراري لازم انك تقبلينه


ثم ماقدرت الا اوقف وهي تقول : اجلس



وانا استحضر الم تلك اللحظه ودموعي تملء وجهي
لاقول قبل ان اغيب عن الوعي ....


مثل مااكره فكرة انه واحدٍ ياخذ مكاني


مثل مااكره فكرة انه واحدٍ ياخذ مكاني
مااقدر اجلس في مكان انسان .. كنتي تعشقينه
مااقدر اجلس في مكان انسان .. كنتي تعشقينه

[مسفر مبارك]

مرحبا والله ومسهلا يسعدنا عودتك ....ومن طوّل الغيبات جاب الغنايم ...!!
:
وعودتك سالمه غانمه مكسب كبير ...!!
:
وقصائد رائعه كلاً منها ينفرد بلونه الخاص به والتي تحمل أبيات جميله جداً ..!!
:
كل الشكر لك ودمتي بهذا الحضور والتميّز .......!
:

[الامبراطور_]

يا سلاام

مقتطفاات من ذهب والماس

تسلم ادينج والله

ويسلم اختيارج الراقي والمتميز


ولاهنتي والله

[عتيبيه مردده]

المشاركة الأصلية كتبت بواسطة مسفر مبارك

مرحبا والله ومسهلا يسعدنا عودتك ....ومن طوّل الغيبات جاب الغنايم ...!!
:
وعودتك سالمه غانمه مكسب كبير ...!!
:
وقصائد رائعه كلاً منها ينفرد بلونه الخاص به والتي تحمل أبيات جميله جداً ..!!
:
كل الشكر لك ودمتي بهذا الحضور والتميّز .......!
:

مرحبا ومسهلا بك اخوي مسفر
تسلم ع المرور الاكثر من رائع
وابشر بعزك

[عتيبيه مردده]

المشاركة الأصلية كتبت بواسطة الامبراطور_

يا سلاام

مقتطفاات من ذهب والماس

تسلم ادينج والله

ويسلم اختيارج الراقي والمتميز


ولاهنتي والله

منوتي رضاكم ، وسعادتي إن الموضوع حاز على إعجابكم
مرورك هو الارقي والمتميز اخوي الامبراطور ...

[عليل المحبه]

عتيبيه

احلى غنايم جد

تسلم الايادي وصح السانك
على الابداع ...

مشاعر واحاسيس مختلطه
احسست بها فيي هذا الطرح الراقي

فعساك على القوه
ولحد يبطي عليناا نبي اكثر



لاهنتي...

[عتيبيه مردده]

المشاركة الأصلية كتبت بواسطة عليل المحبه

عتيبيه

احلى غنايم جد

تسلم الايادي وصح السانك
على الابداع ...

مشاعر واحاسيس مختلطه
احسست بها فيي هذا الطرح الراقي

فعساك على القوه
ولحد يبطي عليناا نبي اكثر



لاهنتي...

تسلم يالغالي عالمرور والرد الرائع
وصح بدنك
لاتوصون حريصه ، الغياب عفناه وعافنا
ابشر بعزك يااخوي

[ناثرة الورد]

{{ عتيبيـه مــردده }}

/
\
/

مشكوره على هالاختيـارات الرائـ ع ـه
الله يـ ع ـطيـج الـ ع ـافيه
وعساج على القوه
ننتظر جديدج المميز

/
\
/

كل التحـــيهـ

[محمدالعتيبي]

يعطيج العافيه

وغنايمج طيبه

[عتيبيه مردده]

المشاركة الأصلية كتبت بواسطة ناثرة الورد

{{ عتيبيـه مــردده }}

/
\
/

مشكوره على هالاختيـارات الرائـ ع ـه
الله يـ ع ـطيـج الـ ع ـافيه
وعساج على القوه
ننتظر جديدج المميز

/
\
/

كل التحـــيهـ

هلا ومرحبا ، نورتي الموضوع
ابشري ناثرة الورد