::يــــا مــســـافـــر ::

[فهيد الكفيف]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

أول شئ لا احد يألف علينا

نبي تعرفنا عن أي ديره سافرت لها

المدن اللي زرتها

الفنادق

فترة الاقامه

الاسعار

عملة البلد

جو هالبلد

التذاكر

خطوط الطيران سافرت عليها

مواقف حلوه او غير ذلك

واذا فيه صور يكون أحسن


يعني

معلومات نفيد بعضنا ونستمتع


انتظر تفاعلكم


اتمنى لكم التوفيق...

[فهيد الكفيف]

أبدأ معاكم

بالـــصـــيــن

وللاسف الصور في كاميرا صاحبي
التاريخ : شهر 12 /2009
المدينه : كوانزو

الفندق : هيونتان فئة 4 نجوم

سعر الليله تقريبا 12 دينار

فترة الاقامه : ثمان ايام
الاسعار والعمله : عمله الصين الريممبي
الاسعار مقبوله نوعا ما بس التسوق هناك عجيب ورخيص بالنسبه لاسواقنا ..

الخطوط والتذاكر : على الخطوط القطريه -( كويت دوحه ترانزيت 2ساعه - دوحه كوانزو )
في الذهاب الرحله تستغرق 6.15 ساعه من الدوحه لكوانزو
الاياب الرحله تستغرق 9.45 ساعه من كوانزو الى الدوحه

سعر التذكره من الكويت 300 دينار


الجو : بارد تقريبا7 درجات مئويه
المواقف : انا ويا خويي كنا صاكنا الجوع ورايحين لمطعم يمني بس قلنا ناخذها مشي بدال التكسي المهم معانا اسم المحل وكل ما سألنا هالصينين (طبعا نكلمهم بلغة الاشاره ) وما عندهم الا الدجه ضيعونا زاد علينا الجوع قلنا ندخل مطعم صيني ونجرب اكلهم

طلبنا طبق

طلع طبق سحالي مع حشرات

لاعت كبودنا وما قدرنا ناكل ذلك اليوم ورجعنا للفندق بدون أكل

عسى الله يعز النعمه واللهم لك الحمد على نعمه الاسلام

وأرجع لكم بسفره جديده

[king الوادي king]

لاهنت يا فهيد على الموضوع والله انك جبت الصواب طال عمرك في اثارة الموضوع انه يكون كل شي موجود الشواهد
والمعروف ان الصين بلد رخيصه في البضايع والديره كلها رخيصه
اما العيشه واكلهم الله يعز النعمه انت يمكن الخامس اللي يقول الكلام هذا انا لابعد جيتها بس اللي يروحون يقولون العن ام الغشات في العيشه الله يديم النعمه
ولاهنت على الموضوع

[ناثرة الورد]

{ مسـاء الخيـر ..

راح اشاركم ان شاء الله كل يوم بسفرهـ جديدهـ :

المدينهـ : طبعا المفضلهـ عندي واللي مااقارن بينها وبين غيرها
{ لبنـان }

الفنادق : رحت كذا مـرهـ بس احسن فندق جـربتهـ كان
{ كورال سويتس الحمرا }

بحط طورهـا وبحاول اخذها من الموقع نفسهـ لان احنا كل صورهـ حاطين
فيسنا بس جد انصحكم فيهـ خاصهـ اذا مع الاهل حلو لان السوق تحتهـ بالضبط وامـان

هـذا المـدخل :


غـرفهـ النـوم الكبيـرهـ :






المطعـم :

والمطعم لهـ قعدهـ خارجيهـ رووعهـ واكلهم حلو ..

فترة الاقامه : 3 أيـام ...

الاسعار : امممم بالليلهـ 100 دولار ..

عملة البلد : انا كنت كلهـ اتعامل بالدولار ...

التذاكر : انا محمولهـ مكفـولهـ واتوقع كانت 13 ..

خطوط الطيران سافرت عليها : الخطوط الجويهـ الكويتيهـ ..

مواقف حلوه او غير ذلك : طبعا بالثلج صرنا فلم تهزئنا مايمدي
اوقف علي طول الا طايحهـ مرهـ ثانيهـ وطبعا من ضحكـ اختي وبابا الناس
كلهم صار يطالعوني ويضحكوني اول مرهـ اشوف وحدهـ تطيح 13 مرهـ ورا بعض



~ أبـو محمـد ~

{ موضوع ممتع وشيق يعطيكـ الف عافيهـ
علي هالطرح الرائع ولا تحرمنا جديدكـ المميـز ..

لي عـودهـ قريبا بسفرهـ ثانيـهـ ~

[فهيد الكفيف]

المشاركة الأصلية كتبت بواسطة king الوادي king

لاهنت يا فهيد على الموضوع والله انك جبت الصواب طال عمرك في اثارة الموضوع انه يكون كل شي موجود الشواهد
والمعروف ان الصين بلد رخيصه في البضايع والديره كلها رخيصه
اما العيشه واكلهم الله يعز النعمه انت يمكن الخامس اللي يقول الكلام هذا انا لابعد جيتها بس اللي يروحون يقولون العن ام الغشات في العيشه الله يديم النعمه
ولاهنت على الموضوع

حياك الله كنج الوادي
اما الغشات فخذ وخل ياكثرها في الصين

اشكرك على هالمرور الطيب يا طيب

بانتظار سفراتك يـــامـــســافر


اتمنى لك التوفيق...

