اكتب اسم الشاعر واللي بعدك يكتب قصيدة لهذا الشاعر ~

[لبيك]

الشاعر حمدان المري,,,

[EmpeRoR]

مشكوور يافهد على الفكرة الرائعة..

أستلم أخوي لبيك:


استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديـك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))


أبي للشاعر الكبير: محمد ابن ساقان

[آلشـآمـخـهـ]

على صبح العويل بصدر هاك العود يا درويش***صحى والنار تاكل من حطب جوعه صبا بنته

نهض وبنيته تفرك محاجرها يبه به عيش***يبه والصمت حار وثرثرت للطفله أجفنته

وقام يمتر الشارع على عكازته بشويش***يدور من صباح النور نور الباهت أزمنته

تشنق حلمه خيوط الشعاع وبزغت التغبيش***يكفكف عينه وينعق بالامه غراب ونونته

وأمر أحيان من حوله ولا يطالع تدري ليش***يخاف تقول عيني يا فقير الحال هذا أنته

وأحاول أزرع الرأفة بأرض تنبت التطنيش***أبي لا من يبس من شهبها قمت وتسوسنته

ياليت أكون طير وحالته جنحان ولا ريش***عشان إن كل ما ضميت جنحاني تحضنته

أبيه يعيش زي ما هالأوادم بالحياة تعيش***مع إن مدة إيديني قبر وقروشي هي أكفنته

كثر ماتصرخ إيده بالفقر يامحسنين قريش***كثر ماصافح من الفقر حاله وأكثر أحزنته

وأنا كل ما أعطيته قرش حس القرش له بخشيش***عشان يقوم يدعي لي بعسى ما أعيش بأمحنته

وشفه يسابق صغار القطط على فتات الويش***ياعمي خلني ساكت تهد الحال أنئنته

تخيل بإيده العيش عجز لا يأكل من العيش***لأن ماعاد به حيل كثر ما أوجاعه أوهنته

وأخذ كف الرصيف يلقمه من نظرة التهميش***وأخذت أمضغ وجعه وكل ما غصيت عاينته

يدسدس باقي أوجاعه على جنب الرصيف بخيش***يخاف أن حزنه يضيق صدر ضيفه على بنته

كأنه لا تأهأه شفت وجهه في مرايا الطيش***ملامح شايب متهدل وجهه من أزمنته

ولا أصعب من تهجاي الوجع في نظرة الدرويش***سوى لامن قرا في وجهك الرحمة إذا عنته

اطلب للشاعر [

تركي الميزاني

]

[البندري القحطاني]

ماني مجازيك في صدك وهجرانك
ودعتك الله وتلقـى واحـدٍ ثانـي
أتعبت الأعيان والأقدام من شانك
وانته ولاشئ سويته علـى شانـي
فزيت لك يوم قلت اسمك وعنوانك
لوكان ماتنتمي لسمـي وعنوانـي
ماجيت ادورك و لا أطق بيبانك
والا أترجـاك مثـل أفـلان وافلانـي
أنت الذي جيت لي وأعلنت بلسانك
انك على شوفتي جايع وعطشاني
صدقت هجرك ومنطوقك من السانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وانته معاهدني ماتنسانـي
الابعد ما قريت الكذب فاعيانك
حاولت اوادعك وانسـى كـل ماكانـي
خلاص ماني بمتعنـي علشانـك
ودعتـك الله وتلقـى واحـد ثانـي

أبي قصيدة لسطام الشلفان

[نجلا قحطان]

خلووووها
العام فـي بيـروت و بوقـت مصيـاف = سايـح واجنَـب عـن دروب الفسـادي

انا و ابـو جـوري وفيصـل و نواف = اربـع شبـابٍ مـن خـيـار العـبـادي

نسكن في موفنبيك فـي اربـع اغـراف = مـع رنـج أسـود والفيـراري رمـادي

مـرت ثمـان ايـام ماعندنـا اخــلاف = جـو السعـاده عـم فيـنـا و ســادي

إلين شفت اللـي بهـا كـل الاوصـاف = واصبحت فـي وادي و ربعـي بـوادي

بنت العبت فـي قلبـي وصابـه اتـلاف = هيبـه و خـد و قـد و المشـي هـادي

الرمش سيف و راعـي الرمـش سيًـاف = في نظرته ذبـح القلـوب امـر عـادي

إن كشًـرت آضيـق والقلـب يـنـلاف = واليا ضحكت..اضحـك كـذا.. لا إرادي

ابي
عبدالله علوش
نجلا

[البندري القحطاني]

