للبنــاتـ فقط// "تبين تصيرين سنعه..؟!.."

[ِِِAL 3ajmiah]

السَلام عليكُم ورحمَة الله وبركاتُه

أسعدَ الله أوقآتكُمْ بِـ الخَيرْ وطَآعَة الرحمَنْ ..
اممم
المُنتديَات كثِير تتكلّم عنْ الإتِيكيتْ بسْ لِيه مَآننظرْ لهآ بِ نَظرَه خَليجِيّه شوَي ..

ونشًوف يعنِي آتكِيتنآ كِيفْ رَآح يكُون يعنِي بِـ آلعَآمِي [ آلسنَآعَه ] ..

بِ النِسبَة لِي , وللكَثيرْ مِنّا مَا نعرفْ لِ السَنَآعَة وكِذَا ..

لِ أَنُه بِكُل بَسَآطَة كلّنَا بَنَآتْ وَ أخوَآتْ ..
وَ قَلِيلْ مَرّة أطلَعْ طَلعَآتْ يَعنِي فِيها حَرِيمْ كبآرْ ورسميّآتْ وكِذَا ..
كلْ طَلعَآتِي وَعلاقَآتِي كَانتْ مِيآنَة فِي مِيآنَة ..
يعنِي تقتصَرْ عَ النآسْ القريبَه مرّه خَوآتْ وخالات وعمّآتْ وبنآتْ خوآل وَ عَمْ وصدِيقآتْ .......

فَ المُجآملَة عِندْ النآسْ هَذُولا مُو ذَآك الزُودْ يعنِي ( إيه هيّنْ ) أجآملْهُم..

مِنْ خِلالْ هذا المَوضُوعْ حبينَا نتكلّم عنْ السناعه..
اممم

* يعنِي مَثلاً إذَا جَاتسْ أحدْ فِي البِيتْ كِيفْ تَهلِينْ فِيه ؟
هَلا والله وغَلا ……………………….. نوَقفْ ..
طيّبْ وشْ بَعدْ ؟
أَبسَطْ القَوآعِدْ نفَهِي عِندَها ..
ألحِينْ خَلاصْ كبَرنَآ وكبَرتْ علاقَآتنَآ مَعْ النآسْ يعنِي لازمْ نصِيرْ إتكيتْ وكشخَة بِ الإسلُوبْ بسم الله علينَآ

طيّبْ وشْ رآيكُم نخلِّي الموضُوعْ هَذا [ دَلِيلْ ] لِ إتكِيتنَآ الخليجِي ..

مَثلاً :

♫♪ عَطِيتِي أَحدْ كَأسْ مُويَة ..
قَالْ لتسْ : عِشْتِ
تردِينْ وتُقولِينْ : …. " عَآشَتْ أيَّامِك "

♫ صَحِيتِي مِنْ النُومْ متأَخّر وأَحدْ منْ إخوانتسْ حآبْ يستهبلْ ..
قَال لتسْ : صَحْ النُومْ
تقُولِينْ له : …." صَحْ بدَنكْ "

♫♪ أحدْ حآبْ يعرفْ وشْ عَاِئلتك , تقُولِينْ عَائِلتِك ..
يقولْ : وَالنعمْ فِيكْ ..
تردِينْ وَتقُولِين : …. " ما عَلِيكْ زُودْ "

♫♪ أحدْ يَبِي يبآركْ لتس , طبعَاً يقُولْ : مبرُوكْ ..
تقُولينْ : " الله يبآرِكْ فِيكْ وعُقبآلكْ ".. بسْ إنتبهِي تقُولين عُقبآلك وهُو صَآيرْ له هالشَي ..

يعنِي مثلاً بآركْ لك بِ التخرُجْ وهُو متخرّج مآتقُولينْ عُقبآلكْ لأنه خلّص ..

