صحيح إن المسا قاسي ونبرات الألم تزداد !!

[بنت عز]

يسود الغيم ميراث الحنين ومحتوى الميعاد=على لونه سما فكري وعانقته بنظراتي
كبر في ناظري لونه وحملته لذيذ رقاد=تسامى في سما عمري وكفنته بحسراتي
ألا ياغيم لوتوصل مداي وحسرتي وش عاد=وأنا ما أكفيت من كثر العطايا ريح غلطاتي
أشوفك باإبتسامات الغياب وفي رحيل أعياد=وأعيشك بين نسمات الدموع وروح بسماتي
تدوم أغلى الجروح اللي مداخلها وهم وضماد=عليها من مناديل الأماني لون دمعاتي
حزين ولاأحتوى صمتي من الدنيا لذيذ أمجاد=أميز باالألم همسي وأداعب صادق أوقاتي
يشاورني من أبياتي قصيدن جيت له قصاد=ولو يختارني طيفه أبرهنه بعباراتي
متى ياحلم والموعد سراب وخطوتي ميلاد=تزاولت الدفا وأسرج خيالي صوب نسماتي
يفاوضني من أفكاري خيالن جيت له صياد=وأجيه اداعبه باأصدق حروفي وإبتكاراتي
ملاذك ياغلا ماأدري ملاذي والظنون ابعاد=تقهويت الرضا وأشبع حضوري باأعذب أبياتي
شفيت من الزمن وأدري زماني للرجاء حصاد=كثر ماجاني بعيد الجفاف ولملم سكاتي
صحيح إن المسا قاسي ونبرات الألم تزداد=على فوح التعب تسقي خفوقي من معاناتي
كفا ياضيق وأعذاري بقت بين اليدين اشهاد=أشوف الحلم مابين السواد وفي مساحاتي
كسبت من الهوى غيمة براد ووبلها رعاد=إذا للمفخره سيره فأنا أفخر في خساراتي

لشاعر الإحساس / بدر ال شافي

[لبيك]

الله الله صح لسان شاعرها,,,
وتسلم يمينش على اختيارالإبداع لنا ,,,
شكراً أختي بنت عز وتقبلي مروري ,,,


لبيك

[ناثرة الورد]

{{ بنــت عــز }}
,
,
آآبداع غير مستغرب
دمتـي بهذا الرقي
تقديري ..,

[وافي بن وافي]

هكذا انتي يابنت عز نعم الذائقه والاختيار...لاهنتي على النقل وصح لسان الشاعر بدر ال شافي تقبلي تحياتي وتقديري

[بنت عز]

صح بدنك يا لبيك ولاهنت عالمرور الجميل ويسعدني تواصلك

[ِِِAL 3ajmiah]

صح لسانك يالغلا بنت عز ولسان الشاعر بدر ال شافي ولاهنتي

الف شكر ويعطيك العافية~