قصيده مسفر ال درام الشامري في آل خرصان

[مناجي@@]

هذي قصيده مسفر ال درام الشامري في آل خرصان عندما زارهم في هجره الرفيعه:
بـــاســــم ابـــــــن خرصان احييكم تحياتً تشادي
في محلٍ كل عصمان الشوارب يدهلونه
الشحم فـي جانبـه يفـرش علـى ظهـور البـوادي
وشاذلـي البـنّ كيفـه وازرق الـجـاوي دخـونـه
عنـد شيـخً شيختـه مـن مارثـة عاشـر وحـادي
هكـذا مـن صلـب ساسـه ماخـداً رأسـه فنونـه
مـن سلايـل ماكـر احـراراً تنومـس فالـهـدادي
شيـدوا صـرح مـن الامجـاد عالـيـةً ركـونـه
سـيـرة معـمـورةً بالـعـز وامـجـاداً تـعـادي
مـن غـرب منهـم بـدأ بعـده رجـالً يخلفـونـه
في خلفهـم مـن سلفهـم مـن ثنـى عنـد الشـدادي
مثـل مـا قـال المثـل مـا للـشـداد الا زبـونـه
روس ربعـي غاثـة الهلكـا مغـاويـر الـطـرادي
آل شامـر لـى تعـزوى كـل رأسً فـي قـرونـه
يكرمـون الضيـف ويـروون عطشـات الهـنـادي
والصحـيـب يقـدّرونـه والحـريـب يطوّعـونـه
من عـوال عجيـم فرسـان الوغـى سقـم المعـادي
سربـة تاريخهـم كـل الـعـرب مــا يجهلـونـه
لـى شبـك عـج الرمـك وتصبيحـةُ والا هجـادي
كـم عقيـد مـن علـى ظهـر الجـواد يحوّلـونـه
يطعـمـون رماحـهـم دمّ المنـاكـب والـثـنـادي
لين حتـى الـرأس ابـو جـنّ يتعـوّذ مـن جنونـه
وان لجـا فـي ضفّهـم متنـزحً حـاديـه حــادي
في حجا الله ثم حجاهـم سـجّ عـن ماضـي ديونـه
يشهـد التـاريـخ ويـنـدّد ببصـمـات الايــادي
والقبـايـل يشهـدونـه يشـهـدونـه يشـهـدونـه
فـي سجـل المجـد سيرتهـم معالمـهـا جــدادي
كـل عقـد وكـل عـام وكـل يــوم يسطّـرونـه
والفخـر موصـول لآل هشـام والمجـد السـنـادي
ذخرنـا وامدادنـا فـي ضجّـة الوقـت وسكـونـه
هـم سندنـا إلـى التمـس خشـم الفتيلـة بالزنـادي
سعـد والله مـن عـوال هشـام فالوقفـات عـونـه

[عبيد العرجاني]

رائع رائع والله يعطيك مليون عافية على القصيدة المميزة

صح لسانك اخي الكريم مناجي

[ابوحنيك]

صح لسانك يابن درام وال خرصان علم على راسه نار ولاهنت يامناجي..

[king الوادي king]

صح لسانك يامناجي

ويستاهلون ال خرصان المدح من اول والحين

ولاهنت على كل حال

[عليل المحبه]

صح السان الشاعر / مسفر الشامري
ويستاهلون ال خرصان

ولاهنت على النقل . .

[هادي بن فهاد]

صح لسانك ولسانه وبيض الله وجهه على القصيده الجزله تقبل تحياتي

[ابوحنيك]

بيض الله وجه الدرامي على قصيده الجزله وال خرصان يزهالهم المدح..

[مناجي@@]

يامرحبا بالجميع...