اقرررررب يابندر ....

[(العقيد)]

يابندر الليله وصلنا اعلوم =مابين مكشوفه ومخفيه
خطة هل المشرق عليها ارسوم=لاترجعون إلطاق طاقيه

[بندر العجمي]

اررررررررررررررررررررررررررررحب


واستلم يامحلفي :

يالله تلطف بي من المقسوم = والليله الليله خصوصيه
اليوم حوم ومن بعدها انحوم = وطلعات بحريه وجويه

[(العقيد)]

الله الله
استلم..

متى يجي رجلا قوي اعزوم .... رجله توطـأ الداب والحيه

أثر الكراسي وضعها مفهوم .... ماتنقلب حسنه ولاسيه

[بندر العجمي]

طيب طيب


وعجل اللعب يالعقيد والصباح رباح :


لاجيت بضرب للجماعه زووم = لاهم بهاذيه وهاذيه

حنا نهجد الفرس ويالروم = اليا رجعنا للعروبيه

[(العقيد)]

نفسك ونفسي ماعليها سوم .... لوكان روحه مالها جيه

الشيخ يفزع والرجال اتقوم .... ونطغى على اديان اليهوديه

[بندر العجمي]

اللي توفى مننا مرحوم = واللي بقا يانعنبوا حيه


ترا جماعتنا غلبها النوم = والمشكله رقده جماعيه

[(العقيد)]

دامك عرفت ارسل لأبن مكتوم .... لايأتي الا معه جنبيه

والاتردى وضعك المشؤم.... وراحت بنا موجه سياسيه

[(العقيد)]

لاهنت يابندر
وصح السانك
واشكرك على السبك والحبك في المعنى
والختم عندك ولنا لقاء قريب باذن الله

[بندر العجمي]

بالله طعني حج ولاصوم = سرعتك بالشارع جنونيه

والفيل لوه طول الخرطوم = الفار خلا الفيل حوريه

[بندر العجمي]

صح الله لسانك وبيض الله وجهك والله لايشينك واستفدت منك ولاعدمتك والمنتدى منتداك يالعقيد