حـــوران ضيف الأسبوع في وجهاَ لوجـه

[مهرة النسيان]

3-ثلاث اشياء ودك انها تتغير في المنتدى ؟

2_ ان يطردونش

يؤسفني ان أقـول لك امنيتك صعبه وتبطي ماصارت

[حـــوران]

اسئـلة / مسعطر

السلام عليكم و رحمة الله ,,

وعليكم السلام ورحمة الله وبركاته


أبشر بي يبه ,,

أرحب أرحب

وترى أجوبتي باللون البني عشـان محد يضيّع


رجعة ببعض الأسئلة و إن شاء الله ما تكون خفيفة عليك ,,

والسبب .. للأستفادة منك لأني ملاحظك جدّي و مرح في نفس الوقت,,

و هذا ما يميّز شخصية حوران ,,

ها اربه يـنفع فيك العلم



مالك بالطويلة

والأسـئله اللي تحت وش نسميـها ؟



لا تدقق في تفوات الأسئلة و عدم وجود رابط بينها

لا عـارف مخك مظبـوط مايحتاج ياولدي



-- حـكـمـة --

1 - قال عمر بن عبدالعزيز , رحمه الله : إذا رأيتم الرجل يطيل الصمت و يهرب من الناس فإقتربوا منه فإنه يلقن الحمكة ..

فإقتربوا منه : معناتها لا تبعدون منه لكن لا تكونون ملاصقين له تماماً فلن تخرج الحكمة منه أبداً ..


حوران : هل تعتقد إننتا في وقتنا الحالي يستطيع الشخص إن يتلقن الحكمة او يقولها

هل الناس بيسمحون له بذلك ..!!!!!!!!


المـواقف هي من تصـنع الحكمه

ونعم مازالوا أهل الحكمه موجوديـن .. ولو أن الأوليـن ماخلوا للتالي شي .. لكن الحكيـم من يتصرف مع المواقف اللتي لم يسبق له مواجهتها

بس لايمـنع اني آخذ الحكمه من أفواه اللي شرواك


( عمر بن عبدالعزيز = الخليفة الأموي أظنه غني عن التعريف )

مايحـتاج .. إذا هو خـامس الخلفاء الراشديـن فـ تأكد انه غني عن التعريـف

2 - حكمة لم تنسب لشخص معين .. تقول : إنما الناس رجلان : شامت بـ نكبة أو حاسد لـ نعمة..


أترك لك التعليق على الحكمة هذي و هل تعتقد إن صاحبها ظلم خلق الله ( كلهم أو بعضهم ) بحكمته هذي ؟؟؟

اي بالله ظلم .. وأي شخص يعطيـك نظره يعممّها ويحدد فيها .. تأكد انه خـالف الدرب


بعيد ٍ عن الحكمة يا بني << صار لقمان الحكيم و أنا مدري

ليـت ربي فاك ٍ لي من ذالحكم


-- شـعـر --

3 - شعراء الجالي الحالي : أنا مليت منهم لأن اكثر من سمعت منهم المواضيع التالية : غزل .. شحاذة مبطنة بالمدح .. الفخر بالمقدرة الشعرية ..

هل توافقني الرأي أو وش رايك بهم ؟؟؟؟

اتـفق معك فيها إلا الغزل لأن المدح والفخر بالمقدره الشعريه ليست إهتماماتي ..أما الغزل مازال هنـاك مبدعيـن .. لكـن إخـتلاف الطرق والمواضيـع عن الأجيـال السابقه ..

وانت الله يطوّل بعمرك سـاعتك موقفه من سنة 1900


4 - لاحظت من خلال متابعتي المتواضعة و مقارنتي بين شعراء الجالي الماضي ( النبطي ) و الحاظر ( النطبي ) :
إلى عدة نقاط :
أ-الجيل القديم يمتاز بقصر قصائده (بإستثناء قصائد المعارك) و الجيل الحالي بطولها ..
ب-الجيل القديم لديه مبرر و داعي للتأليف القصيدة ( بالعامّي قصيدتة لها طراهـ ) و الجيل التالي يألف لأنه يبغى يألف ..
ج-الجيل القديم قصيدته عادة تكون مرتبه و اذا نقص منها بيت يكون من السهل معرفت نقصانها و الجيل الحالي خلاف ذلك ..


