هجينية ( يا نجمة الصبح ) بصوت شايع العيافي

[ابومحمد الشامري]

يانجمة الصبح كبدي منك مرهوقة=لاشــع نورك علينا لاتغيــبـيـني
ستاير القلب من فرقــاك مفتوقه=أصبر من العام لين إنك ذبحتيني
الـود لو نتركــه عنـّــا وطـاروقه=يمكن أرتاح وأنتي تستريحيني
لبّيه يللي تتل القلب بعروقه=كله علشان يوم إنك تلـبّـيني
يتلني تل ركبٍ عجّـلوا سـوقه=أو جل ذودٍ مسرّيهن شيابيني
عدّيت من مبسم المجمول لاذوقــه=أنا بــلاي الحيا وأدرى على ديني
ياقلب يللي من ( الجازي ) دنا عوقه=تكفون شيروا عليها لا تقفيني
وإن كان قلبي تليّـش عنه صندوقه=شــدّوه ليت آتجوّد عنه بيديني
قالوا معاليق قلبك منه مسروقه=قلنا خذته الضحى والناس واعيني
ياليت ربّي ومـــر خالد على شوقه=يفـك حبله ولو يعطى مــلاييني
يالله ياخالق الدنيا لمخلووقه=تقدر على الموت تذبحني وتحييني
تلم شــملي لابد الروح مرفوقه=بأربع هناديس في قبري تخاويني