حـــوران ضيف الأسبوع في وجهاَ لوجـه

[حـــوران]

المشاركة الأصلية كتبت بواسطة السهم

ههههههههههههههههههههههههههههه

تو الناس ... و تونا في أول الإسبوع ... و الرجال عاده مستنكر المكان ...


خلينا شوي شوي عليه ....

و ما دام وصلنا ... نواصل ... مع ضيفنا لهذا الإسبوع ....

ايه عنـدك اياها .. ترا اسئلتها ماتخلص

- حوران ... تصور إنك موجود في المدرجات في مباراة الهلال و النصر ... و اللي حواليك كلهم

رافعين الأعلام الزرقاء ... شنو راح تسوي ؟؟؟

اقول أيوه يازعيييييييييييم

- شنو اللي يعجبك في المنتديات ... و اللي ما يعجبك فيها ؟؟؟

بتكلم عن المنتديات القبليه

يعجبني فيـها

روح التواصل .. والأطلاع على الأحداث بين أفراد القبيـله وسرعة نقلها

مايعجبني فيـها

حضـور بعض الأعضـاء وتفريغ شحنات الغضب في بني عمهم قدام الكل

وخصوصا ً ذالأنتخابات .. اللي خلتني أقول بعض الأحيـان اقول انها فرقت القبيله ولاجمعتهم

بالأظـافه إلى نقل المعلومـات التاريخيه المغلوطه إلى المنتديات وتناقلها على انها صحيحه وهذا ظلم كبيـر

- كم ساعه تقريبا تقضيها مع النت ؟؟؟ و هل وصلت لمرحلة الإدمان أم تعديتها ؟؟؟

اقضي مابيـن 5 إلى 9 ساعات إذا ماعندي اشغال

وتعديت مرحلة الأدمـان إلى مرحلة ألا عوده إلى الصحيح

- شنو المكان اللي تشعر فيه بالراحه ... ( غير السجن طبعا ... )

لاتكلم عن السوابق قدام العرب

وأكثر ما أرتاح في مجلسـنا



و شوية سياسه ......


- الوضع بالعراق لا زال غير مستقر ... هل له أي تأثير ملحوظ على مناطقنا المجاوره له ؟؟؟

ولن يستقر أيضـا ً

ان شـاء الله مايكون له تأثير .. ولو اني اشوف غير ذلك

- العولمه بشكل عام ... هل هي جيده أم ضاره لمجتمعاتنا ؟؟

بشكل عـام أشوف أنها أقرب إلى الضرر .. وأنا مع العولمه في مايرفع من مستوى التعليـم والأندماج في التطور العالمي .. وليس الاندماج في كل شي

- أفغانستان .... رقم صعب على الروس و الأمريكان و الحلفاء و غيرهم ... ما هي الأسباب برأيك ؟؟؟

الحشيـش

ولك في ثورة الحشاشين الدليل

- هل تتوقع أن يصل اوباما ذو الأصل الكيني ... أو كلينتون المرأه إلى منصب الرئاسه الأمريكيه ؟؟؟

والله تـاريخ أمريكا على مدى 300 سنه مابعد حكمتهم إمرأه .. وهم من يدّعون الديمقراطيه

ولذلك أتوقع وأتمنى وصول أوباما لسدة الرئاسه

و نطلع من السياسه و ما أدري وين نروح ...

قمت تسحب فينا يابو طلال

- عندك صحنين ... واحد عليه مفطح ... و الثاني مأكولات بحريه ... وين بتروح ؟؟؟

على حسب برنامجي ذاك اليوم


- أي ماده كنت تحبها في المدرسه .. و أي وحده كنت تكرهها ؟؟؟

احب مواد الأدب إلا القواعد .. وأكره الريـاضيات



- سؤال جانبي ... كم الساعه الحين في كوالالمبور ؟؟؟

4 العصـر .. اتحداك تقول خطأ
- شنو تقييمك للقسم الترفيهي ... و مدى أهميته في أي منتدى ؟؟؟

الترفيهي في هذا المنتـدى وخصوصا ً هالفتره أجمل من أقسام الترفيهي في منتديات ثانيـه .. فيه ترابط بين الأعضـاء وموده ظاهره للجميع .. بعكس الترفيهي في منتديات أخرى اللي دايم تكون فيه مصادمات بين الاعضاء ..

