اتمنى من كل حبيب وحبيبه اغتنام فرصة وجود الأحباب
قبل فوات الاوآن
واترككم مع هذي القصيدة الاكثر من رائعه
والحزينة في نفس الوقت
قــالــت تــعاهـدنــي عــهاد المـــحبــــين
اللـــــــي يخــون قــلــبه يخـــون بخــويـه
قــلت ابشـــري والـــي خلــق لا تظنـــين
حـــرام مــا غيـــرك عشــــقـــت ادمـــيه
وقصت من شعرها قلت أنا وش تسويـن
قــالـــت أبــي مـــن غــرتي لـك هديـه
ونادتنـي الغــربه علـــى الهــم والبيـــن
احــســـــب الأيـــام روحــــه وجـــيــه
وفــي كــل ليــله ترتســم بين رمــشين
خيـــالها بــين الرمـــوش السـقـــــيه
غــربة ســنه في ذمتــي غــربة سنيــن
متــــى عـــلى اللـه يلتقي الحي حـــيه
خـــلاص هـــانت ما بقــى غـير يومين
خــلاص قفــت غـــربــة جـــرهـــديـــه
ورجعت شوقي في خــفوقي براكــين
ورجــعت أنــا كـــلي لهــا جـاذ بـــيـه
وسـألت ما ردوا وأنا اصــيح هي ويـن
وكـل نـثـر مـن داخــل العيــن مــيـــه
وفــي معــمعة حزني .. تلقــيت رمحـيـن
قالــوا تــوفـــت غــافـلــتها المنـــــيه
وفــي غــرتها ما ذكـرت غير حرفيـن
تشهــدت باســمك شــفاهــا الأبنـيـــه
وتــزاحمــت بــداخــلي الــف ســكــيـن
والحــزن يــطــويــــني ثمــانيـن طيـــه
صدمه وجابتني علــى الأرض نحفيـن
وشلون راحت من دون ذنــب وخـطـــيـه
تكــفون دلــوني علــى قبــرها الحيـن
ما عــاد فــيــني للصــبر مـقــدريــــــه
وقفــت اطــالع قبــرها ..بـين نصــبيـن
وجــلست اضم اغلى النصايب علـــيــــه
واصـيح وش بــك يا غــلا ما تــرديــن
اشتــقت لهــمس شفاتك النرجســــــيه
وشــفيك جــيت من الــسفر ما تــهليــن
ما هــي لك عاده ولا انــــــتي رديــه
وحــاولت بلحظة جــنون اجـرح الــدين
وازيــح تربــه قــبرها فــي يــديـــــه
وبالغصب شـالوني أمشى كالمسكين
اصـيــح بــهــــــم واللــه .. اللــه حيــه
اقفـت وتاهــت بــي جـميع العناويــن
والحـــزن يلــعب بداخـــي سامـريـــــه
ورجــعت لــدروب الشقى قبل عاميــن
مــدري مــن الي صار فينا ضــــحــيه
وأتمنــى ان القصيـدهـ اعجبتــكمـ..
02-02-2007, 09:34 AM
فرصة وحبيبك معاك
العرض الشجري
المواضيع المتشابهه
