"كسرى الروم" من روائع ابن دليم آل سالم

[جمال آل سالم]

و هذه إحدى روائع الشاعر عبدالعزيز بن محمد بن دليم آل سالم أتمنى أن تنال على إعجابكم،،،

دخيلك ياو لي البيت يارحمن ياقيوم =من اذلال الكرامه في معزه نفس جمّاله
مدام ان المعزه راس مال الحر والزيزوم= تخليها رصيده و اتغفرله سالف اعماله
نصر ربي هل الحيره على كسرى بعزة قوم= بعد ما خيبو كسرى برد اعراب صماله
وانا ماظنتي من بعد ها فكر زعيم الروم= يعيد الغلطه اللي جات من كسرى و تثناله
واذا كل غدى شاطر يبيع ويشتري وايسوم= وراع السوق في حاله ولاكنه على باله
من اللي مايسيءالظن في السلعه وراعي السوم= ولاكلٍ دخل في السوق يصخي قيمة رياله
ولا كل الطواري تشغل الرجال قبل النوم=ولاكلٍ يفز ويلزم الطرقي لفنجاله
وانالا ضاق صدري ماتضايق من كلام ارخوم=يضيق من الدهر لاوحّد الرجال بلحاله
غفيت وشفت لي شايب يطيح ويعتزي ويقوم=لمنه طاح مسح دمعته بطراف دسماله
وقلت اش علة الرجال ؟ قالوكان شيخ القوم=كسره الموت يوم اقبل عليه وراح بعياله
بعدماكان شيخ لااعتزى ثم فز هز القوم=بكا ربع تناسو علمه الغانم وفنجاله
وجيته قلت هات ايدك ولاتبكي من المقسوم=تعال اتشوف قدرك في محلي وين منزاله
وقال ارفع يدك ماني ضعيفٍ لك ولا محكوم=واذا كان الزمان اللي كسرني ماني ابعاله
واذا كانك تشوف انك ولا مثلك ولك مرسوم=توثل لاتطيح وتنكسروالناس عذاله
وقلت ان كان ماتدري ترى قبل احبي واقوم=وانا من بيت عز يكسرالفريس برجاله
وقال الذيب يبني له على روس الطوال ارجوم=هني اللي معه لابه لمنه طاح تدراله
وكان الذيب مايجعل على طول الرقاب اوسوم=تحاوده الذياب اشويه اشويه وتغتاله
وترى لشناب وان طالت معا طول الزمان اتروم=ومن خلى يمينه حدته ليام لشماله
انا اول كل ماسليت سيفي والنسوراتحوم=نطحت القوم واغني وقلبي سالي داله
تقص اثري اسباع جايعه واتحصل المعلوم=بعد ماجلب لها من خيرة الفريس واتناله
وبعد ما كنت عز للابتي لي جاالحريب ايعوم=توجد كل من عرض علي وقال عزاله
بعد م اماتواعياله وغيم في سماه اغيوم=تجاهله الزمان ولابته ماهي بفي حاله
وكلن كلخ انيابه وقال اضعيف ومهزوم=لوان الله خذاه وريحه ماطاح تمثاله
واكيدالحر في وكره لمنه شاف طير البوم=على و كرن مثل وكره توجدوانبرى حاله
نهضت من المنام ابكي وقلت اشوى ماغيراحلوم=على ربي دخلت امن القهروالضيم واساله
معي قولو عسالله لا يهين من الرجال اقروم=ويركز بيرق الجيّد لمنه زادغرباله
واساله ياعسا ماينقطع بين الرجال اعلوم=تبين حق من له حق و الثاني على فاله
وعلى مد النظر ياهجسي سقها وانا باقوم=مدام اني عطيتك من د قاق العلم وجلاله
ومدام ان العرب قامت تبدل بين ليل ويوم=تحزم بالقريب والشجاع ابيّن افعاله
وعساالله لايعين مخرب ن وده بكثر اللوم=وعسالله يقلع ابليس الرجيم وينثر ادلاله
ومدام ان الحصان احصان حتى لو يطيح ايقوم=بندمح للرفيق وبالوفا لي قام قمناله
واذا لاقدر الله صاربه وسط الصدور احثوم=تشيّن خاطر العاقل وكلن يبغي الناله
نبيها طمرت احصان وعلى ماقال حب اخشوم=قبل لا ينتكس راس البعير ويدفن اضلاله
ومن دورعلى الشيمه لقاها والرجال اسلوم=ومن دور على العيله لقافي الدرب عياله
وطيب اختامهاعنبر بريح المسك واليشموم=وصلى الله وسلم على محمد واله