وهو قسم أسـاسي في المنتديات .. والدليل انظر إلى متابعينه وكثرة الزيارات له


و أكتفي بهذا القدر حاليا ...و أترك المجال لبعض الناس ...

الله يستر من بعض النـاس


و أتمنى لك التوفيق ...

ولك أيضا ً


~*¤ô§ô¤* السهم *¤ô§ô¤*~

تواجدك في أي موضوع سبب قوي لإنجـاحه

وتواجدك هنا مهم جدا ً بالنسبـه لي .. واتشرف بحضورك

وأسعدني جدا ً مداخلتك .. والله لايحرمنا طلتـك يابش مهندس

[سمو^المشاعر]

اجل اتمنى باقي الاسبوع يكون عليك امتحانات

لااااااااا إلا الامتحانات

دام فيها دعوه عن الامتحانات خلاص مانبي نكمل أسئلة

عالعموم

اجابات منطقية تعكس شخصية مثقفه ..

أخالفك في بعض الردود ولكني أحترم رأيك طبعا ..

شكرا لك وسامحنا اذا طولنا عليك ..

[حـــوران]

المشاركة الأصلية كتبت بواسطة مهرة النسيان

^
^


ابشرك انه بيتجرا غصب طيب من كثر الاسئله

انشـهد

ودامك حطيت اسئلتك وعلى قولتك تونا في شباب الاسبوع ابي احط اسئلتي عشان يمديني احط غيرها

مايحـتاج تجيبين غيرها كفيتي ووفيتي
قبل مايموت الاسبوع

حوران اظن اني امون عليك فبرجع لك كل ماصار فيني نشدة

لا الميـانه منقطعه ذالاسبـوع
وهاك بعضا منها

هاتي لأشوف

1-ايجابيات وسلبيات مجالس العجمان دون مجامله خصوصا المنتديات التاريخية والخاصه ؟

السلبيـات تتمثل في مبدأ الحريه اللي طرحوها الأدراه لحفظ وجهات نظر الجميـع وهذا شي جميـل .. ولكن الحريه هذي أستغلت من البعض في تفريغ شحنات غضب في بني عمهم .. وأولها الأنتخابات

بعض الأعضـاء هداهم الله لم يعرفوا منتدى مجالس العجمان إلا وقت الإنتخـابات وأتوا متسلحين للهجوم على بعض المرشحين .. وكنهم لايعلمون إنهم في نهاية المطاف بني عمهم

المجالس منبر إعلامي .. وليس ديوانيه خاصه لإيضاح وجهات نظر داخليه لا إعلاميه

لذلك أتمنى مراقبـة الوضع هذا وتشديد الرقابه عليـه .. لأنه لو اهمل في سبيل الحريه .. سوف يولّد الحقد بين أبنـاء القبيـله


أما التاريخي .. الأخ شبيب بن محمد (أبو حمد الشامري) ماقصّر وجهده واضح وبيّض الله وجهه

سعى واجتهد وعمل لقاءاتوهذي كلمة حق لازم أقـولها

وهنـاك أيـضا ً أعضاء آخرين ماقصروا .. مثل مسعطر ويعجبني في مسعطر إن مصادره التاريخيه موثوقه .. مثل الشيخ / خـالد الدامر
وأبو محمد / فهد بن عجيـمه .. حافظ روايات الشيخ عبدالله الدامر

وعندي امنيـه اتمنى عملها في التاريخي .. وهي كل موضوع لابد أن يكون موثق بمصدر تاريخي


2- رأيك في عدم زيادة المشاركات في الترفيهي ؟ ورأيك في القرار بحجب الترفيهي عن الزوار ؟

عدم زيادة المشاركات رأي سديـد .. لأن هنـاك أعضاء لايتواجدون إلى بالترفيهي .. ويشارك باليوم مابين 100 إلى 200 مشاركه .. وبعد شهر تحصلين مشاركاته 5000 وهذا من وجهة نظري ظلم للأعضاء الفعالين في الأقسـام المهمه .

