وصية المسافر !!

[الرحال2006]

يالله حيّهم وسلمهم

جاكم الرحـــال بجديد متواضع يتمنى ان يصل قلوبكم

وهو يقول :

مسافر انا واحمل معي ذكرياتي = وباقي آمالي وبعــــض امنياتي
صحيح انا راحل لكن عنـــــدي = وصيتي لش واحفظيها وصاتي
يا من بها ترقد وتهنا عيوني = ويا من لها تسهر ولا هي تبــاتي
حطي وصاتي داخل اهداب عينش= وضمّــي عليها بالهدب ياغناتي
لو كان جا في يوم للحب طاري = لا تلبسي ثوب الخجل والسكـــاتي
قولي بعالي الصوت والكل يسمع= قد كان لي قصة غــرام بحــياتي
حبّـيت من حبّي سكن في خفوقه= واشغلت قلبه عن جميع البنــاتي
عشنا الفصول الاربعه في هوانا= ذقنا مرارتهــا وذقنا الحـــلاتي
صادق بحبه دون شك(ن) وريبي= ما حب رسمي قبل حبّـــه لذاتي
كم شال في قلبه من الحب لجلي= ما قد حصل قبله ولا ظنّ ياتي
يا كم على شاني تحـــمّــل متاعب = وهمومه اثقل من جبال السراتي
وان شافني كنّه من الهم خالي = يخفي همومه ما يبيني احـــاتي
وياكم على همّه كفاني همومي = ويبات كنّه فوق جمر الغضاتي
وانا كلّما زدته صدود وتغّلــي= يغمرني بحبّــه وعطفه جــزاتي
هذي سواته حب صادق ومخلص= وانا الجروح اللي بقلبه سواتي
لكن قسم بالله ما غاب عنّـــي = زوله معي حتى وانا في صلاتي
جاني وهو واله وشفق(ن) لشوفي=وبالصدّ قابلته وقسوة جفاتي
واكبر جريمه يوم بيني وبينه = اقصر مسافه ولا طويت الشتاتي
لكن على ما قيل في دبرة الله = نمشي ولا ندري عن المقبلاتي

وسلامتكم
للـ: الرحـــال