قصيده رائعه لأبن فطيس

[(عـ ـديـ ـل الـ ـروحـ ـ)]

هلاااااا غلاااااااا بالجميع

اخترت لكم قصيده للشاعر المبدع ابن فطيس ابيات جميله تعيش معها قصه أجمل اذا تأملت ابياتها

اترككم مع الابياات وان شاء تعجبكم


يامؤمن الريفي انا جيتك زبـــــــــــون : جيتك علي مدح اكثر الناس وعنيت
جيتك وتعالى الله عما يشركــــــــــون : لولاه يا مؤمن لطبك ما أهتديـــــــت
راضي بحكم الله علي مهما يكــــــون : عالج عيوني لو بعد طبك عميـــــــت
ودي أخاشر في البصر من يبصــرون : وأشوف دربي لاسرحت ولا ضويت
والاِ قنصت اثبت مع الي يثبــــــــتون : وأشوف طيري كل ما أوميت ودعيت
ياكثر مايضرب خويي الطبلــــــــــون : من كثر ما أكلته مطبات وكليــــــــــت
ودي أشوف الِي علي يعْرضـــــــون : وبعض الليالي ودي أسري دون ليت
وأشوف ناس في القفا مايرحمــــون : أما وقفت لصاحبي ولا مشيــــــــــــت
من دون نظاره ولاهم يحزنـــــــــون : ياكثر ماكسرت كشمات وشريــــــــــت
لاكْن يادكتور جعلك ماتهـــــــــــــون : ابغيك كلمه راس دامك مابديـــــــــــت
أسمع ولا أبغي الي وزانك يسمعون : ربي كتب يكشف لك اسراري وجيـــت
صوره عديل الروح عندك في العيون : وأخاف تقطعها بموسك ماوعيــــــــت
ولا عليك امر اطوها تحت الجفــون : وعقبه لو تقطع عيوني ماشكيــــــــت
هي راس مالي والعرب مايدركون : أني علي باب الممات وما حكيـــــــــت
ياقو قلبي يوم قفْن الضـــــــــــعون : ألي علي ذاك الموادع مابكيــــــــــــت
وياصبر صبري والعواذل يحسبون : أني دلهت من الهواا ولا سليــــــــــت
أسكت عساهم من سكاتي يسكتون : وأنا عن اِلي في ضميري ماأنتهيــــــت
أدور الفرحه معا اِلي يســـــهرون : وأن ذكروني خذت فنجال وسريــــــت
أخذت من وقتك يادكتور العيــــون : عالج عيوني لو بعد طبك عميــــــــت
وأستر علي واِلي معك لايفطنون : أنت الوحيد اِلي بعد ربي دريــــــــــــت

[الفجحاني]

الله لا يهينك يا عديل الروح

[(عـ ـديـ ـل الـ ـروحـ ـ)]

ارحب يابو حسن

لاهنت علي حظوركـ الجميل

تحياااتي

[سعود الخويطري]

تسلم يمينك على القصيدة العذبه للشاعر العذب والجزل : محمد بن فطيس

[(عـ ـديـ ـل الـ ـروحـ ـ)]

يامرحباا ياااسعود

لاهنت علي وجودكـ الجميل

تحياااااتي

[راعيــة الذوووود]

صح لسان الشاعر: محمد بن فطيس
و قصيده روعه سلمت يمناك اخي (( عديل الرووح )) على النقل ...

[(عـ ـديـ ـل الـ ـروحـ ـ)]

يامرحباااااا والله راعيه الذود

مروركـ دايماً يعطر مواضيعي

مشكوره وتقبلي تحيااااتي

[@زايد بن ألغز@]

لاهنت يا عديل الروح وبيض الله وجهك على القصيده الجزله والرايعه للشاعر محمد بن فطيس المري (المحيط الهادي)

وتقبل تحياتي

@زايد الغزي@

[(عـ ـديـ ـل الـ ـروحـ ـ)]

ارحب يازايد

ولاتهون طال عمركـ مشكور عالمرور

تحيااااااتي