♫♪ أَحدْ تزَوّجْ , تقُولِينْ له :
" ألفْ مبرُوكْ الله يَجمَعْ بِينكُم بِ الخِيرْ , مِنُه المَآلْ ومنِكْ العِيآلْ
الله يبآرِكْ لِك بِزُوجِك وبِيتِك
الله يسعدِكْ ويهَنيِك ويرزِقك بِ الذُريّة الصَآلحَة
الله يعمّر حَيآتكُم بِ المَحبّة وَ المودَة ..

♫ طيّب وحدَة تَوها جَآبتْ بِيبِي وحآبَه تبآركِينْ لهآ ..
تقُولِينْ لَها :
الحمدْلله عَلَى سَلامتِك وَألفْ مبرُوك , الله يجعلُه مِنْ مَوآلِيدْ السَعَآدَة ويتربَّى بِ عزِكم انْ شَاء الله , والله يرزقكُم برّه ويسَخرُه لكُم الله يجعلُه مِنَ الصَآلحِينْ ويحفظُه لكُم مِنْ كلْ عِينْ..

♫وحدَة بِ المستشفَى تعبَآنَة ومَرِيضَة
تقُولِينْ لَهَا :
طهُورْ إنْ شَآءْ الله ..
الله يشفِيكْ ويعَآفِيكْ ويرَجعِك لِبيتِكْ بِ السَلامَه , وإنْ شاء الله العُمرْ الطوِيل يَاربْ ..
وترجعِينْ بِ الصحّة وَالعَآفيَة وَأحسَنْ مِنْ أَوّل ..
والله يجعَل مَرضِك تَكفِيرْ لِ ذنُوبِك وَتعظِيْم لِ أَجرِكْ , مَا تشُوفِين شَرْ .. وانْ شَاء الله تقُومِينْ بِ السَلامَة ..

♫♪ حَآلة وَفَآة لِ أَحدْ و تبينْ تَوآسِينهُم

تقُولِينْ :
" عظّم الله أَجرِكْ , إنّا لله وإنّا إليه رَآجعُون , الله يرحمُه ويغفرْ له ..
ويجعَلْ قَبرُه رَوضَه مِنْ رِيَآض الجَنّة , آمِينْ يَآرَبْ العَآلمِينْ ..
اللهُمَ أغسِله بِالمَاء والثَلج والبَرَدْ ..
ونَقِه كَما يُنَقَى الثَوب الأبيَضْ مِنَ الَدَنسْ " وأدعية كثيرة " ..

♫ جَآكِ ضيُوفْ وتَبِينْ ترحبِينْ فِيهُم ..
تقُولِينْ لهُمْ :
هَلا وغَلا أسفَرَتْ وَأَنوَرتْ يَاالله انّ تَحيِيهُم
وتبقِيهُم وتمَسِيهُم بِ الخِيرْ وتصبَحهُم بِالسرُورْ تَو مَا نَوّر البيتْ تفَضلُوا تفضَلُوا .. >> شسمُه مُو كأنِي دخلتْ جَو ..

لُوا النَآسْ عِندتسْ فِي البيتْ وخلصتِي مرحبَه ..
شلُونْ نضَيفهُم.؟

<<أوّل شَيء تقدمِينْ لهُم " العصيرات " إذا كآن الجَو حَآرْ ..

كُوكتِيلْ , وَ عصِيرْ طَبيعِي طبعَاً غيُروا فِي العصِيرَآتْ عشَان مُمكِنْ مُو الكلْ يشرَبْ مَثلاً بُرتُقاَل وَلا الكُل يِشربْ تُفَّاحْ , فَ الأفضَلْ التَنوِيعْ ..

تَأكِدي أنهُم كلهُم شربُوا .. ولزّمِي عَليهْم ..

وإذَا خلصُوا ..

<<تَبدأَ المَرحَلة الثَانيَة مِنْ الضِيَآفَة " القهوة " ..

فِي شَيء مُهمْ عِندَ القَهوَة ..

