قصيدة للشاعر الهلالي : مهدي بن كزيم الخليفي مجارة للشعراء ابن الذيب وبن وسام

[قناص شبوة]

يقول ابن الهلالي كـــــــــان جدي عالعرب سلطان= يفرقهم بنيرانه ويجمعــــــــــــــــــــــــهم على ناره
حكمنا! ما احتكمنا لليهودي عابــــــــــــــد النيران= ولا سقنا هدايانا لهيلاري وبر بــــــــــــــــــــــــاره
وانا برسل سلامي واقبله ياالهاجري سلــــــــــطان=عليك من الخليفي كل تقـــــــــــــــــــديره ومــقداره
وخذ مني نصيحة لو تعلقها على البـــــــــــــــــيــبان=حذاري من كلام الذيب ومن قوله واشعـــــــــــارة
صحيح إنه ملكنا بالشعر والقــــــــــــــول والقيفان=وحنا له جنود بكل دبابة وطــــــــــــــــــــــــــــــيارة
وانا من كثر ماحبه تمنيت العرب عجمــــــــــــــان= تحت راية محمد نتبع الغارة على الغــــــــــــــــارة
لو انك ياوزير التربية تشرحه للبــــــــــــــــــزران=وتحط بمنهج التعليم من قوله واشعـــــــــــــــــارة
لكنه مثل العمى يوم فتح شافله حمـــــــــــــــــدان= ولامن حد سأله إش شفت؟ قال الديك ياســـــــارة
ويوم ان الملوك تحب مدح الشاعر الفهمان = وتصرف له من اموال العرب مسكن وسياره
لو أنها لليتيم اللي تغطا الجوع والحرمـــــــــــــان= ما كنتي ياكويندا رايس عالفرســــــــــان أمــــارة
يابو راشد خويك! ولدعمك!وين ياكحيــــــــــــــلان= تعرض للإهانة والعرب ياخوي عيـــــــــــــــــــاره
كريم الجد لو ينهان عياله كلـــــــــــــــــــهم تنهان=ولو جته الإهانة ياسمي الذيب مــــــــــــــن جـارة
قوية طعنتك ياللي تعددني من الاخـــــــــــــــــــوان=لو اني من بلاد الهند ماللعيب ستــــــــــــــــــــــارة
خليجك يالخليجي لو تبا تحميه من إيـــــــــــــــران=تنصيت الجنوب وجاك بارباعة وباعشـــــــــــــارة
غدينا مثل عنتر (ولد ابوه) بساحة الميــــــــــــدان=و(ولد أمه) إذا راح العدو وراحت الغــــــــــــــارة
ولد بوزيد ياولد العجم مكفول للرعيــــــــــــــــــان=رعاة الشاة بالغبرا نسو بوزيد واخبــــــــــــــــاره
حكمكم مايفرق بين بلخيره وبن سرحــــــــــــــــان= غدا بلخير يرسل للهلالي فيزة ازيـــــــــــــــــــــارة
حذاري يامحمد من كلام الزور والبهتــــــــــــــــان= جهلت ولا عرفت اللي من العالم طفت نـــــــــــاره
علم شيخك تقطع وانحنى للكافر السكــــــــــــــران= تـــــنكس والعتب ماهو على خيطه ولا كــــــــــاره
أظن انـــــه من العربان وانا واحد من العربــــان= ولو كنت اجنـــــبي ماضعت بين القط والفــــــــارة

مهدي بن كزيم الخليفي الهلالي

[فهد بن محسن]

لاهنت ياقناص شبوة

على الاختيار

وصح الله لسان الشاعر مهدي بن كزيم

تحياتي لك

[أبو مسعود]

لاهنت ياقناص شبوة

على الاختيار

وصح الله لسان الشاعر مهدي بن كزيم