هههه حلوهـ خلووها ,,

الرمش سيف و راعـي الرمـش سيًـاف = في نظرته ذبـح القلـوب امـر عـادي

إن كشًـرت آضيـق والقلـب يـنـلاف = واليا ضحكت..اضحـك كـذا.. لا إرادي

الله رووعه

عبدالله علوش



على نور القمر بكتب نصوص الشعر للنقاد
اقربها على هذا وعن هذا منحيها
ظروف بوقتنا الحالي وظرفٍ سابق الميلاد
وشوحات الزمان اللي عثرنا في خطاويها
شجون الليل والبسمه وكلمة عاطفه وانشاد
ارددها على نفسي والحنها واغنيها
اواسيها واسليها واخفف همها ليا زاد
وانسيها شقا الدنيا ليامن قام يدعيها
تثور النفس بالنجوى وادرجها على المهجاد
واقول اخفي خفايا الروح لاتبدين خافيها
احاسيس الغرام تنام في ليل الدجا المعتاد
ولوعات الدهر تسهر تلاحيني والاحيها
ربيع العمر واجهته وعاتبته على المبعاد
وحذرته من الذكرى اذا جاء لا يناديها
خذيت من الوعر كلمه وجبت من البحر ميعاد
وعايشت الطبيعه واغتنمت اغلى معانيها
شعاع الشمس خاويته وعاندت الظلام عناد
وموجات البحر تدني وعزمي يلتطم فيها
جمال العندليب اللي يغرد فوق غصن الكاد
وصوت الما على القاع الهشيمه يوم يسقيها
وريح قربت ريح الخزاما من ورى بغداد
وشكل النرجس الجذاب لاهبت يباريها
جمعت من الغضى وقده وجبت من الحصى ميقاد
وظنيت الجبال رجال من يمي وقهويها
انا اقطع بالفيافي جو والكلمه تقص ابياد
وعود وترجع الكلمه لصاحبها وراعيها
واذا ما فادت الكلمه ولارسم القوافي فاد
فلا يبقى سوى الونه تناجيني وناجيها
واذا ماسادة البسمه ونشوان الأمل ماساد
فلا عندي سوى باقي مشاويري اقضيها
واذا ماجادة الدنيا واذا حظي معي ماجاد
فلا عندي سوى وقدة غظى يمي واطفيها
على ترف الورق حبري سرى مسرى الدهق بالزاد
ولطفها و هذبها لسامعها و قاريها


(( نايف صقر))

[نجلا قحطان]

خلووووها
هذي لتس يالبندري مخصوصه
طلت البندري مثل النهار الجميل ياهلا بالعيون السود واجفانها
كنها مهرة شقرا صغيره واصيل عزوة اخوانها وعيال عمانها
عين حرٍ يهدونه ورمش طويل من عشقها غدا بدروب سلوانها
ماعليها ولو قالواقصيرة جديل من بهاها القلوب يهج بيبانها
ابي
دايم السيف
نجلا

[البندري القحطاني]

تشكرات يانجلا وصح الشانج والسان شاعرها ..

وهذي لج .. أحم

يا غالي الاثمان غلّوك بالحيل
من يوم سمّو بك جميل المحيا
شخص(ن) تمنيته على العدل و الميل
و الحمد لله يوم خلّي تهيّا
اشبهه بالّلي عسيف(ن) من الخيل
تلعب وانا حبل الرّسَن في يديّا
أورق غرامه مثل غرس(ن) على سيل
مشهاة قلبي يوم جالي شهيّا
أعن له عنَّة هَل الكيف للهيل
ما ذاق راعي الكيف انا ذقته هنيّا
حبَّه سرَى بي سر ية الغيم بالليل
نسيم ليله قال للشوق هيّا


اي قصيدة للملتاع (( طلال الرشيد)) الله يرحمة ..

[نجلا قحطان]

خلوووها
جتني وشـــافتها عيون حــــــــايرات . . . .
. . . . ذا شعاع الشمس او هذا سناهــــــــا ؟

ضــــــاعوا اللي جو معاها مسيـرات . . . .
. . . . واقبلت تمشي تقل محد معاهـــــــــــا

يــــا سنـــا الفضه وجيد المهــــــــات . . . .
. . . . يــــا شذا نبت الخزامي في وطاهــــا

قلت كن بوجنك زهـــر النبـــــــــات . . . .
. . . . قالت ان الرمش يجرح لي صفاهــــا

تجرح الظلما عيون نـاعســــــــــات . . . .
. . . . سلهمت واغضت تغطرس في بهاها

حققوا بــــــالشوف في لون الشفـــاة . . . .
. . . . هو خذا منها الشفق والا عطـــــاهـا

ولـــو ظــــــلام الليل يعطينا ثبــات . . . .
. . . . فيه من لــــــون الشعر والا كساهـا

كيف ابـــاصف زين كـاملة الصفاة . . . .
. . . . كيف ابــاصل في حروفي منتهاهـا
رحمه الله رحمة واسعه وجمعنابه في الفردوس الاعلى
ابي
السامر
نجلا

[البندري القحطاني]

الجمرة
من يلمس الجمره الحمرا كلت كفه
ومن يطفي الجمره اللي داخل فؤادي
جرحك بي العام ياحلو النبا وفه
واجرح مثل جرح سيل يجرح الوادي
حنان عينك يفوح ورجح الكفه
وأنا موازين حبي شوقها زادي
الشوق ولع بروحي واشتعل طفه
ماهمنا هرج حسادك وحسادي
أرجوك بعض العتب ياصاحبي خفه
إلا عن الخافق اللي صاح وينادي
ياحي ذا الشوف أقوله واطلق الشفه
تفوح وردة غلاها عنبر وكادي
زود على زينك اللي فايق عفه
نجمك جديد وتوه بالسما بادي
أنا حبيب لحبك مطلق شفه
حبك بشرع المحبه شيخ مرادي

أبي أمــمــم

(( صـلاح العرجاني))