أَولْ شَيء لازِمْ لازِمْ لازِمْ يكُونْ مَعهَا " تَمرْ "

الشَيء الثَانِي .. انُه فِي نَآسْ عندهُم عَادَاتْ وتقَآلِيدْ

مَثلا : القهوَة إذَا جِيتِي تصبينهَا لـآزم لـآزم تمسكِين الدَلّة باليسَآرْ وَالفنجَآلْ بِ اليمين .. >> يامَا أخذتْ لِي علقَه منْ الوآلدْ ..

وعَبِي نُص الفنجَآلْ أَو أقَلْ مِن النُص بِشوَي ..

لأنُه فِيه بَعضْ النَآسْ إذَا صَبيتِي لهُم الفنجَآلْ مَليآنْ مَعنَاتَها عندهُم ( إشربُوا وإخلصُوا وإطلعُوا بَرَى بِيتِي ) .. كأنها طردة ..

لا تضحكُونْ وربِي ترَى فِي نَآسْ كِذا إلَى الآن , يعنِي الموضُوعْ مُو لعبْ ..

خصُوصَاً الشِيبَآنْ وَالعجَآيزْ والرجَآلْ أعتقدْ يهتَمُون بِ الأمور هذِي ..

والفنآجِيلْ لاتكُونْ صغِيرَه مّره يعنِي إختآرُوا من النُوع الوَسطْ يآ حبِي لكُمْ ..

وعشآنْ مَآتتعرضُونْ لمثلْ الموقف هَذا وتنحرجُون ..

مرّه بنتْ عمِي تقُولْ لِي إنُه زوجهَآ كآن معزُوم عندْ نآسْ ولمّآ جآبُوا القهوَة كآن فِيه رجآل كبيرْ شَوي وشآفْ الفنآجِيلْ صغيرَه ..
وشْ سَوَى أخذهآ كلَّها وكسرهآ ويقُول أنا قدرِي أكبرْ منْ فنآجيلكُم وطلَع ..
عآدْ َتدرُونْ وشْ ألعَنْ مَوقفْ لمّا تصبِينْ قَهوَة ومَاسكَة الفنجَالْ وهِي حَآرّة بِيدّك ..
والضيُوفْ يسُولفُون يسُولفُووونْ وأنتِي مآدّة الفنجآلْ وتقُولِينْ تفضَلِي خَالتِي .. تفضضضضضضضضضضلِي ..
تفضَلِي يَدِي حرَقَتنِي

و لمّا تقَدمِينْ الضِيَآفَة مُو كِلْ اللي فِي البيتْ يرُوحُونْ المَطبَخْ ..
لازِمْ أَحَدْ يَجلِسْ مَع الضيُوفْ , مَا ينفَعْ يطَولُون لحَآلهُمْ ..

و حلُو تحطُونْ حَلَى مَعَ القهوَة أنَا متأكدَه أن الكلْ عَآرفْ هَالأشيَاءْ .

7

7

[ِِِAL 3ajmiah]

<<طيّبْ نرجَع مَرّة ثَآنيَة لِ الضيُوفْ المَرحَلَة الثَالثَة " الشاي " ..

أفضَلْ إنّك تسَوينْ إِبريقِينْ وَاحدْ لِ الشَآي وَالثَآنِي لِ النعنَآع ..

وأحسنْ بعدْ ماتكثرينْ السكّرْ وتجيبينْ سكّرْ برّى , عشَانْ هُم يضِيفُونه بِنفسَهُم ..
و إذَا بتحطُونْ العَشَاء بَدرِي خلُوا الشَاي بعدَ العشَاءْ ... عشَانْ يصِيرْ فِي شَيء تضيفُون عَليه بَعدْ العَشَاء ..

