بسم الله الرحمن الرحيم
السلام عليكم ورحمة الله وبركاته
هذي قصيدة لـ الشاعر عبد بن خلف العاصمي
ومناسبة ذا الابيات يوم راح لـ البحرين ايام الغوص عندما ذهب لـ طلب الرزق
وكان لة جيران من العجم وكان عندهم غنم وبقر يبيعون لبنها ودايم وهو يعطيهم قدحة
ويعطيهم بيزات وهي العملة النقدية آآنذاك ..
القصيدة طويلة اذكر لكم بضعآ منها
البارحة في الليـل يـوم اتنـزه=اخيل براقٍ سمـر ويـن يـازي
اصبحت قلبـي رابعاتـه تهـزه=تهزني لا انووا وانا «بالدرازي»
من دون ربعي فرجـة مبرهـزه=ابغى العزا عنهم ولا نيب عـازي
ترك صبيٍ في البلد ضـاع مـزه=رب البلاد ومن هل البر جـازي
انـا ليـا كـلاً لـذا فـي ملـزه=في ما قف السفهان مانيـب لازي
ونفسي عزيزة بعض الاشيا تكزه=يا حبني لهل النفـوس العـزازي
حلفت ما اوقـف عليهـم بـدزه=نفوسنـا حنـا لهنـه بــوازي
يا ما حلا عاد اول النبـت فـزه=وممشا مع من كان للنفس جازي
( وخوة من يبغى الاناسه وعزه )= خوة رجـالٍ تنشـرا بالفـوازي
فان اقبل الطارش بنضوه يهـزه=كنه على البيت المثولث يحـازي
بيوتٍ اهلها مـن وراهـا بنـزه=ومشيدات فـي طويـل النـوازي
هـزه ودزه وانثنـى عنـد بـزه=والضيف من طيب المعازيب فازي
يازين شب الضو خطوات حـزه=في مجلس ما سفروا له بقـازي
راعيه من عـاده صغيـرٍ منـزه=جنوبـيٍ كنـه ربـوة حجـازي
عجـلاً لياجـاه المسيـر بفـزه=لاهوب لاخـدرٍ ولا هـو قمـازي
يا جـار لامنـك بغيـت المعـزه=عنز على اللي جارهم مايهـازي
احذر من اللي في القرا مستلـزه=اللي يبيعـون اللبـن بالبيـازي
جاراً الى ما احتجـت ودك تلـزه=وجاراً ترى جمعاه منها المجازي