من هجوسن تدعي البرق وتخيل المخيل&&اقرب شاعر يقلط

[هادي بن فهاد]

السلام عليكم ورحمة الله وبركاته



اسعد الله اوقاتكم بكل خير












طاااااااااااااروق حامي اقرب شاعر يقلط


:

من هجوسن تدعي البرق وتخيل المخيل =ابتدينا اللعب في مجلس العجمانيا
نادوي الشعار دام الجبل ماهو يميل=كان به شاعر جبل يعرف القيفانيا

[مشاري الشامري]

وعليكم السلام ورحمة الله وبركاته





مرحبابك يابو فهاد والله يصبحك بالخير

من هجوسن تعرف الطرق وتشيل الثقيل=مرحبا ياشاعرن سار فالاوزانيا
جاك شاعر يالمنادي عسى عمرك طويل=والحكم لزانيا يرجمون الزانيا

[هادي بن فهاد]

^
^
^
الله الله

صبحك بالنور والرضى

ابقاك الله يامشعاب وستلم

البقا بك عقبها المطر جاكم يسيل=والمطر ياصاحبي أشبع القيعانيا
بنشدك منهو زعيم المطالب بالرحيل=و الله اعلم كلها سبة الشبعانيا

[مشاري الشامري]

صاحبي ياصاحبي والمطر بل العليل=وجنب اديارن بها الكره والشيطانيا
الزعيم الي حكم نجد بالسيف الصقيل=انشده ويجاوبك منهو الضميانيا

[مشاري الشامري]

عن اذنك يابو فهاد عشر دقايق وجاي

[هادي بن فهاد]

هقوتي ياصاحبي سرها عند العميل = قام ينشر هالفتن واشعل الدخانيا
الزعيم الي حكم مانوى نشر الغسيل = كان عندك علم علم به العربانيا

[هادي بن فهاد]

خذ راحت يامشعاب ولايهمك انا موجود

ينظر ينظر

[مشاري الشامري]

هادي الدعوا تبي بيت من تحت الشليل=جبتها لك ياولد وانجبر عنوانيا
الزعيم الي حكم شايخن واكبر بخيل=والملابس نشرها مايقلل شانيا

[هادي بن فهاد]

انت يامشاري ترى حافظ(ن) حقي دخيل = زابنك واحد تخشه ورى الضلعانيا
ياحليلك وانت رجال ماتمشي ذليل= فجروبك ياولد وسط هالميدانيا

[مشاري الشامري]

الدخيل الي كذا عندكم لاقي مقيل=يوم بعض الناس مازبن الشجعانيا
ياعوينك ياولد طحت فلسانن سليل=وابتلش في ردنا وابتلش بلسانيا