仒 التعَامُل مَع الضيُوفْ :

دَايمْ حَآولِي تَأخذِينْ وَتعطِينْ مَعْ الضيُوف لَو كانُوا جَايينْ عندتس [ إنتِي شَخصِيّاً ] ..
لَو الضيُوفْ مُو لكْ وكنتِي بنُوتَة .. يُفَضل تكونِينْ عَ السَايلنتْ لحدْ أحَدْ يِبدَأ يِتكَلّم معكْ .
السَايلنتْ يعنِي بِ أَدَبْ وَ لُطفْ وَ حيَاااااااااءْ أُكَرِرْ حَيااااااااااااء لأنْ الحيَآءْ زِينَة البنآتْ لبّى قلُوبنَآ وه بَسْ ..
وَ الحَيَاء مَا يِمنَع إنِّك تكُونِينْ مِضيَآفَة وتسُولفِينْ بس شوَي ..
سوي إحتكآكْ بِلبَآقَة مَع ضِيفتِك لَو إنتِي بَنُوتَة ..

ودَايمْ الأُمهَآتْ يحشُونْ فِي عيَآلهُم عِندَ الحَرِيمْ ..

" والله ولِيدِي مسِيكينْ معذبتِه جَامعتِه لِيلْ نَهَآرْ يدرِسْ >> ياسلامْ الوَلدْ طَمُوحْ هذِي إحتكِي فِيهآ ..
" متَى ولِيدِي يكبَرْ ويعقَل " >> هَذِي آنتبهي لا تحتَكِينْ فِيهآ ..
طَبعاً بعضْ الأمهآتْ تسَوِي حَركَآتْ البهَآرَات لبنتهآ , تقُولْ بنَيتِي تستحِي خَجُولَة .. كَلامهَا قلِيلْ ..
هَذَا حَلَى بنتِي سَوتُه , طَبعاً الحلَى مِنْ محلْ الحلويَآتْ بَسْ منْ قُوّة النَصبْ صَآرْ حلَى بنتَها ..

仒 طيّب خلاصْ نجِي للأشيَآءْ الممنُوعَه الجزءْ هَذَا سَووا لُه [ shift + delete ] عندْ الضيُوفْ ..
خَليكْ عَ شَخصِيتِك , بَس أَكِيدْ مَا تصِيرينْ بَجِحَة
يعنِي مَرّة جَرِيئَة .. دَآخلَة جَو مَعْ سُوالِيفْ الحَريمْ , خلهُم يسُولفُونْ أنتِي بَريئَة مَا تعرفِينْ وشْ يقُولُونْ ....
وإذَا نَآدِيتِي وحدَة كبيرَة مَرّة يعنِي فُوق 70 .. قُولِي لَهآ خَآلتِي ..
وفِي نَآسْ مَا تحبْ أحدْ يِنَادِيهَا خَالتِي أَو يكبِّرهَا فِي العُمرْ ..
أتذكرْ مَرّه فِي المسجدْ منْ زِينْ وجهِي جمبِي حُرمَة كبيرَه وقلتْ لهآ خآلتِي أجيبْ لكْ مُويَه قآلتْ تخلخلتْ عظآمكْ ..
طيّبْ وشْ أسوي أنا ألحينْ شعرفنِي بإسمكْ وإلا إسمْ ولدكْ عشآن أناديك فِيه ..
حتَى لو أقُولهآ هِيييه تبي تسفّل فِيني ..
>> بغيتْ أصِيحْ ..
عشَآنْ مَآتتعرضُونْ لِ مثلْ هالمُوقفْ مُمكِنْ تقُولِينْ
" أُمْ فلانْ " سَمِّي , تفَضلِي , عيُونِي , آمرِي , لَبِيه .. >> لزُومْ الذرآبَه يعنِي
طيب إنقطعتْ السآلفَه وتَبينهَآ تَكمّلهآ قُولِي لهَآ " إسّلمِي "

[/COLOR][/FONT]

اممممممم

الكَلِمَاتْ هّذِي إنسِيهَا منْ قَآمُوسِكْ عندَ الضيُوفْ والحرِيمْ الكبآرْ :

[ بليز , أوكِي , سُورِي , يَبْ , نُو ] ..

