السلام عليكم ورحمة الله وبركاته
هذه مشاركتي الأولى و أاتمنى أن تحوز على رضاكم
و هي قصيدة مهداة الى
الاخ الفاضل والغالى على القلب
سـالـم بـن شـبـيـب آل فنـيـس
والله يعلم انى كتبتها من شهرين
لأبو محمـــــد
سلام يا نســل الرجال العظيمه=للى لها فى القلب حشمــة وتقدير
اهــل الكرم واهــل الصفات الكريمه=واهل الوجيه الطايلات المسافير
المجد تسعاله رجال العزيمه=ماياصله غير الرجال المناعيــر
اهــل العقــول الراشدات الحكيمه=اللى لها كلمه وموقف وتقدير
فى مثــل ابو محمــد عسى الله يديمه=هو ذخرنا وقت الرخا والمعاسيـــر
الطيب ساسه والكرم هو زعيمه=جامع صفات الطيب من غير تقصيــــر
حكيم رأي وباس وعزمـ وصتيمه=وفعله على قوله بحكمه وتدبيــر
هو بدرنا بين الليالى الطليمه=ومن دون ربعه ما يحسب المخاسير
صادق فى وعده والنوايا سليمه=بشوش وجه وفى جبينه تباشيــر
وسلام يا نسل الرجال العظيمه=اللى لها فى القلب حشمة وتقدير
و سلامتكم
و اسمحوا لى على هالابيات
المتواضعة