الأسرار لفهد المساعد

[~*¤§الشيهانة§¤*~]

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكـلام اللـي بغيـت أقـول .. يحتـاج ل سكينـه !

شوفي الركـن البعيـد هنـاك .. كنـه صـدر حانـي
هـذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي
لو ب أعيده لك .. نسيت .. ورحت أقول اللي تبينـه

شي واحد قبل ما أبـدأ .. مـا أبـي أي شـي ثانـي
يخطر ف بالك .. وأنا أكشف لـك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنـا مانـيـب أنـانـي
لو سلمت من الغرق . بأمـوت فـي ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

[ليــه يازمـــن]

مشكوره

على القصيده

وصح لسان شاعرها

والله يعطيك العافيه
ماقصرتي

وتقبلي تحياتي

[الغروب]

~*¤§الشيهانة§¤*~

اشكر اختيارك الطيب لهذه القصيدة الجزلة

وصح لسان شاعرها .

[شمآليه]

// الشيهــآنه //

صــح لســانج ولسان شاعرها

وتسلمين ع الذائقه الجميله


لاهنــتي

[وافي بن وافي]

الشيهانه تهد وتصطاد الجزل وانتي كذلك ( اسم على مسمى ) لاهنتي وصح لسان الشاعر

[فهد ال مفرح الضاعني]

تسلم ايدينك على الطرح وباقيه بتالئق ومشكوره وصح السان شاعرها

[~*¤§الشيهانة§¤*~]

اشكركم جميعا على مروركم
والله يعطيكم العافية

[خالد بن ضيدان]

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!



الله الله الله
صح الله لسان شاعرها


الشيهانة
لاهنت
والله
لا يحرمنا من ذوقك الحلو
تحياتي لك ^^_^^