قصيدة خلف بن هذال في صدام

[عبيد العرجاني]

السلام عليكم ورحمة الله وبركاته

إليكم القصيدة :

البارحه اللـــــيل ماغمضت به كـلـــــه أراقب الصبــــح جالــــــس واتـحرالـــه

أبعث شــــريط مضى وأطويه وافلــــه وأقــــول مــــن يحفظ التاريخ لجيالــــه

قل للــــــــــعراقي يفتش جعبته قلـــــه يلقابها شـــــيء مايطري علــــى بالـــه

الهم والغم والطاعــــــــــون والعلــــه حقـــــــــه لحاله كفايــــــه حقه لحالـــه

من صفعة ذاقهــــــا بانت به الخلـــــه يذكـــــــر هزيمة شهر شعبان وهلالـــه

قــــام الثعل يشتغل ويشاغل الشلــــــه عـــــــزت وطارق وعد عدي وأمثالـــه

يذبـــح ويصلخ يدها حمراء ومبتلــــه شـــــــــــيء يخلي جبين الحر يندالــــه

ياناس ياويل مــــــــن هذا زعيماً لـــه الشعب فــي وضع يوسف له ويرثالـــه

شعب شرب كـــره وأكل كره كره لـــه يتفل علـــــى صورته ويدوس تمثالــــه

تبت يــــــدى أبو لهب تبِ وتب لــــــه واللـــــي معه بالحطب للـــقوم حمالـــه

مقبــــل على طبخة بالحيل تعمل لــــه يـــــــوخذ بها الثأر والثورة تسوالـــــه

الله مايهمـــــل الظالـــــــم ويمهــلــــه وأن طال به عمره خس شوي وأرذالـه

الحــــــــكم منهار والأحزاب منحلـــــه ماخس مــــن حالةِ فيـــــها ولا حـــالــه

مــــن ردي حظه فأهل بيتـه يزولـــــه صــــار الشجر قــــــوم بعيونه يورالــه

مـــن كثر مايرتميه يخاف من ظلــــــه ومن يعلم الغيب لا صار عدي قتاله

صدام أنا بأنشدك ويش إنت عايشٍ له مثلك بغبنه يموت ومونه أشوى له

الجــــيش يرزح تحت ذل من الذلـــــه والشعب مسكيـــن تضحك له وتغتالـــه

وإذاعتــــك ياسويد الـــوجه منشلـــــه ماعـــــندك إلا يالالــــه يـــــــاللا لــــــه

وإلا أنت مهزوم لامـــــذهب ولا ملـــه مقطــــــع أربـــــــع تطيح بكل محبالــه

حـــــدد مكانه بتلسكـــــوب وانـــزلـــه انـــــزل رويــــدا رويـــدا واكبس الالـه

ترسم هدفها على الليزر وترسل لــــه اشــــارة الضبط والمضـــــرب تهيالـــه

ماتحمــــــله ترفعـــــه مترين وتهلـــه مــــع ذرة الشمس في قصـره تحمالـ

تعطيـــــه ضربه تدك القبــــــو بالفلــه والشـــــــر فاله وفــــــال الله ولا فالـــه

في سبّع له الارض تحفرله وتدفن لـه مـــــن تحت الانقــاض والانقاذ ماشالـه

ثــــــم خل غيره يشوف ويعتبر خلـــه اللـــــــي يبي مثلهــــا بالحـــال تثنالـــه

أتمنى ان ينال إعجابكم

منقول

[king الوادي king]

لاهنت يالعرجاني وتسلم على النقل الطيب

وهذه من اشهر القصايد في الغزو الكويتي

وهي رساله الى صدام حسين

وهذا المقطع يالعرجاني

واسمحلي على القصور

[عبيد العرجاني]

لاهنت يا كنج الوادي على المقطع الطيب ومابه قصور إن شاء الله

[منصور الوذين المري]

العرجاني
صح السان بن هذال
وشمكرا لنقلك واختيارك المميز

[أبو سالم المصراني]

صح لسان شاعرها و الله لا يهينك النقل المميز يا الغرجاني
و انت يا الوادي مشكور على المقطع الحلو