فِيه حُرمَة تحشْ بوحدَه منْ البنآتْ تقُولْ هَذِي لَو أعطسْ قآلتْ [ أُوكِي ] ..:t053:

فعشَآنْ ما أحدْ يحشْ فِينآ مثلْ هَذِي ننسَى المُصطلحآت الأجنبيه .. :t022:

امممم

معَآييرْ الخوآتْ إنسيهَآ ....

إختكْ قآلتْ لكْ جِيبِي لِي مُويَه تقُولينْ لها جيبي لنَفسِك ما عندّك رجِلين هذِي بعدْ انسِيها .. وتقُولينْ منْ عيُونِي أَجيبْ لكْ

ما آبِي تتحوَلْ وتصِيرْ " تآمرِينْ أَمرْ " ..

قُولِي قَسمْ تتحوّلْ وتصِيرْ " صحيح " ..

كَذّابَة / نَصَابَة تتحَولْ وتصِيرْ " تَمزحِينْ أَكيدْ " .. :t064:

امممم كلْ التحولاتْ هَذِي تصيرْ عندْ الضيُوفْ بَسسسسسْ:t008:

كلمَآتْ تقُولِينهآ إذَا أحدْ قآلكْ مثلْ الكلامْ هَذا ....

•يعنِي مَثلاً لمّا ترُوحِي لنَآسْ ويقدمُونْ لكْ بخُورْ تقُولِي [ طَيبَ الله فَالِكْ وَخَلا لِكْ أَحبَابِك ] ..
• لمّا تزُورِينْ أحَدْ وجيتِي بِتَطلعِينْ وقَالُوا لكْ لِسَى بَدرِي تردِينْ وتقُولِينْ [ الجَلسَه مَعكُم مَاتنمَل والله يجمَعنَا فِي جَنّات النَعِيمْ ] ..
• فِي الزوَاجْ لمَّا تقُولِكْ عُقبَالكْ تردِينْ وتقُولِينْ [ تِسلَمينْ ] , مُو آمينْ ..

• حلُو لمّا تكثرِي مِنَ الدُعَاء للِي إنتِي زَايرتهُم مِثلْ [ أنعَمَ الله عليكُم وَكثّر الله خِيركُم ] ..

• لَمّا أحدْ يِجيْب لِك مُويَه تقُولِينْ له [ يَاربْ يسقِيكْ مِنْ حَوضْ النَبِي ] ..

• لَمّا أحدْ يِنآدِيكْ تردِينْ بكلمَة [ سَمِي ] صعبَة تقُولِينْ لجدَتِك وَالا وَحدَة بسنّها " هلا " ..
• مُو حلُو تعلِينْ صُوتِك أَو ضحكتِكْ عِندَ النَآسْ خذِي رَآحتِك بَسْ بدُونْ مَا يعلَى صُوتِك ..
• حلُو إنّك تكُونِي [ مُستمعه ] أكثرْ مِنْ كَونكِ [ مُتحدِثَه ] ..
• لَو عَزمتِي أَحدْ وَقالْ لِك " سفرة دايمة " أَو " أكرمكُم الله " أَو " أنعَمَ الله عليكُم "

[ مُمكِنْ لَو إنتِ مَعزُومَة تقُولينْ الجُمَل هَذِي بَعد الأكلْ ]
لَو احدْ قَالها لكْ .. تقُولِينْ لُه [ صحتِينْ ] أَو [ حيّاك الله ] أَو [ صِحّة وَعافيَة ] ...

• أشخَاص أَولْ مَرّة تقَابلينهُم وَإنبَسطِتي مَعهُم تقُولِينْ [ سَعِيدَة بمعرفتِك ] أَو [ فُرصَة سَعِيدَة ]
ولَو أَحدْ قَالهَا لِك تردِينْ [ أنَا أَسعَد ] ..