[فهيد الكفيف]

المشاركة الأصلية كتبت بواسطة ناثرة الورد

{ مسـاء الخيـر ..

راح اشاركم ان شاء الله كل يوم بسفرهـ جديدهـ :

المدينهـ : طبعا المفضلهـ عندي واللي مااقارن بينها وبين غيرها
{ لبنـان }

الفنادق : رحت كذا مـرهـ بس احسن فندق جـربتهـ كان
{ كورال سويتس الحمرا }

بحط طورهـا وبحاول اخذها من الموقع نفسهـ لان احنا كل صورهـ حاطين
فيسنا بس جد انصحكم فيهـ خاصهـ اذا مع الاهل حلو لان السوق تحتهـ بالضبط وامـان

هـذا المـدخل :


غـرفهـ النـوم الكبيـرهـ :






المطعـم :

والمطعم لهـ قعدهـ خارجيهـ رووعهـ واكلهم حلو ..

فترة الاقامه : 3 أيـام ...

الاسعار : امممم بالليلهـ 100 دولار ..

عملة البلد : انا كنت كلهـ اتعامل بالدولار ...

التذاكر : انا محمولهـ مكفـولهـ واتوقع كانت 13 ..

خطوط الطيران سافرت عليها : الخطوط الجويهـ الكويتيهـ ..

مواقف حلوه او غير ذلك : طبعا بالثلج صرنا فلم تهزئنا مايمدي
اوقف علي طول الا طايحهـ مرهـ ثانيهـ وطبعا من ضحكـ اختي وبابا الناس
كلهم صار يطالعوني ويضحكوني اول مرهـ اشوف وحدهـ تطيح 13 مرهـ ورا بعض



~ أبـو محمـد ~

{ موضوع ممتع وشيق يعطيكـ الف عافيهـ
علي هالطرح الرائع ولا تحرمنا جديدكـ المميـز ..

لي عـودهـ قريبا بسفرهـ ثانيـهـ ~

سفره ممتعه
دام فيها ضحك ووناسه
وعسى دوم هالوناسه

بانتظار سفراتك

يـــا مســـأفر


أتمنى لك التوفيق...

[فهيد الكفيف]

وين رحت يـــامـــســـافر

بـــريــطانـــيــا

التاريخ : شهر 10/2009

المدينه : لندن

الفندق أو السكن : شقه غرفه وصاله في مباني وست بارك او بارك وست في شارع العرب (اجويرود)

سعر الاقامه لمدة اسبوع 450 بوند

فترة الاقامه : 9 أيام

الاسعار والعمله : الجنيه الاسترليني (بوند)
الاسعار في الفتره اللي كنت فيها هناك تعتبر جيده خاصه للتسوق لان كانت فيه عروض وخصومات رائعه
بس التكسي يذبح وبعض المطاعم غاليه نوعا ما

الخطوط والتذاكر : الخطوط الكويتيه
سعر التذكره (الله اعلم على حساب الدوام )

الجو : الحراره ما بين 14- 18 درجه مئويه

المواقف : بما ان الجو هناك يساعد على المشي والتكاسي ( نهيبه ) كنت ماخذ خريطه معاي واروح اتمشى بين هالشوارع والمباني وانتقل من مترو الى مترو

المهم في احد الايام عبرت الهايد بارك متوجها الى السفاره الكويتيه ومن بعدها متوجها الى (هارودز)
كنت اعرف انه مو بعيد بس طالت المسافه !!

والشوارع تغيرت علي
دخلت شوارع جديده علي وماشفتها من قبل !!

طلعت قالب الخريطه

اليمين صار يسار واليسار صار يمين

ضعت

بس اللي يسأل ما يتهوش

والحمد لله وصلنا بالسلامه بس بعد ما مشيت ما يقارب 10 كيلو او اكثر




بانتظاركــ

يــامـــســـافر

[king الوادي king]

فهيد من حظك انك جيت وقت الخصم والتنزيلات ولا كان صلخوك بالاسعار
واما التكاسي للعن والديهمما اغلاهم لاهنت على وضع السفره
اما مية كيلو مشيت ياولد اشهد ان ارجيلك تكسرت يوم وصلت تمغطت على السرير من التعب

[فهيد الكفيف]

8
8

100 كيلو بل بل

اقولك 10 كيلو او اكثر يعني ممكن 15 - 20 كيلو مو 100

لو اني ماشي 100 كان فنقشت

وينك

يـــامـــســـافر

[king الوادي king]

ماعليه شف 10 صارت 100 لاني ابغي اقيل
بس عادي لو تمشي ميه لان الجو بارد ولا تتعب ولا تهلك ولا تعطش الجو بارد وممطر يعني عادي
بس صراحه متابعين على موضوعك المميز وننتظر الجديد