قصيدة للشاعر علي بن بقصه أثناء مرافقة والدة لزراعة كبد في الصين

[ابن ذيبان]

اولا يسرني ويشرفني ان اكون من اعضاء هذا الصرح الالكتروني العظيم


واصافحكم بهذة القصيدة للشاعر علي بن بقصه ال ذيبان اليامي اثناء مرافقته لوالده في رحلة علاج وزراعة كبد لوالده في الصين ثم يثني في اخر القصيدة على من تبرع بملغ مليوني ريال لتكاليف هذه الرحلة

وهو صالح بن عايض بن برمان ال ذيبان والذي يسكن في مدينة الدمام
:

ويا صدر لاتحزن وياعين لاتبكين=ولا تسهرين ومن رجا الله يبشربه
لما ضاقت الدنيا على العبد لين يحين=والاشوار تاهت والمخارج تعسربه
فيرفع يده لله لما هجعوا الممسين=مجيب الدعا يا كاشف الهم والكربة
وأنا يا معافى أيوب ومشرف يس=دعيتك بحق إجلالك اللي تكبربه
عسا الحاجة اللي وردتنا جنوب الصين=وحدت رحايلنا على البعد والغربة
مع الخبرة اللي حضروا في الحظا عجلين=وظرف القسا دون الحنج ما تعذربه
تيسر بعون اللي له الكايدات تلين=على والدي جعل المرض مايكدربه
كتومن عزومن يظهر بخير للشفقين=ولوحالته حرجه والاوجاع تثربه
يادكتور تكفا لاتوصا عليه بزين=قبل جيتك كمن طبيب تبصربه
جعل العافيه ملبوس راعي الوفا والدين=ارب الفجوج اللي رباها تخضربه
حليف المراجل النقا ضد ابووجهين=على العز ربانا بنهج يقدربه
من الباس والمكروه يابوحسين اسين=زيارة كريمن نشكره ونتخفربه
من اول نهار قنعونا الدكاتر لين=قصدناالكريم وصحبته ونتسفربه
وانا والله اني كلما شفت وجهك شين=تضيق الفجوج وواهج الصدر يسعربه
انالو حبيت من اسفل خباش لابكين=ومن كوانزو عودت حافي الى الجربة
وقدمت كبدي لك على راحة الكفين=وانا جايز منها فدا كبدك الذربه
ماوفيت كدك والشقا والحنين سنين=ولا طلت ليل سبة رضاي تسهربه
رجوعك وشوفة غرتك ثالث العيدين=وياحي شوفك كل فج تنور به
ضحى العيد نرقب شوفتك لاغدو صفين=بعد ماتقدم فرضنا اللي اللي تكبر به
وشوفك يسر بمجلسن يجمع الذربين =على جال حر وازرق العود يدهر به
عسا الرايح اللي نوض برقة يشوق العين=رجف راعده وانشآ قنيفه وحدر به
يهمل على دار بها لابتن غالين=هل العز والنالات والكيف والطربة
تزوع الحمل وقفة بني عمي الوافين=وعواني وصدقان اضيق الوقت تظهر به
خليل الوفا في معضلات الظروف يبين=جزوعن يشد به الظهر واتفاخربه
وانا والله اني محزمه والمواقف دين=ونذر علي يانايبه ماتوخربه
من الصين لادار بها حرمة البيتين=سلامن يجمل من بدابه وعبربه
لاجا الساحل الشرقي وشرف على يبرين=يفج الحسا وبقيق كلن يخبربه
على شرقي الدمام واهل الخبر دارين=ومنصاه ضلعن نزبنه ونبتاشربه
على العان والعارض وعيبان والبرجين=لواني رفعت البيض والصوت يجهربه
ماتوفي لراعي الطول ومعرب الجدين=نعيش ونموت وطول شبره نقصربه
تمزهل لخيه بفزعته حي تيك العين =ونزح جعل مانبكيه حملن يفكربه
والله ان قصيدي حاير في السنافي بين=جميلة وتقديرة وما اخفيه واشعربه
لما غانوا اهل مكالمات الرخا واللين =ودق الصدور امست صدوره تنفربه
فابو عايض اللي ينزح الحمل بالكتفين =ويلقا المنب بمنكبه ويتصدربه
وله ندتن تفرق على ندة الجزلين=ولاهو يجاهر بالعطا ويتزبر به
فعوله تنومسنا ولاهوب من ذلحين= ولاهي غريبة ماكر الحر يشهربه
عسا كل يومن من حياة الفطين سنين=على طاعة اللي كمله عز واكثربه
وختمي صلاة الله وسلم على ياسين=واهل بيته الطاهر سراجن ينور به

	واليكم القصيدة صوتيا بالقاء الشاعر

ولكم تحياتي وتقديرى