أما بالنسبـه للحجب

أيضاً قرار سديـد .. للحفاظ على خصوصية الأعضـاء ,, ومن أراد ليس عليه إلا أن يسجّل وينظم لـ أخوانه الأعضـاء

3-ثلاث اشياء ودك انها تتغير في المنتدى ؟

1_ أن يحطون لي النك نيم أحمر
2_ ان يطردونش
3_ان يقطعون النت عن مسعطر



4- وش الخط اللي تحب تكتب به في المنتدى وولونك المفضل ؟

ازرق غامق

ونوعية الخط (Simplified Arabic)


ونغير الموجه ونقلب على صوت الخليج

الصووووووت صوتك

ونقول

1-اخر خبر جميل سمعته ؟

مبطيـن من الاخبار الزينه


2-امنيه تمنى تحقيقها الان ؟

أخلـّص بعض الأشغال عندي وأسـافر

3-وين رحت الصيف الماضي؟

سويسرا

4-كم في البوك من دراهم الحين ؟

900 ريـال و100 دولار و300 درهم



5-هواياتك وافضل موقع لديك في الانترنت ؟

الهوايات ذكرتها من قبل .. وماعندي موقع أفضله عن الباقي .. بس ممكن اقول أني اكثر موقع اكون متواجد فيه هو / مجالس العجمان

6-هل أنت عنصري ؟؟؟

لـ شعب الله المختار فقط

العنصريه العمياء منبوذه ولاأطبقها .. لكن انا مع العنصريه اللي ماتخليني أخطي على أحد اللي هي مع الحق


7-ماذا يعني لك الجمال ؟؟؟

يعني أشيـاء كثيره .. وإن الله جميل يحب الجمال

8-تـــاريخ لا تنســـاه ؟

25 / 12 تـاريخ ميلادي


9-كم منتدى مشارك فيه؟

فوق الـ 4

10- متى بدأت علاقتك بالانترنت؟

من 4 سنوات تقريبا ً


11- وأخيرا .. متى يفضل حوران البقاء وحـيـداً ؟

إذا قـابلت الكمبيوتر

وعادني برجع زين

لامهوب زين

~*¤ô§ô¤* مهرة النسيـان *¤ô§ô¤*~

تشكرين أولا ً على الأستظــافه الجميـله بالنسبه لي

ثانيـا ً انتي شخصيـه لها حضورها الجميـل .. ولها لمسـاتها الرائعه في صفحات المنتدى كلها

ويشرفني أجاوب على أسئـلتش

وأسئلتـش جميـله وواقعيه

لش الأحتـرام والتقدير

[مهرة النسيان]

بلا زين وهذاني رجعت


>> ناشبة لك كيفي الموضوع وموضوعي والضيف وضيفي


طيب


1- وش رايك في نتيجة شاعر المليون ؟

2- وش تحضر من البرنامج على التي في ؟

3- وش طقوسك وانت تتابع التلفزيون او تشبك على النت ؟

4- وش تذكر من طفولتك ؟

5- لمن توجه هذي الابيات او وش يطري عليك اذا قريتها :

1-

نقل فؤادك حيث شئت من الهوى = ما الحب الا للحبيب الاولي
كم منزل ٍ في الارض يألفه الفتى = وحنينه دوما لأول منزلي

2-

ذو العقل يشقى في النعيم بعقله=وأخو الجهالة في الشقاوة ينعم

3-

تموت الأسد في الغابات جوعا=ولحم الضأن تأكله الكلاب
وعبد قد ينام على حرير=وذو نسب مفارشه التراب

4-

أَحببتُ من أَجلهِ من كان يشبههُ=وكلُ شيءٍ من المعشوقِ معشوقُ

6 -

طيب

اكمل الفراغ :

- عضو كوميدي ؟

- عضو جدي ؟

- عضو يقهرك ؟

- عضو مثقف ؟

- عضو اديب ؟


واذا طرى لي ارجع رجعت ومرحبا بي

[محمد الغيثاني]

حــــــــــــــــــــــــــــــــــوران مرحبا بك ويفرح الكثير باستجوابك الله ينصرك عليه كلهم إلا واحد

