قصيدة عبد الله بن عبيان اليامي في الملك عبد الله بن عبد العزيز عند زياته لنجران

[يامي وربي الله]

بكيت وبكا شعبك من طريف لـ(الخرخير) =على ابن الشهيد ارهت عيونـك سحايبهـا
دموعٍ تهـزم الـذل وتحـارب التدميـر =دمـوعٍ تسولـف للوطـن مجـد غايبهـا
دموعٍ تداوي الجـرح وتكافـح التزويـر =دموعٍ تصـب الشمـس والليـل يشربهـا
دموعٍ اشد من الجنابـي وسيـف الزيـر =علـى الشلـة اللـي ماجهلنـا مآربـهـا

الشاعر عبد الله عبيان اليامي
اسمع القصيدة

تحميل

سجدنا لربٍ ساق برق السحاب إعصيـر=علـى ديـرةٍ فـاح النفـل مـع هبايبهـا
من العارض المنقاد بشّـر بشيـر الخيـر =ونجـران هلـت بـه وفلـت ذوايبـهـا
هلا والقلوب اطهرمـن الغيـم والتعبيـر =وبيـض النوايـا فـي الحنايـا نرتبـهـا
هلا بك يا نبراس العـدل قايـد التطويـر =ياصقر العروبه يا اصدق الناس واطيبهـا
هلا مرحبا والحـب مـا يحتمـل تفسيـر =وليالـي غيابـك يـا ملكنـا نحسّبـهـا
كسيت الجبل بشت ووقف هيبـه وتقديـر=يقلّـد شمـوخـك والثـريّـا يراقبـهـا
وقمة طويق اللـي عليهـا يغنـي الطيـر =زهـت بالعقـال تميلـه فـوق حاجبهـا
تسوي سواتك وانت طبعك وعزمك غيـر=وعطفك يابو متعب رفـع قـدر شايبهـا
بكيت وبكا شعبك من طريف لـ(الخرخير) =على ابن الشهيد ارهت عيونـك سحايبهـا
دموعٍ تهـزم الـذل وتحـارب التدميـر =دمـوعٍ تسولـف للوطـن مجـد غايبهـا
دموعٍ تداوي الجـرح وتكافـح التزويـر =دموعٍ تصـب الشمـس والليـل يشربهـا
دموعٍ اشد من الجنابـي وسيـف الزيـر =علـى الشلـة اللـي ماجهلنـا مآربـهـا
تجي يابكور الوسـم بالغيـث والتبشيـر =تـزف الحيـا وبـروق ليلـك تجاذبهـا
تبادر بفعـل الخيـر والجـود والتيسيـر =وتشهد علـى طيـب الموانـي مراكبهـا
وعضيدك ولي العهـد ماحافـه التقصيـر =حزامـك يمينـك درع جنبـك مقطبـهـا
يقود الطلايع سرب وقّّـع وسـرب يغيـر =وكـفٍ تمـد الشـر لـلـدار يعطبـهـا
خذ العهد منا يا ملـك يـا وطـن ياميـر =يارملٍ سكن عـوج الضلـوع ومناكبهـا
نعاهد على طاعـة ملكنـا بـلا تأخيـر =نعاهـد نقـدم روحنـا لــه ونجلبـهـا
ودارٍ تشفـر حبهـا فـي الحشـا تشفيـر =نعاهد على صـدق الـولا فـي حرايبهـا
نعاهد نسوق العمر واللي يصيـر يصيـر =ممـاتٍ يـعـز ولا حـيـاة تغضّبـهـا
نمـاري بتاريـخٍ يخلـي العقـول تحيـر =نجـوم السمـا عنّـه تسولـف مواكبهـا
عسى الله يرحم من بنى المجـد بالتفكيـر=سرى والسيـوف لهـا رجـالٍ تخضّبهـا
هجد نجد في ليل الشتـا واعلـن التغييـر =وشامـت لبـو تركـي ووحّـد جوانبهـا
رحل والمواقف خالده مـا تبـي تذكيـر =رحل والبيارق في ثـرى العـز ناصبهـا
وخلّف صناديـدٍ بنهـج الكتـاب تسيـر =على العـز والنومـاس رفـت شواربهـا
ليا صاح حدك ياوطن واعلنـوا التحذيـر=تعزووا هل العوجـا وداسـوا صعايبهـا
يغني الخفوق ولو سألتـه عـن التبريـر =يقول انت يـا صقـر العروبـة سبايبهـا
يرحب بك اللي ما عرف وجهه التكشيـر =اميـرٍٍ يسـوق الخيـر والنـاس كاسبهـا
شلع في الوديعة واعتلى والشـرار يطيـر =وشهر مشعل بن سعود في الجو واعجبهـا
هلا بـك يرددهـا هـلا والديـار بخيـر =وجيّتـك ياغـيـث الربـيـع نترقبـهـا
الا ما حلا شوف العشاير تحـث السيـر=شمال “ابرق الفنجال” والعشـب جاذبهـا
فجوجٍ تفوق الوصف والشرح والتصويـر=مواكـر شياهـيـنٍٍ حــدادٍ مخالبـهـا
رجالٍ على حد الوطـن تحتمـي وتغيـر =تحت بيرق آل سعـود تسـري ركايبهـا
على البر والتقوى يميحـون جـم البيـر =وتواضـع مقامـك يـا ملكنـا يقرّبـهـا
خشعت ورفعت ايديك بالحمـد والتكبيـر =بركن الحـرم ودمـوع عينيـك تسكبهـا
تهلل وسبّابتك يـا اطهـر مليـك تشيـر =لربـك عسـى ربـك يحقـق مطالبـهـا
وتبقـى بلدنـا موطـن الديـن والتنويـر =ووجهك يابـو متعـب ينـوّر ويطربهـا

[عبدالله آل عامر]

لاهنت يالسنافي..... وتسلم يمينك

تحياتي لك؛؛؛؛؛؛؛؛؛؛؛

[اليامي الوافي]

لاهنت يزعيم و بيض الله وجهك

[محمد الهتلاني]

صح لسان ابن عبيان قصيدة رووووووووعة بيض الله وجهك يا اليامي وتسلم يا القرم على النقل الرائع

[يامي وربي الله]

ماسوووووووووويت الا الوااااااااجب نفدااااااااكم ولاهنتو على التنسسسسسسيق

[ابومحمد الشامري]

صح لسان الشاعر المبدع عبد الله بن عبيان اليامي على القصيدة الرائعة التي الهبت الجماهير بالتفاعل وكانت قصيدة جزلة في خادم الحرمين الشريفين الملك عبد الله بن عبد العزيز.

لا هنت يا اليامي على النقل الطيب

[خالد المزيد]

صح لسان ابن عبيان قصيدة رووووووووعة بيض الله وجهك يا اليامي وتسلم يا القرم على النقل الرائع

وياليت توضع برابط تحميل للجوال .

[ابومحمد الشامري]

اخي العزيز خالد المزيد تم وضع رابط للتحميل ( كلك يمين حفظ باسم )

[المؤرخ]

لاهنت يا اليامي على القصيدة الرائعة وصح لسان ابن عبيان

[النـايف]

قصيده رووووعه .. يستاهل أبو متعب ..

لا هنت ياليامي .. وصح الله لسان أبن عبيان ..

النايف