كرهت وضعي

[ماهمها شي]

لا تسأل اللي قضى ... عمره على صبره
!انا طوتني هموم ... الوقت من صغري

كرهت وضعي ... ولكن ماقدرت اكرهآ
مالي اللي تجسد ... في جفن سهري

اشوف حالي تغير ... واختلف فأمره
الحال مزري ... وهم اللي رحل مزري

العيد مابه فرح ... لاصار به عبره
والدمع مايصدق إلا ... لا ذرف شعري

والحزن له داخلي ... سكره ورى سكره
احاول افيق منها ... و ارتشف قهري

ياما زرعت الرجا .... بقطف منه ثمره
والشوك ناتج محاصيلي ... على فقري

اصل البحر لو تزيده ... دمعتي قطره
فاض البحر ورتفع مده ... على جزري

لو الاماني تجي في ... وقتها بكره
ما كنت ابتبع سراب ...فالعرى يجري

ياصاحبي لاتزيد ... المنتظر حسره
تراه ماباع من قدره ...ولا يشري

احتجت لك في ... قساوة وقتي وعسره
وين انت في وقتها ! ... كنك ولا تدري

ياما زعلتك رضا ... ماينقبل عذره
ياما بكيتك فرح ... ماجاد به فكري

ذكراك جمره وانا ... قلبي على الجمره
لو ماطريتك حرارة ... جمرتك تطري

ما بيك ترحم (( )) ... وابيك لا تشره
لو شفتني ضاقت انفاسي ... على صدري

دنياك هذي تهد الحلم ... وتعمره
لكنها هدت احلامي ... على عمري

نسيت انا كيف انا ... إلا على فكره
ما قلت لي ويش ... جابك للغلا ! بدري !!

[عليل المحبه]

والحزن له داخلي ... سكره ورى سكره
احاول افيق منها ... و ارتشف قهري

عزاااه



نص يوجع


صح السان الشاعر

وتسلمين على النقل المؤثر


ولاهنتي

[king الوادي king]

ارحبي ارحبي

لاهنتي على النقل المميز وجعلش تسلمين على النص

[شامخه بعز ابوهاااا]

لو الاماني تجي في ... وقتها بكره
ما كنت ابتبع سراب ...فالعرى يجري

كلمـآت في قمـه الروعه كمـآ هي في قمـه الحـزن والألـم ..

لآهـنـت يـآلغـلآ ع النقـل المميـز وذآيقتـج الجميـله ..

[المااسه]

يعطيش العاافيه ولاهنتِ على النقل المميز..

[ناثرة الورد]

.. السلام عليكم ورحمة الله وبركاته ..

{ شُـكـرتي لـروعـهـ الاختيار المميز والرائع ..

دمتي بهذا التميز ~