هل توافقني الرأي ... او وش رايك ,,؟؟ او تكلم لنا عنها بإختصار أو بإسهاب

حسب التياسير ؟؟

لأ أختلف معك في بعضها واتفق مع بعضها .. القصايـد الأوله تصل لنا لأنها تاريخيـه وتصف حقب من الزمن ومازلنا نحفظها لأنها صوره لتواريخ معيّنه .. بعدين قصايدهم متشابهه مطلعها وموضوعها وخاتمتها .. وعنصر الأبـداع والأبتكـار غير موجود إلى عند شعراء قله .. بعكس الحكمه اللي أجادوها أكثر من الجيـل التالي لأن الجيـل الحالي عارف الحكم كلها وحافظها .. لذرجة اني ماسمعت ولا قصيده جديده أو من 15 سنه وجاي فيها حكمه غير مسبوق عليـها بـ إستثناء شاعر واحد وهو / عبدالله بن علـوش

يعجبني إن حكمته عصريـه .. يعني مواكبه لوقتنـا ويستفاد منها كثير

بعكس الشعراء اللي يقول أبعد عن الخاين والردي والكذوب وصفـات حتى الطفل أبو 10 سنوات يعرفها .. يعني مافيه شي جديد .. وإذا خلص قـالوا اللي مايفهمون : والله اللي قال حكمه ..!!
ياخي وين الحكمه وهو ماجاب شي جديد .!!

^
^

تصدق اني اسولف على عمري وأكتب




-- مقناص .. بر .. طيور --


5 - موقف خطير مرّ عليك أثناء رحلات المقناص ؟؟

من أهم المواقف اللي شفناها .. إني دخـلت حقل ألغام ماندري عنه في منظقة الصحراء الغربيه بين المغرب والجزائر .. وصرت اشوفها جنب السياره على بعد 5 أمتـار .. لكـن ربك ستر وتجاوزناها



6 - موقف غريب أو جرية .. << لك حق الإختيار ؟؟؟

أبد ماعندي شي اقوله

-- ريـاضـة --

7 - نادي النصر .. بما إنك من مشجعيه و المتعصبين له ..
سطرين او جملتين لإختصار القول .. (( تبي تهايط على مشجعين الأندية الأخرى ))
و تنافح عن ناديك المفضل ؟؟

يكفي ان النصر شارك في بطولة العالم بين افضل النوادي العالميه مثل ريال مدريد .. ووصل مستوى لم يسبق لنادي سعودي وصل له

8 - في عالم الرياضة في السعودية والخليج أو بشكل عام .. هل يوجد شللية مثل الصحافة ؟؟؟
مع ضرب بعض الأمثلة إن أمكن ؟؟


الريـاضه كلها شلليات .. وذلك بحكم الميول والتشجيع
-- تـاريـخ --

9 - شيوخ و عقدا و فرسان و شعار (شخصيات تاريخية) قبيلة العجمان كثير وهذا شي
لا غبار عليه ..

فيه شخصيات أخذ حقها وافي من الإعلام في الكتب و النت و تناقل الرواة ..

( مع إن بعضهم لا يعرف عنه إلا سالفه او سالفتين او ثلاث )


و فالجانب الآخر يوجد شخصيات لم يكتب عنها كفاية

و هي جديره بالذكر و مدعاة للفخر ..

مثل : الشيوخ و العقدا

ضيدان بن حثلين شهيد معركة العيينة 1929 م ..
فهد الدامر قتيل تقريباً 1910 م على يد حنشل من قحطان غدراً فالظلام ..
محمد بن دبلان لا أعلم وقت وفاته ..

علّق على ما ذكر أعلاه .. ؟؟COLOR] ؟؟

ضيـدان بن حثليـن

ماحبوا العجمان مثله وأمير وقائد وسيـاسي وله أهداف بعيـده ولو الله عطـاه عمر كان سوا شي مهوب بسيـط على مستوى التاريخ .. رحمة الله

فهد الدامر


ماحد غزا مثل مغازيه وتزعم الجموع مثله ومثل ابوه وعمه .. لا في العجمـان ولا غيرها من القبايل ..وبعد المسـافه والمغازي وراثه عندهم .. رحمه الله


محمد بن دبـلان

شيخ ونـادر اللي مثله في القبايـل كلها .. وتبعوه عرب ٍ واجد .. وشخص محبوب .. رحمه الله


10 - غير ما ذكرت أنا من فرسان و شيوخ و عقدا .. اذكر لنا اي شخصية تاريخية أعجبتك
سواء ٍ قديمة جداً أو في التاريخ الحديث عربية أو أجنبية .. لك حق الإختيار أو من العجمان