إنْ شَاء الله يكُونْ الموضُوعْ هَذَا دَليلْ مُفِيدْ لِ الكُل.....
... وأنآ بصرآحه شفت هالموضوع آستفدت منه كثيرر

وفيه آشيآء مآكنت أعرف أرد علييهآ وموآقف مدري وش أقول فيهآ فحبيت آنكم تستفيدون

وأي وحدَه عندُهآ إضَآفَه تعلمنَآ عليهآ عشآن نستفيد ..

[ahlam]

شكراا

[ِِِAL 3ajmiah]

فديت قلبك


عفواً

[ahlam]

تشرفت فيج فديت قلبتس

[ahlam]

على فكره انا اول مره ادش هنا واتمنى اكون خفيفة الظل عليكم

[ِِِAL 3ajmiah]

حيااك والله يالغلا .. إن ماشالك المنتدى تشيلك عيوننا ^^

وإن شاء الله يعجبك المنتدى وتستمرين فيه معانا ~

[سمو^المشاعر]

العجمية

تسلمين يالغالية عالموضوع الحلو

ولي عودة للمتابعه

[البندري القحطاني]

يـاربــي ..

والله بخااطري اصيــر سنعة صح يعني ؟!

لازم نعـــر؟!

ومثل ماقلتي ماتعودنا .. حتى المطبخ ما نعرفه إلأا حق القهوة ووبس ؟!

حتى البيض الي هو البيض << مااضبطه لازم يحترق

وإذا مفيوح يدخل داخل البيض ماي << اشلون لاحد يسأل مادري ؟!






* يعنِي مَثلاً إذَا جَاتسْ أحدْ فِي البِيتْ كِيفْ تَهلِينْ فِيه ؟
هَلا والله وغَلا ……………………….. نوَقفْ ..

<< اماا هذي من قلب .. اتنح حمدالله والشكر .. بس

أهلين .. هلا والله واروووووح انادي جدتي هههههههه






مَثلا : القهوَة إذَا جِيتِي تصبينهَا لـآزم لـآزم تمسكِين الدَلّة باليسَآرْ وَالفنجَآلْ بِ اليمين .. >> يامَا أخذتْ لِي علقَه منْ الوآلدْ ..

اي والله ياكثر ما تردني جدتي ههههههه (( بندور فنجالج لج خخخخ))

مرهـ بالغلط بالغلط مديت حق خالي خزني خزهـ وربي مابغيت إلأا روحي

يااااو ..! ماسوت علي نسيت .!!

وعَبِي نُص الفنجَآلْ أَو أقَلْ مِن النُص بِشوَي ..

هذاا الصح .. بس مرات يعني وخصوصاً العزااايم الكبيره ..

وانا اقهوى الحريم .. اصب اقل من نص الفنجال بشوي وامد لها الفنجال

<< تبتسم هالإبتسامة وتقوول فولي الفنجاال ؟؟؟؟؟؟؟؟؟؟؟؟؟؟؟؟

أفضَلْ إنّك تسَوينْ إِبريقِينْ وَاحدْ لِ الشَآي وَالثَآنِي لِ النعنَآع ..

جاي .. ونعناع ..و زنجبيل ..وجاي منعنع << يعني حاطين فيه نعناع ههههههه .. وزعتر << عآدي اغلب الضيوف عجز خخ

واقدم و انا مبتسة << جذي

أخر شي تقولي مافية جاي اخضر

<< بالله وش تردين عليها ؟!

[ناثرة الورد]

موضوع روعــــــــه
رآآآق لي مآطرحت خيتوو
مبدعهـ مشآء آلله عليك بطرحكـِ دآآئمآ
كل آلشكر لكـِ
ولي عـودهـ للتعليـق قريبـا ..