يــا صــاحـبــي ,, والـراس .. وسـطـه سـعـاطـيــر !!

[احمد بن جوفان]

السلام عليكم ورحمة اللـَه وبركاته

.
.
.

صباح / مسا .. .. الخيـر ,,

..


قصيده متواضعه .. تحكي عن نفسها .. عسى أن ترقا لـ/ ذائقتكم ..

/
\
/
\

البـارحه مابين .. سجـَه .. وتفكير=غـارت علـيَ من الهواجيـس .. غـاره
.
كن المعانـي ماتبي زود تأخيـر=والقـاف كنـَه .. ينتظـر له .. شراره
.
حـاولت اطوَفهـا .. ولابه معـاذيـر=ياكثـر ما طوَفـت تاره .. وتاره
.
يا صاحبي بالخيـر .. مسيـَت بالخيـر=لا تحسب إن فعلك .. ذكاء وشطاره
.
ولا إنت حكيـَك غير .. وفعلك ترا غيـر=البيـت وشهـو ..؟ لا تهـدَم .. جداره
.
اما قضبت السيـر ..؟ او تخلف السير ..!=وش قوم نجمك ما تغيـَر مداره
.
يا بكرتي ما للضَمـا .. كود ذالبير=والقوم كل ٍ وسط راسه .. نعاره
.
مانيب انااحمد .. من زحول ٍ مناعير=إن كان ما ( تـارد ) وهي بالصـداره
.
تقبـل .. و ( تارد ) ثم تقفـي .. ( مصادير )=ولا إنت ذودك .. بين .. ( شبك وزباره )
.
الفرق واضح .. مايبي أي تفسيـر=غنـاة نفـس .. ولا مذلـَة .. تجاره
.
ماهمـَنـي الربح .. ولاَ المخاسيـر=لكن اميـَز بيـن .. ربح .. وخسـاره
.
ولا إنت تمشـي .. في طوال مشـاوير=لا عـارف ٍ دربك .. ولابه منـاره !!
.
لا ما حسـبت حسـاب .. تالي وش يصيـر ..؟=ولا تفـرق بيـن .. جد .. وعياره !
.
يا صاحبـي .. والراس وسطـه .. ( سعاطيـر )=( حليـم ) لكن غيـر .. عند ( القشاره )
.
ما عاد فيهـا .. حشمة ٍ لك .. وتقدير=من يوم بـان إلي .. تحجبـه سـتـاره
.
حاولت اطوَف .. بس .. وين المعاذير ؟؟=ياكثر ما طوَفـت .. تاره .. وتاره

.
.
.

احمد الجوفان

[عبداللطيف أبوظهير العنزي]

الله الله صــــــــــــح لســـــــــانك يابن جـــــــــــــوفــــــــــــان

مانيب انااحمـد .. مـن زحـول ٍ مناعيـر
إن كـان مـا ( تـارد ) وهـي بالصـداره
.
تقبل .. و ( تارد ) ثم تقفي .. ( مصاديـر )
ولا إنت ذودك .. بين .. ( شبك وزبـاره )


كفـــــــــــــــو يالقــــــــرم وافيــــــه من وافـــــي يالذيب....

تقبــــــل مـــــروري وتقــــديـــري ..

[الغروب]

قصيدة رائعه

وصح لسانك

كل التقدير

[خالد وبس]

احمد بن جوفان


صح السانك واعتلى شانك ، قصيده فيها من الغضب الكثير
تسلم يالغالي



تحياتي

[فــهــد]

.
.
.

الشاعر : أحمد بن جوفان

صح الله السانك

وافي وما تجيب الا الوافي

تقبل مروري

أخيكـ

.
.
.

[بو محمد الهتلاني]

صح السانك
جزل ونت بالــــــــــــصــــــداره
سلام وتحيه

[خلاوي الشمالي]

لاهنت يالشااعر

ابيات جزله وانت ماتجيب الا الجزل

[عويضه الوقدان]

أحمـــــــد بن جوفان شاعر مبدع .......

قصيده جزلـــــــــه ووافيه من رأس وافي .........


تقبل مروري وتحيتي ...........

[احمد بن جوفان]

عبداللطيف ابو ظهيـر

.
.

يا مرحبا ومسهلا يالشاعر


صح بدنك يالاميـر .. وماعليك زود طال عمـرك

.
.

كل الشكر على مرورك المشـرَف

[مسعطر]

يا كثر ما طوفت ,, تاره و تاره ,,
الله الله ,,




ازين ما في القصيدة السعاطير و طاريها




صح لسانك و لاهنت ,,,

أستودعك الله ,,