بجيك وفي يدي لعيونك الثنتين خمس شموع

[shmoo5_ al_ajmy]

السلام عليكم ورحمة الله وبركاته

شهر واسبوع والله ماتحمّلت الفراق اسبوع =انا بامشي واذا الله كاتبٍ لي شي يلقاني
من اْوّلها خطأ.. لكنّْ عذراً والخطا مرجوع = ونا عذري فراشات الوله قامت تحداني
تطير وتنتشر في كل احمر داخلي مزروع =تبللني بنفسج لين ماتلعب على اغصاني
تعبت اعد ساعات استلامي لين اجي ميقوع =تعبت آعيد لحظات الوداع اللي تقهواني
انا من وين جيت / وجبتني ياحظي الموجوع = وشلون اروح .. الا لانك طحت ماامداني
الاياحظ خذني قد عقلي وافهم الموضوع =ابيك تكون صفي لوشهر تكفى على شاني
وانا في ذمة اللي تحت ظلّه مالحقني جوع =وانا في ذمتي بعض القلوب اللي تحراني
حبيبي والله ان الحب نعمه والحيا.. متبوع =وانا لولاي احبك ماتكبّدت العنا عاني
واذا كانت صعوبة شوفتي لك مثل حب الكوع !! =تبي تبقى كثير وصورتك في داخل اعياني
حبيبي وكل الله وانت تدري يافريد النوع =باني مستحيل احب غيرك واحدٍ ثاني
وعن غيرك تطمن دون قلبي لوحة الممنوع!! =مسويها لاني مافتحت القلب مجاني
انااكبر مستحيل اقولها في صوتي المسموع =على غيرك حبيبي / وانت تجري وسط شرياني
مادام الله رزقني طيبتك يااطهر من الينبوع =طبيعي لو بجيك من البحر والملح ماارواني
( قليلك في عيونك).. لوتجي للصدق يالدلوع =كثير وتمتليه عيوني الثنتين بجفاني
سموّك بالتواضع يرفعك ياجيت لي بخضوع =اشيلك في عيوني واترك الباقي لوجداني
مكانك يالغلا دونه حمايه من ثمان ضلوع =ولاهو بأي قلب / اللي سكنته قلب ( ... )
قسم بالله لو مالي امل / والا الرجا مقطوع =لجنّني قصيده عاقله تبكي على جناني
بجيك وفي يدي لعيونك الثنتين خمس شموع =يولعها اشتياقي من عطر خمسك وتدفاني
بجيك وكان ودي لو معي ديواني المطبوع =بشوفك وانت تتأمل كثيرك وسط ديواني

[مسعطر]

بشوفك و انت تتأمل كثيرك وسط ديواني ,,

الله الله ,,

صح لسانك و لسان شاعرها ,,

تقديري و إحترامي ,,

[ناثرة الورد]

{{ بنت المشاعر كلن لها شاعر }}
,
,
آآبداع غير مستغرب
دمتـي بهذا الرقي
تقديري ..,

[مسعطر]

مكانك يالغلا دونه حمايه من ثمان ضلوع =ولاهو بأي قلب / اللي سكنته قلب ( زقعاني )

[مانع الوعيلي]

الله الله
ولاهنتي اختي بنت المشاعر على النقل وصح الله لسانك ولسان قايلها ويعطيش الف عااااااااافيه

[وافي بن وافي]

بنت المشاعر الف شكرا على نقل هذه الرائعه... وصح لسان شاعرها .. لك مني أجمل تحية .

[حـــوران]

الحمدلله على السلامه
و ولكم باك


وصح لسـان شاعرها ,
إختيار جميل
إحترامي

[shmoo5_ al_ajmy]

مسعطر

لاهنت علي تواجدك الرائع

[shmoo5_ al_ajmy]

ناثره الورد

تسلمين يلغلا علي تواجدك الرائع

[ليــه يازمـــن]

صح الله لسان قــايلهــا

والله يعــطيكِ العــافيه