كذوبه ياالهجوس اللي على الخاطر تجى وتروح .... ( مساعد الرشيدى )

[الشيخه]

مساء الخير



دون مقدمات اترككم معها بامل ان تنال على اعجابكم :

على كثر الكلام وكثر ما قبل الكلام جروح = سكت ومالقيت الكلمتين اللى على بالي
اخاف ان قلتها وان قلتها بوضوح = توسدنى ملامات الرفيق وشرهة الغالى
كذوبه يالهجوس اللى على الخاطر تجى وتروح = بغيت ازبن ذراها واستريح وما تهيا لى
ورحت اتلى شتاتى واترجا صوتى المبحوح = تموج ابى الدروب ومسند كفى على ظلالى
عسى ما انتى رجايه يابروق فى سماى تلوح = يشرهبنى رعدها والظما بالصدر همالى
نقلت جروح ما اعرفها بقلب مرهف مجروح = تنطحت البياض وسود الله وجه عذالى
ولو طالت بى الحروه وبانت للملام شبوح = نهض شوفى جناحه واستبان المرقب العالى
ولو خان الشفق مره ومره طيره المذبوح = بقى وكره على جباه النجوم المرقبه خالى
يسامحنى رفيق كل ما اخطى قلت له مسموح = على كبر الهقاوى من رفيقى مرخى حبالى
ماهو بـــــ ذنب الكفوف اللى شذاها بالجميل يفوح = الى من صافحت بعض الردى فى بعض الاحوالى
ماهو بــــ ذنب الوفا والنيه البيضا وطيب الروح = وانا ثوب الجماله ما لبسته جرد واسمالى
على كثر الكلام وكثر غيضي ما نويت أبوح = عساها ما تعود الكلمتين اللى على بالى

سوااااااااااااااالم





لشاعرها مساعد الرشيدى