سوال وحيد

هل تربطك صلت دم قريبه مع احد اعضاء المنتدى اذا نعم ارجو عدم ذكر العضو ........ علشان اقهر اللي قاهريني؟

[حـــوران]

المشاركة الأصلية كتبت بواسطة (لولين)

مرحبا

مراااحب

فقط مرور للسلام -----والله يعينك

الله يســلمش

ماودش نتقاسم الحل على الأجـوبه

[حـــوران]

المشاركة الأصلية كتبت بواسطة (لولين)

ابشر بالعوض ------من أمس وانا على هالورده

العوض راسـش

يسلمووو على الورد




ترى طبيعي %

طيب ماكتبتي النسبـه ؟

لاتكون صــناعيه هالمره ؟ ترا ازعل عليش لوّليـن

[حـــوران]

أسئـلة الأخت القديره / ! شيخـــــة المنتــــدى !




هلا واللللللله

ارحب ثم ارحب

<--- ناويه عليه

هاذا اللي طقينا منه

اولا بكتب نبذه عن حوران اللي رسمتي في مخيلتي من خلال نكه ومشاركاته من اول يوم دخلت فيه المنتدى الى ذاليوم ،،

أما ذا النبذه ياشيخه تووووحفه

اول مادخلت المنتدى كانت اول مشاركه لي في قسم الترفيه وعلى وجه التحديد لعبة ( العضو اللي تستانس بشوفته ) ، طبعاا ماكنت اعرف حد ولفت نظري نك حوران وقلت استانس بشوفة حوران ، ومن عقبها الصبي جاتها القرفه من المنتدى انقطع فتره طويله

الوكاد اني كنت استاانس لا شفته واحب احشر عمري بين سوالفه حتى لو كانت موجهه لغيري ، وبعد فتره حسيت انه تغير علي او بالاصح مب طايقني وآخر الوقت دريت اني كنت اهووجس ، والحمدلله عرفته عن كثب فالآونه الاخيره ، ومنها اكتشفت انه عسل وربي قابله والسوالف معه رووووووعه ، ومن الاعضااء اللي احب اسلوبه في طرح الاسئله ، ودايما اتمنى اني انا اللي اجاوب على أسئلته ، لان احس ان جدّيته في مزحه ، وانا بعد من اللي اصفه بالغمووض وفي نظري انها ايجابيه مب سلبيه ، الوكاد اني طولت بالحكي عليكم لاني لو بوصف حوران ماتوفي معي 5 صفحات او اكثر

طيب ماني 5 صفحات .. ماتقدرين على صفحه ونص

بالعكس ياشيـخه نظرتي وحده وأكيد انش على قولتش مهوجسه

انتي من الناس اللي فرض وجوده في فتره بسيـطه .. ويكفي انش من الاعضاء اللي وجوده سبب في سعادتنا واستمتاعنا في المنتدى ..ومحبوبه من الجميع واذا غبتي يوم واحد فقدنـاش

ومشكوره على توضيـح نظرتـش ..وعساني عند ظنكم

وصدقيني أتمنى أن أكون عند الجميـع واضح .. عشان لاينظر لي بعكس شخصيتي





والحمدلله ان الاستظافه ماجات الا عقب ماعرفته عدل

واخليكم مع الأسئلـــه :
1- سبب التسميه بـ (حوران )

جاوبته من قبـل وبجاوبه الحين عشانش

حوران جبل تجي منه فصيـله نادره من الصقور .. وبعدها صار مضرب مثل للشخص النادر .. يقولون له / طير حوران

يعني النـك فيه نوع من الهيـاط شوي .. الظاهر اني كنت افكر في مسعطر يوم سويته



2- عضو مرح تحب تمازحه وآخر جدي تحب تناقشه

المرحيـن كثير والله والجدييّن أكثر

من المرحين واللي أســتانس بتواجدهم ومشاركاتهم .. وأرواحهم تحمل المرح حتى في بعض المواضيـع الجديّه

1_ مهرة النسيـان / الزعيـمه
2_ أبو طعجه
3_ مسعطر
4_ خــالد وبس
5_ الشيخات (شيخة الغلا + المنتدى )
6_ الرسـام
7_ غشـام
8_ السهم
9_ الفرس
10_ يوران << تراهي ملكة بس على الخرطي
11_ قطنان
12_ لوّليـن

