(ســـوالـف ..مــتـجـدده)

[مواطن عادي]

السلام عليك ورحمة الله وبركاته

اكمل لكم السالفه


كنت اول ماتوظفت(الوظيفه اللي توسط لنا فيها)

كان معاشنا على قد حالنا ,,الحمدلله كان مكفينا لا اخر اشهر وبعض المرات يخلص من نص الشهر

وكان الشايب (الطيب) توه متقاعد ومسوي له شركه وعنده شاحنات ومحلات تجاريه ماشاء الله عليه اللي يزيده من خيره(مو ناقص الا يتزوج مره جديده)<<<الحين الله يستر من ولده لايضيق علي بعد ويفضحني


المهم سيرت عليه انا وولده في المكتب (الضخم )

وسولفنا على الرواتب و,,,و,,,و الخ

قال لي :وش رايك تشتري شاحنه وتحطها في الشركه عندي والسائق موجود

واسمع كلامك وشرط بعد مده تنسى معاشك في البنك ولا عاد تسحبه

قلت: ودي بس الشاحنات غاليه وانا معاشي مايكفي اشتري شاحنه

قال: انا لي معارف في البنك وراح يعطونك اللي تبي من الشاحنات حتى ولو احطها بسم الشركه

قلت : ماتقصر ,,بس ,,,

قال لي: بلا ...بس,,,بلا خرابيط بكره تعالي في المكتب الساعه 9:00
على شان تشوف لك شاحنه ونشتريها ونروح للبنك

وبعد جدال في الكلام اقنعني في كلامه

بعد ماقال لي ان الشاحنه راح يشغلها في شركته والسائق من عنده
وان اجار الشاحنه لي كل شهر تسع ميه دينار في مخباي
بعد خصم معاش السائق (السائق بسم شركته)
وان قسط الشاحنه راح ادفعه من اجارها مو من معاشي

وقلت في نفسي يالله خلني اغامر يمكن كلامه يطلع صحيح


واليوم الثاني رحنا وشفنا الشاحنه (انا مااعرف شي في الشاحنات هو اللي اختار لي الشاحنه)

واتفقنا على السعر ورحنا للبنك وشريناها وحولناها اليوم الثاني
واشتغلت الشاحنه,,,,,,,,,,,,
:

==
=
=
=
=
=
=
==
=
=

المهم انا قاعد احسب الايام متى يجي اول شهر من معاش الشاحنه

(وطاف شهر) ,,ومحد اتصل علي!!!!

وتضايقت ,,شوي الا الشايب (الطيب) يتصل علي

قال وينك اهل الشاحنات كل(ن) جاني واستلم شيكه الا انت

الصراحه فرحت (بس قلت اسوي نفسي ثقيل شوي)

قلت ياابوفلان :اللي عندك اقريب وانا جايك الحين (بس لا تسكر المكتب لين اجيك)

ورحت له للمكتب وزحمه الناس عنده ويسولفون ويتقهوون

وعطاني شيكي وقال بكره رحت للبنك(الفلاني (واستلم فلوسك),,,بس الليله مر علينا في الديوانيه

قلت له:بيض الله وجهك يابوفلان وابشر بروح اناو فلان(اقصد ولده) الحين عندكم في الديوانيه

قال :حياك الله

وطلعنا وركبنا سياره ومشيتنا


وفي صباح اليوم الثاني رحت للبنك ,,,على شان اصرف الشيك
(اول مره امسك شيك في يدي..واشوف الناس في البنك بعضهم متضايق اللي يقول شيكه بدون رصيد
..واللي يقول مايصير ومدري وش يقول ,,,انا الصراحه خفت لااصير مثلهم,,
ويقعد جنبي اللي شيكه بدون رصيد واطالع بطرف عيني شيكه بسم اي شركه لايكون شركه الشايب الطيب
,,,بس الحمدلله شيكه مو نفس شيكي ,,,,
بس الصدمه لما صرفت الشيك عند البنك
//وراح اقول لكم وش صار معي في البنك
في المحطه التاليه لاني تعبت من الكتابه,,,يتبع

[فرااااج]

ياسلام خووووش سوالف ياليت اتكمل وانا في الانتظار ,,ابي اتطمن استلمت الشيك ؟؟ولابدون رصيد!!!!>>>ناوي اتسلف منك

اخوك:فراااااااج

[ناصر بن محمد ال صويان]

8
8
8


واتا بعد اذا فيه سلف... ههههههههه


مازلنا اخي الكريم مجبووور متابعين .... ووننتظر التكمله

[ناثرة الورد]

السلام عليكم ورحمة الله وبركاته ....

{{ مجبور }}

جميل ما قدمته لنا من قلمك المميز ....

تسلم ايدك علي هالطرح الجميل و الروح الحلوه ....

بانتظــار البقيه ....

تقبل ::

كل الشكر و التقدير ....

[مواطن عادي]

يامرحبا بااخواني الغالين

فراج:لاهنت على المرور >>ومافيه سلف ....ماسمعت المثل اللي يقول السلف تلف

ناصر الصويان: هههههههه ابشر بكمل ..بس يااخيك جاني احباط موضوعي محد يقراءه


ناثره الورد: حضورش عطر الصفحه ولاهنتي على المرور

وانتظروا التكمله عن قريب ان شاء الله

[&آهــــات الحــــزن&]

هههههههههههههههههههههههه والله سواااالف الشااايب تهبل الله يطول بعمره

ومن قال محد يتاابع الموضوع ترى الكل يتااابع بس ينتظرون التكمله

ولا تأخر علينااا ترانا مستعجلين نبي نعرف وش صااار


وسجلني انا من اول المتااابعين لسواااالف الشااايب

[مواطن عادي]

المشاركة الأصلية كتبت بواسطة &آهــــات الحــــزن&

هههههههههههههههههههههههه والله سواااالف الشااايب تهبل الله يطول بعمره

ومن قال محد يتاابع الموضوع ترى الكل يتااابع بس ينتظرون التكمله

ولا تأخر علينااا ترانا مستعجلين نبي نعرف وش صااار


وسجلني انا من اول المتااابعين لسواااالف الشااايب

يامرحبا فيش وتسلمين طال عمرش على المرور العطر وابشري بكمل السوالف عن قريب
واتشرف في متابعتش ومتابعه الجميع لاهنتي

[سراب]

سوالف ممتعة .. وأسلوب شيق للكاتب

بإنتظار البقية

[مواطن عادي]

هلا ومرحبا ياسراب وان شاء الله عن قريب اضع اللمسات الاخيره لتكمله


انتظارووووووووووونا