قصيده تضامن مع آل مره وردت لبريد الموقع من الشاعر :سرهيد العتيبي

[راكان اليامي]

السلام عليكم و رحمة الله

نشكر لكم جهودكم على التضامن مع المرة- الغفران. لقد عاشرت الغفران في الماضي القديم ،و كانوا كرماء الجانب عزيزين النفوس يشرفون كل من يعرفهم. و لا أخفيكم انني تاثرت نفسيا و انشأت هذه القصيدة(مدونه في اسفل الصفحة). و نظرا لعدم و جود تسجيل لي في الساحات فلقد تعذر علي نشرها، و محاولتي هو ان انشرها عن طريقكم، مشكورين. أمل نشرها غير مجتزأة، ماعد الكلمة التي بين الاقواس، حيث انها قد تثير مشاعر الأخوة الزوار، خاصة الذي لا يفهمون الشعر النبطي الذي يهدف هنا لاشياء ابعد من الاساءه،فاذا حذفتموها و جعلنم نقط مكانها سوف تتركون الفاهم يعرف ما حذفتم. مع انني لاأريد مسح شيء منها، و لا أرى فيها إساءه لاحد، لكن الكلمة لا تخل بميزان القصيدة ككل. أما إذا تعذر عليكم نشرها أو ان مشرف الصفحة رأى استئصال بعض ابياتها لا ي اسباب فلا،،، و بذا تكونون و فيتوا و كفيتوا ، و حاولتوا جهدكم. و شكرا لكم

أخوكم/ سرهيد العتيبي


-صورة مع السلام و الاحترام لكل الأخوة اللي عرضوا ايميلاتهم في الساحات-




---------------------------------القصيدة-----------------------------------------------------------

رد العتيبي قـاف، مـا يبـداه بالقـاء السـلام=عسا الذي يرمي السلام اليوم مـا ياقـف سليـم
بعد الكلام اللي يرد العيـن عـن حلـو المنـام=ليش الحياة ان ما رفعنا عن بعضنـا كـل ضيـم
على عتيبه لوم ، ما هو بـس قحطـانٍ و يـام=وعسى شبابه حلفها باقٍ علـى العهـد القديـم
و بعض القبايل وقعت مع وقتها صفقـة سـلام=و لا عندها تفريـق بيـن الأخ و النـد الغريـم
الرجل منهم لو عطيته مشط من و سـط الحـزام=ما ثار له لا قـوم جـد، و لا ولـد عـمٍ حميـم
و اللوم كاسيكـم ليـا خليتـوا المـري يضـام=هدر الكرامة و الشهامه يجرح الشهـم الكريـم
وش ذنبه المري يرحّل من بعـد خمسيـن عـام=يوخذ شبابـه و المشيـب يـرد للصحـرا يهيـم
قولوا: يهود المانيا بالقـدس مـا قلتـوا حـرام=و انتـه تـودد للَّعيـن اللـي بمسجدهـا مقيـم
وهذي ديار جدودنا من قبل يـا حضـرة غُـلام=اللي وصلها من بلوشستان و اصبح من (تميم )
قبيلة ٍ من ضيع أصله طـب فيهـا مـن شْمـام=عزيزةٍ كـل يبـي مـن عزهـا ، و الله عليـم
و انتم عريبيـن النسـب لكـن يغشاكـم مـلام=و ليا قبلتوا خذلـة الغِفـران مـا فيكـم حشيـم
وش سر صبر الهاجري؟ ماهزته نخـوه و قـام=لا خط مكتوب احتجاج و لا وقف عنكـم خصيـم
لـولا التفكـك يـا قبايلنـا العزيزيـن الكـرام=ماصبح بعضكم كاليتامـى فـوق مايـدة اللئيـم
و ين الشيوخ اللي تشيل بشوتها شرق ٍ و شـام=ناموا ، عساها نومة أهل الكهف و اصحاب الرقيم
لا.. للترجي ، ما يفيد مـع المناجيـس الكـلام=ما هو بحاسـب للتوالـي عَـلّ جـده للجحيـم
خلوا الرجا في روسكم و اللـي يقصـن العظـام=و ان راد ربك، و فق الرامي، و اخذ نفس البهيـم
أرموا لباس الذل عنكم و اعركوا خشـم العـرام=و لا اقعدوا و ابكوا ، عسى تشفع لكم، دمعة يتيم

[مشـقي عـمـره]

وااااااااااااااافي يا ياااااااااااامي

وصـــــــــح لساااااااااااااان العتيبي لا عدمنااااااااااكم

أخــــــوك

مشــقي عــمــره

[ابو جابر المري]

لا هنت يا راكان وبيض الله وجهك وتسلم ولا هان العتيبي على القصيدة الجزلة

[راكان اليامي]

ارررحب يامشقى عمره ووتسلم على الرد طال عمرك

[راكان اليامي]

ارررحب يابو جابر وولا انت يالغاالي

[حبيب]

و ين الشيوخ اللي تشيل بشوتها شـرق ٍ و شـام
ناموا ، عساها نومة أهل الكهف و اصحاب الرقيم


لاهنت ياارااكان وصح اللسان العتيبي

[راكان اليامي]

وولاانت يابو سعيد وصح بدنك

[اسيره]

راكان اليامي

بيض الله وجهك

وبيض الله وجه الشاعر سرهيد

وقبيلة عتيبه قبيلة عزيزه علينا جميع ونحن ايضا لانرضى ان يصيبها اي مكروه ونكن لها كل احترام وتقدير


شموخ العز

[wolf]

وش سر صبر الهاجري؟ ماهزته نخـوه و قـام=لا خط مكتوب احتجاج و لا وقف عنكم خصيـم

قصيده مندفعه تنفصها عدم الالمام في الموضوع برمته
وفيها سب لمجرد السب ولا تفيد قضية الغفران بأي شي

اولا الشيخ ابن ثاني اصيل ومن ال تميم وليس كما قال الشاعر من بلو شستان

وثانيا نخوة الهاجري موجوده واخونا ال مره يعلمون بالخبر

ووقوف محمد بن زايد بن فنيس الخيارين في الموضوع بعدما اتوه الغفران

ولكن الامر بيد صاحب الامر الشيخ حمد ورفض الجاهيه والتوسط في موضوعهم ومازال يتابع موضوعهم

والله يكون في عون اخوانا الغفران ونحن معهم قلبا وقالبا والله لايرضى بالظلم

ولكن انا اتسأل لماذا يقحم الهاجري ويجعل اللوم عليه دائما لماذاااا ؟؟؟؟؟؟

[راكان اليامي]

ولكن انا اتسأل لماذا يقحم الهاجري ويجعل اللوم عليه دائما لماذاااا ؟؟؟؟؟؟
يامرحبا ياذيب بالعكس تكفي طيبة وكرم بني هاجر وولا احد يلومهم بس مثل ماقلت اتوقع ان الشاعر مندفع شوي في بعض الكلمات وارجو ان توسع صدرك يامحلفي