أمـا بالنسبـه للجديين

أنا ما أناقش دايم .. أطرح رأئي بدون نقـاش

المواضيـع الشائكه .. ما أرد عليـها .. إلا اذا تطلب الأمر
3- اللي مايعجبك فالعضوه ، واللي مايعجبك فالعضوو ؟ ( بشكل عام لاتخص حد )

انا بتكلم عن المنتديات بشكل عـام .. وليس المنتديات القبليـه فقط

مايعجبني في العضوه اللي تكلم عن أهلها في المنتديات أو تلمح لأسمائهم أو انتمائهم ,

ومايعجبني العضو المايع .. اللي تحس انه رجل بالأسم فقـط .. والمزعج لبنات خلق الله .

والمتـظاهر بعكس شخصيّته .. يعني لو أعرفه على الحقيـقه قلت ليتهم أمسوا

4- وش ينقصني بنظرك غير كوني ما اشارك بالمجالس الاخرى غير الترفيهي ( يهمني رايك حيل )

دام انش تعرفيـن ان اللي ناقصش انش ماتشاركين بالمجالس الباقيه .. أجل ماينقص شي

انتي عضـوه واعيه وتفهميـن وعندش قدرات مااستخدمتيها .. مع اني اشوفش اتجهتي للمجالس الاخرى الفتره الأخيره .. وهذا شي طيب


5- بيت شعر تحبه

يصيبني في بعض لحيان /الغرور= لا قست عقلي .. بالعقول الباقيه

6- ليه تحب السرعه <-- الله يكفيك شرهاا

ماني بسرع .. من اللي يقوله


8- اشرايك بجوال الدمعه

ينزل الدمعه

9- حاط في بالك تعتزل المنتدى في وقت معين ، والا مخليها للاقدار


هذا بيـتي وماأقدر أخليـه


وفالك التوفييييييق

فـالش البيرق الزمان الجاي


واتمنى ماغثيتك

لا بالعكـس ..هاذي أكثر مشاركه وأسئله ضحكت منها .. ولاتهون النبذه

حافظك الله

ويــاش

~*¤ô§ô¤* شيـــخة المنتــدى *¤ô§ô¤*~


حضورش هنـا استمتعت فيه .. وونسني

والمشـاركه هذي روح المرح طاغي عليـها مثل ماتعودنا منش

على العمـوم .. اشكرش على تواجدش الجميـل

وعلى كلامش الطيـب اللي بديتي فيه مشاركتش


وتقبلي فـائق الاحترام والتقدير

[ابومحمد الشامري]

الاخ العزيز حوران من الاعضاء المميزين واللي لهم بصمه واضحه في المنتدى انا حبيت اسجل مرور على الموضوع وسلام للاخ الغالي حوران ونشكره على ما قدمه للمجالس.

والشكر موصول للاخت القديرة مهرة النسيان على التقديم الطيب للموضوع

[شيخة الغلا]

ألف شكر للأخت الغاليه "مهره" لإستضافتها أجمل شخصيه في المنتدى

ومرحبا ملااايين بالغالي " حوران "

بصراحه مراح أثقل عليك ... كافي الأسئله إللي أجبت عليها .. وكانت إجاباتك وافيه وجميله .. أوضحت من خلاااالها للجميع الجانب الخفي من شخصيه حوران الرائعه


إذا تسمحلي بسألك ثلااااث أسئله ،، وإذا ما جاوبت عليها ترى مسموح



~*¤ô§ô¤* الســؤال الأول *¤ô§ô¤*~

ماذا تعني لك

~دمعة الرجل ~

~دمعة المرأه~

~دمعه الطفل~




~*¤ô§ô¤* الســؤال الـثــــانــي*¤ô§ô¤*~

اجمل موضوع.... أو قصيده ....كتبتها... وهو القريب الى قلبك..؟؟؟




~*¤ô§ô¤* الســؤال الـثالــــث*¤ô§ô¤*~

باقت ورد لمن من الأعضاء تهديها ؟؟





أخيرا

اتمنى ان ما اطلت عليك ..