الشهيـد / عمـر المختـار


-- متـفـتـرقـات --



11 - أذا عندك ضيوف أجناب ولاهوب قاعد عندك من ربعك إلا أحد أثنين ( مسعطر ) أو ( قطنان )
من بتختار ..؟؟

أقدر اختار فرقاكم

وكلكم عيـنين في راس




12 - أعضاء نكبه .. طبعاً غير الكنكورد و الرسام الله يذكرهم بالخير ؟؟

أبو طعجه أحيـان يورّدها صح


13 - لو خيّرت أن تكون مواطن لدولة عربية غير بلاد الحرمين ..
وش هي الدولة اللي بيشين فالها لأخترتها ؟؟

والله وأنا اخيـك مافي غير ثنتـين / الكويت ولا قطر .. وابشرك انه بيزين فالها لامني نوّرتها

14 - توقيعك شكله يعز عليك جدا .. وينك مسويه ولاّ من وين مهدّفه ؟؟

اي والله يعز علي

هاذا توقيـع طلبته من الأخ الغائب الله يذكره بالخـير / مستر أدوبي

شخص مبـدع مر المنتدى فتره ولا طوّل واتمنى رجوعه للمنتدى .. بس اللي مطمني اني اشوفه وطيب وبخير


15 - الرياض هي تدبل الكبد ؟؟؟ وش أكثر ما يزعجك فيها ..؟؟
لو إن الأمير سلمان قال : تعال يا ولدي لك اللي تبي تسوي في الرياض

وش بتسوي .. ؟؟

بقـول تعطيـني الأمـاره يابو فـهد


لا والله بفتـح شوارع جديـده .. وافتح فروع جديـده للدوائر في الأحيـاء المتفرقه ..

وأخفف من المركزيه في الوزارات , التقنيـن من السيـارات القديـمه (حقت العمال) مسببه زحمه فالشوارع


16 - اربني غثّيتك ؟؟

تبي الصدق ايه



إن قدر الله لي رجعه ..

أذاه ودّك

الله الله ودي

و أسلم و سلّم إن كاني ماعوّدت ..
يسلمـك ربي


good look for you [/SIZE]

Thank you my cousin




~*¤ô§ô¤* مسعطـر *¤ô§ô¤*~

شكرا ً حبيـبي على الحضـور .. وعلى الأسئـله الرايقه

وجـودك نرحب به في كل حزه


احترامي ياحرامي

[حـــوران]

المشاركة الأصلية كتبت بواسطة يوران

<< وجهها يوم شافت اسئلة الارهابيين

قد جاتني نفس الحاله بس بالأقسـاط

وانا اللي جايه ابي اسأل

قلعك وانا امك ياحوران

انتي شفتي اللي انا شفت .!!


بس بسأل سؤال واحد










شسم امك

لو ماهونتي كـان علمـتـش


امزح ولي رجعه بالاسئله

بس تطمن ماراح تكون دسمه

راح تكون الحلى اللي عقب العشاء

بــارك الله في من زار وخفف







مهاري

مشكوره يالدوبه

وتشكريــن ياعجوزنـا على مرورش

وترا مهوب لازم الأسئـله والتعب

واسمش زيّن الصفحه

[حـــوران]

المشاركة الأصلية كتبت بواسطة بنت^العلمية

لااااااااا إلا الامتحانات

دام فيها دعوه عن الامتحانات خلاص مانبي نكمل أسئلة

اي مابيـش تنشغليـن عن الإمتحـانات عشاني

عالعموم

اجابات منطقية تعكس شخصية مثقفه ..

أخالفك في بعض الردود ولكني أحترم رأيك طبعا ..

شكرا لك وسامحنا اذا طولنا عليك ..

كذلك أشكـرك على مرورك الثـاني .. وتعقيـبش اسعدني

وأكيـد وجهـات النظر تختلف من شخص لـ شخص

وبالعكـس ماطولتي .. بل نوّرتي

إحترامي

[حـــوران]

اسئــلة / مهرة النسيـان

لوني + لونها

بلا زين وهذاني رجعت

أصلا ً منهو اللي ماعنده ذوق وقـال لاتجيـن


>> ناشبة لك كيفي الموضوع وموضوعي والضيف وضيفي

أمرنا لله

والضيـف في حكمة معازيـبه
طيب


1- وش رايك في نتيجة شاعر المليون ؟

اذا النتـائج تعتـمد على التصويـت .. حتى لو راحت لـ عامر عمرو .. ماعندي مشكله

بس بالجـزاله أشـوف أن اجزلهم واحق شاعر هو / نـاصر الفراعنه

الفراعنه ليس من الشعراء اللي أتابعهم ولكن ظلم أن يكون الأخير وهو أفضلهم

بعديـن اللي قهرني .. إن اليماني والشبرمي سقطوا في إختـبار الوزن في الحلقه الأخيره .. ليش ياخذون درجه عـاليه في تقيـيم اللجنـه .!!

