أما مواقف رجل ولا بلاشي !!

[الجلغم العبدلي المطيري]

بسم الله ثم بسم مطير ,,
يقول الشاعر المطيري (( فلاح بن بليعيس بن عريج الميموني المطيري ))
وهو يتكلم عن البخلاء العفون !!!

أترك رفيقن صحبته ضحكة سنون
أما مواقف رجل ولا بلاشي ,,
بعض المعارف دون معنى ومضمون
برقن تخيله في بعيد المناشي ,,
ويا كثرهم لعلهم مايثنــّون
وياويّ أجسامن سترها القماشي ,,
وإليا بدت حالتك من دون في دون
يحسب بعضهم من حساب المواشي ,,
وإن قلت أنا قادر على فلان وأمون
دقّك بدينن وصك باب النقاشي ,,
وإن جيت ذاك وقلت أبي منك العون
منك إنزعج وأصبح بوضع إرتباشي ,,
يقول ماعندي وأنا رجل مديون
وعلى ديوني ما يلحّق معاشي ,,
وأن قلت عطني موترك قال وشلون
عندي شغل بكره مع الفجر ماشي ,,
وأبوي حرصني وانا ما أقدر أخون
إحرص على موترك حذرا يناشي ,,
نبي نبيعه فيه ناسن يسومون
الصبح بدري والثمن فيه كاشي ,,
وأنشهد إن الوقت جاير وملعون
الذيب ثعلب والجمل صار حاشي ,,
راحوا رجالن للقرابه يحامون
أقصورهم راحت سوات العشاشي ,,
وأهل الصقور اللي لها قبل يشرون
فكوا جميع سبوقها بالدشاشي ,,

وسلامتكم وصح لسان الشاعر الكبير ...

[محمد بن ناصر الغفيلي]

صح لسانك يالعبدلي وصح لسـان الشاعر فلاح والله يغنية عن النـاس ويرزقة


وبهالوقت وأنا أخوك بدت الناس تنسى معنى الكرم والفزعات



تحيتي لك وتقديري

[الجلغم العبدلي المطيري]

السلام عليكم ورحمة الله وبركاته

الله يعافيك يا قرناس واسم على مسمى ان شاء الله

[بللو]

صح لسانك وعلا شانك

[البعيد]

صح السان الشاعر مليووون


ولا شلت يمنااك على هذا التقل الجميل

من اشهر من النار على علم

واجبتني له قصائده في شاعر المليون

وياليت لو تزودنا في مواصفات الحريم



تقبل تحيااااااااااتي