*©*·-·::: يابوي لاتبكي وانا موجود:::·-·*©*

[رفيع المقام]

يابوي ليه تبكـي كـل مـا شفتـك وعينـك لـي
تخـاف أمـوت يابـوي .. وقبـل المـوت تبكيـنـي

كفـا يابـوي لا تبكـي وأنـا موجـود معـك وحـي
أجل بعد الرحيل أشلون .. في قبري توطينـي

يابوي لو تمـوت النـاس ماتسـوى دموعـك ذي
وأنـا يابـوي ميـت قبـل أمـوت وأنـت محييـنـي

قسـم بالله يابـوي لجـل عينـك شربـت الـغـي
جرعت الهم والحرمـان وبحـر الويـل يسقينـي

تحملت السنين اللي طوتني في عاذبي طي
وصار الجمر بكفوفي .. وتحـت أقـدام رجلينـي

يابوي ماعلى عمري حسافه ولا بقا بي شي
ولـكــن بطـلـبـك يـابــوي تـكـفـا لا تخـلـيـنـي

يابـوي مابـي غـيـرك يغـسـل جثـتـي بالـمـي
وتكفـا قبـل لا أتكفـن .. يابـوي فكلـي عيـنـي

بأمر الله يمكن ألمحك وأرحل في عيني ضـي
وودع وجهـك الطـاهـر مــع دنـيـاي وسنيـنـي

وخل النـاس تحملنـي وترفـع راسـي ورجلـي
وتأخذني على قبـري وتكسـب أجرهـا فينـي

وأذا جيت القبر يـا بـوي نزلنـي شـوي شـوي
ووجـهـنـي لـبـيـت الله .. وقـبـلـة المصلـيـنـي

وحـط الطيـن وأدفنـي وعـز اللـي يعـزي فــي
ثــلاث أيــام يـابــوي .. يـواســوك المعـزيـنـي

ورابـع يـوم يـا بـوي تذكـر .. ضحكتـي وعـنـي
تـذكـر وش كـنـت أقــول يــوم أنــك تنـاديـنـي

تذكر يـوم كنـت أنـام فـي ظـل النخـل والفـي
تجي يمي تصب الما..على وجهي وتصحيني

تذكـر جـرة المـوال وصـوت فــي حبـالـه كــي
تذكر يـوم أغنـي لـك قصيـدي وانـت توحينـي

تذكر ضحكتـك لا قلتلـك يابـوي عشقـي هـي
تذكـر كـم قصـيـدة خافـيـه مــا بيـنـك وبيـنـي

تذكر كل شـــي كــان وأذكــر.. يــوم أنــا حـي
ولــكــن أســالــك بالله يــابــوي لا تـبـكـيـنـي

سلامتكم

[حبيب]

رفيع المقام بعيدٍ عنك الشر انشالله وانشالله ماتى مكرووه

والله يخلي لك ابيك

ولاهنت على ماكتبت

[بدر العرجاني]

رفيع المقام

لا هنت على هذه الرائعة والله لا يفرقكم إن شاء إلا على الطاعة

[فتاة الاساطير]

الله يخليلك ابوك

عساك ماتشوف دموع شخص تغليه

لك مودتي

[أبو مسعود]

لا هنت على هذه الرائعة والله لا يفرقكم إن شاء إلا على الطاعة

[هادي بن فهاد]

السلام عليكم ورحمة الله وبركاته

هذي القصيدة معروف من شاعرها

هو الشاعر جابر بن هايف العتيبي وهو لاينشر قصايدة الى بأسمه

[( ابومحمدالشامري )]

ماقصرت على نشرالقصيده يارفيع المقام
وماقصرت يابوفهادعلى توضيح من صاحب القصيده صراحه شدتني

[نسل يام]

صح لساااانك


قصيدة معبرة لاهنت على النقل.