يعني لو نقصوا الدرجه كان ربما تغيّرت الأمور .. لكن كلمة لو ماتـنفع

2- وش تحضر من البرنامج على التي في ؟

ماأتـابع برامج معيّنه .. ولكن أكثر مااحرص عليه برنامج تركي الدخـيل على قناة العربيه


3- وش طقوسك وانت تتابع التلفزيون او تشبك على النت ؟

التلفزيون عادي ..

النت .. اهم شي اكون بعيـد عن الناس والازعاج .. وأكثر من المـاء لأني احكي وانا اكتب


4- وش تذكر من طفولتك ؟

فلقه في جُـمتي

5- لمن توجه هذي الابيات او وش يطري عليك اذا قريتها :

1-

نقل فؤادك حيث شئت من الهوى = ما الحب الا للحبيب الاولي
كم منزل ٍ في الارض يألفه الفتى = وحنينه دوما لأول منزلي

لـ مسعطر

2-

ذو العقل يشقى في النعيم بعقله=وأخو الجهالة في الشقاوة ينعم

لي أنا


3-

تموت الأسد في الغابات جوعا=ولحم الضأن تأكله الكلاب
وعبد قد ينام على حرير=وذو نسب مفارشه التراب

لــ الرسـام



4-

أَحببتُ من أَجلهِ من كان يشبههُ=وكلُ شيءٍ من المعشوقِ معشوقُ

لـ قطنــان



6 -

طيب

اكمل الفراغ :

- عضو كوميدي ؟

السـهم

- عضو جدي ؟

فـالح العمره


- عضو يقهرك ؟

خلـها بالقلب دربن دربن

- عضو مثقف ؟

فيـه كم شخص ثقافتهم عاليـه وقريت لهم مواضيع .. ولكن نسـيت من أسمائهم الحين

- عضو اديب ؟

لم أجد العضـو اللي يطلق عليه كلمة أديـب


واذا طرى لي ارجع رجعت ومرحبا بي

ما كُل بيـضا بـ شحمه




~*¤ô§ô¤* مهرة النسيـــان *¤ô§ô¤*~

رائعه بكل المقايـيس

اسئلـة وحضور وشخصيـه

تشكرين كثير الشكر يازعيـمه

[ابو فيصل الشامري]

.:. السلام عليكم ورحمة الله وبركاته .:.

وش حالك اخي حوران >>>> بثقل عليك بالاسئله ناشب الله يفكك من اسئلتي

1_ فريقك المفضل

2_ الشخص اللي تحب تفضض له همومك والخواطر اللي شاغلتك

3_ سبب اختيار اسمك حوران

4_ الاشياء اللي تحب تقضيها وقتك في ايام العطله القصيره

5_ الرد على اسئلتي >>> تراني ماداني اللطعه

اتمنى اني صرت خفيف مو ثقيل عليك

[بطاح]

السلام عليكم ورحمة الله وبركاتة


اول شئ ارحبك على الكرسي << تو الناس


وش حالك يا حوران مع الاسئلة


بسم الله وعلى بركة الله


1/ ماذا اخذت من ( مجالس العجمان ) ؟

2/ من متى ظهرت ظهور ملاحظ في المجالس ؟؟

3 / كنت بالبر ايام التخيم الوقت العصريه وانت متلطم ولابس فروه وبرد والسماء مغيمه وفجأه امطرت ايش شعورك ؟؟

4 / ماهو اخر كتاب قرأته ؟؟

5 / امنية تتمنى انها تتحقق ؟؟

6 / لديك 5 بطاقات (حب , كره , شكر , احترام , عتب) الى من تهديها وبدون مجاملة ؟؟

7 / اذكر لنا موقف صار وياك ايام التخيم ؟؟ ( سالفة ) !!

