الذكريات ...!!

[راشد الذويب]

السلام عليكم ورحمة الله وبركاته ........ منا الاجتهاد ومن الله التوفيق والقبول ..

ان طاح من عينك كبير .. وقام في عينك صغير=احذر ترا الايام .. ملتّفه عليك حبالها
اصحى يانايم وادرك .. ان وضعك على الدنيا خطير=وان كان ماحليتها .. يبطي ماجا حلالها
نصيحةٍ سمعتها وانا .. على نفس المصير=فالسكه الي جعل .. مافال الصديق بفالها
سكة شقى مدري لقى .. مابين الاول والاخير=من الهموم الي على .. قلبي تخيل إخيالها
وان خيلت خلت الاوادم .. بين شر وبين خير=واستصغرت نفسي نفوس ٍ .. لا عليها و لا لها
و صديت من ليل ٍ سواده .. هم وحسابه عسير=للذكريات الي بلا .. موعد وقفت إقبالها
و بشرتها بأن الحزن خيّم .. على قلب الأسير=وحتى خزاين فرحته .. ماحدٍ يفك اقفالها
إلا أنتي ياللي تبتسم لي .. إشفاك والواقع مرير=لا شفت زولك هانت .. الدنيا علي باهوالها
ما يهوّن همومي على قلبي .. وزير ولا أمير=ولا غيرك أحدٍ في .. جنوب المملكة و شمالها
تفضلي بين الحنايا .. لا شريك ولا خشير=والأمر أمرك في .. دقاق السالفه و إجلالها
سمي تقهوي من غلاك .. الي تمكن فالضمير=وجودي بكلمه من غلا.. واعطيك عشر أمثالها
لك الغلا لك الوفا لك .. الرضا لك العبير=ولا ابي منك سوا .. ( كلمه ) تجي بالحالها ..!!
يا جعلني فدوة عيون ٍ .. هلت الدمع الغزير=و يا جعلني فدوة .. ايدين ٍ كبلتني أغلالها
اما استقريتي وسط قلب ٍ .. كسيته لك حرير=والا رحلتي وطاحت .. الدنيا علي با أثقالها

[قمة طويق]

صح لسااانك خيووو

[محمد الهتلاني]

اما استقريتي وسط قلـب ٍ .. كسيتـه لـك حريـر

والا رحلتي وطاحت .. الدنيـا علـي بـا أثقالهـا

صح لسانك يا الغالي على القصيدة الجزلة والرائعة

[مرسى الاحزااان]

صح لسانك يا اخوي على القصيدة الجزلة

[كيفها دنياكـ]

ابيااات حلوه
لا هنت ..

اختك
كيفها دنياك

[هوآويه]

وعليكم السلآم والرحممه

تــفــضــلــي بــــيــــن الــحــنــايــا .. لا شــــريــــك ولا خـــشـــيـــر
والأمــــــر أمــــــرك فــــــي .. دقــــــاق الـسـالــفــه و إجــلالــهـــا
سـمــي تـقـهــوي مــــن غــــلاك .. الــــي تـمـكــن فالـضـمـيـر
وجـــودي بكـلـمـه مـــن غـــلا.. واعـطـيــك عــشــر أمـثـالـهـا
لـــــك الــغـــلا لـــــك الــوفـــا لـــــك .. الـــرضـــا لــــــك الـعـبــيــر
ولا ابــي مـنـك ســـوا .. ( كـلـمـه ) تـجــي بالحـالـهـا ..!!
يــــا جـعـلـنـي فــــدوة عــيــون ٍ .. هــلــت الــدمــع الـغــزيــر
و يـــــا جـعـلـنــي فــــــدوة .. ايـــديـــن ٍ كـبـلـتـنــي أغــلالــهــا
امـــا استقـريـتـي وســــط قــلــب ٍ .. كـسـيـتـه لــــك حــريــر
والا رحـلــتــي وطـــاحـــت .. الــدنــيــا عـــلـــي بــــــا أثـقـالــهــا


في ذمممتي مبــدع .. صح لسآآأنــكـ
وتسلم يممننآآأكـ .. وعوآفي يارب على هالحروف
قصيدهـ رآآئعه أخوي رآشــد وتستااهل التقييم بجدآأرهـ ..
خالص احترآأمي وتقديري لقلمــكـ الرآقيـ ..
دمت بخـيـر