8 / عطني اجمل فلم راأيتة ( اجنبي .. عربي ) ؟؟

9 / ماهي قناتك المفضلة اذا فتحت الـ Tv ؟؟

10 / ما الشاعر المهضوم حقة في الساحة الشعرية ؟؟

11 / من الشاعر اللي معطينة اكثر من حجمة في الساحة الشعرية ؟؟

12 / لو سلموك ادارة شركة ماكنتوش وش اول شئ راح تسوية ؟؟

13 / اذكر لنا عضوين عندهم سلبية واذكر عضوين آخرين لهم ايجابيات ؟ مع ذكر الايجابيات والسبيات ؟؟

14 / أتتك مسبة من صديق ... ثم تركك .. وبعد فتره يحاول التناسي والعوده الى صداقتك .. ماذا تفعل ؟؟

15 / سؤال تتمنى ان تسأله لعضـو ؟؟ من هذا العضـو ؟؟ وماهو السـؤال ؟؟

16 / هل عدد الاعضـاء المتواجد بشكل يومي ينال اعجابك او لا ؟؟

17 / كلمـات لك ان توجهـهـا للاعضـاء :

- أنت نبض المجالس ؟
- اتـابع مواضيعـك ؟
- تعجبني صراحتـك ؟
- لاتصدق أي شئ يقال ؟
- مااتخيل المنتدى بدونـك ؟
- الله يكثر من أمثالـك ؟
- وجودك رائـع في كل الاقسـام ؟
- ماقصرت ؟

18 / بماذا تصف نفسك بين الناس في زماننا هذا ؟

19 / كلمة ترددها ولمن تهديها ؟

20 / ما هو اغرب مقال قراته في المنتدى ؟ واطرف مقال او نص حيرك ؟


ادري اني دبلت كبدك بس تحملني ..

اكتفي بهذا القدر من الاسئلة << تكتفي وانت خليت شئ وما سئلتة ؟؟

اشكرك على سعة صدرك للـ الاعضاء ..

واتمنا لك التوفيق اخوي حــوران

[حـــوران]

المشاركة الأصلية كتبت بواسطة محمد الغيثاني

حــــــــــــــــــــــــــــــــــوران مرحبا بك ويفرح الكثير باستجوابك الله ينصرك عليه كلهم إلا واحد

أبو علي حسستني إني في حرب ونصر وخساره


سوال وحيد

هل تربطك صلت دم قريبه مع احد اعضاء المنتدى اذا نعم ارجو عدم ذكر العضو ........ علشان اقهر اللي قاهريني؟

قصـدك مسعطر ؟؟

لا
مايقرب لي ولا اقرب له

ولاهنت على مرورك

[حـــوران]

المشاركة الأصلية كتبت بواسطة ابوحمد الشامري

الاخ العزيز حوران من الاعضاء المميزين واللي لهم بصمه واضحه في المنتدى انا حبيت اسجل مرور على الموضوع وسلام للاخ الغالي حوران ونشكره على ما قدمه للمجالس.

والشكر موصول للاخت القديرة مهرة النسيان على التقديم الطيب للموضوع

وعليكم السلام ورحمة الله وبركاته

أرررحب يابو حمد

نوّرتنـا بـ طلتك الجميـله

والتميـّـز هو مرورك وتسجيـل تواجدك في صفحتي

ولا شكر على واجب

لاهنت على مرورك ياغالي

[حـــوران]

المشاركة الأصلية كتبت بواسطة بو فيصل الشامري

.:. السلام عليكم ورحمة الله وبركاته .:.


وعليكم السلام ورحمة الله وبركاته
وش حالك اخي حوران >>>> بثقل عليك بالاسئله ناشب الله يفكك من اسئلتي

اررحب اررحب والله يعيـن على الاسئله

1_ فريقك المفضل

هل يخفى القمر ؟ أكيـد العالمي


2_ الشخص اللي تحب تفضض له همومك والخواطر اللي شاغلتك

2 من اصدقائي

3_ سبب اختيار اسمك حوران

جاوبت عليه من قبل 3 مرات


4_ الاشياء اللي تحب تقضيها وقتك في ايام العطله القصيره

أروح للوادي ونشوف ربعنا وشيباننا

5_ الرد على اسئلتي >>> تراني ماداني اللطعه

لا أبشر مافيه لطعه



اتمنى اني صرت خفيف مو ثقيل عليك

دامك نصراوي أكيـد أسئلتك عسل

لاهنت يبو فيـصل وبيّض الله وجهك

كل الشكر والتقدير لك ياطويل العمر