كـــمّــــل نـهـايـة الـبـيــت ... (( الـقــافــيــة ))

[مسعطر]

خلاص هوّنت و عدلت المشاركة الأولى

استعيني بقوقل او اللي ودش ..

و حلش صح

و هذا البيت كامل ..

يومك تنادي ما سمعت المناداة .. في وسط سوق الهم بايع و شاري ..


و الدور عندش .. او اللي بيجي غيرش ..

[حـــوران]

مسعطر أجل تقول الفكره فكرتك؟

ماشاء الله عليــك مبدع يا آخي


ونقول

انت ياللي من لسانك هدمت الطمـوح=كم زلّـه علـى شانـك .؟ تحملتهـا
جعل عمرك طويل وجعل دربك سموح=كـلّ نبضـة غـلا فالقلـب حللتهـا
دلّتك فـوق نيـران العـواذل ( ....)=كان تحتاج هيلـك ..! وانـت (......)

[محمد الغيثاني]

لاهنت يا مسعطر وهذي تكملت ابياتك يا حوران

انت ياللي من لسانك هدمت الطمـوح=كم زلّـه علـى شانـك .؟ تحملتهـا
جعل عمرك طويل وجعل دربك سموح=كـلّ نبضـة غـلا فالقلـب حللتهـا
دلّتك فـوق نيـران العـواذل تفوح=كان تحتاج هيلـك ..! وانـت هيلتها

وهذي ابياتي

عـلـيـك الــفــرج يــــاالله يــاحــي يـاقـيــوم=الــــه(ن) عــبــاده كـلـهــا تـلـتـفـت يــمـــه
الا يارفـيـقـي والله انــــه عــــداك الــلــوم=انـا اللـي لحقـنـي الـلـوم فــي ذمـتـي ذمــه
طرات الرجل وان لحقه من الزمان ؟؟؟؟=لايــدري بـسـده كــون خـيـرة بـنــي ؟؟؟؟

[مهرة النسيان]

ونكمل


ابيات الغيثاني

عليـك الفـرج يـاالله ياحـي ياقيـوم=الـه(ن) عبـاده كلهـا تلتفـت يمـه
الا يارفيقـي والله انـه عـداك اللـوم=انا اللي لحقني اللوم فـي ذمتـي ذمـه
طرات الرجل لا لحقه من الزمان هموم=ما يدري بسده كود خيرة بني عمه

وابياتي

لاجل الغلا نطوي البيــــــــدا ونقطعــها =مشـاعر الحـــــــــب لاعنت تعنيينـــي
تولعـــــــت والله اللي فيــك ولعــــها= والقلب عاشقك قبل تشوفك العيني
ام الدلع في ذرى شيـــــخ ؟؟؟؟؟=زيزوم قوم علي الشـــدات ؟؟؟؟؟؟

[محمد الغيثاني]

لاجل الغلا نطوي البيــــــــدا ونقطعــها =مشـاعر الحـــــــــب لاعنت تعنيينـــي
تولعـــــــت والله اللي فيــك ولعــــها= والقلب عاشقك قبل تشوفك العيني
ام الـدلـع فــي ذرى شـيـخ مدلعـهـا=زيزوم قـوم علـي الشـدات قاسينـي

[/align]

وهذي ابياتي

الا يا حظها زمزم بثغرك ترتوي وتزود=والا يا حظ اهل مكه مقاصرهم خليلٍ لي
والا يا ليتني ركن الحجر لو كان لونه ؟؟؟؟= يكفيني انها لاجت تطوف اتود ؟؟؟؟؟

[مسعطر]

حوران .. انت ما تجوز عن سوالفك << بس جايزه له سوالف حوراني ..

انا ماقلت اني اخترعتها بس هنا انا ما نقلتها ولا شفتها في اي منتدى ابداً

كنت العبها عندي في المجلس (قبل حتى لا اعرف النت) انا وكم واحد من
عويّل الجماعة .. قلت له جب لي قصيدة ما اعرفها و عطني اول بيت كامل
و الباقي اقصر من دون القافية ... و انا تف ما شاء الله علي كملتها كلها
لين آخرها صح << يحب يمدح نفسه



حمود .. هذا تكملة بيتك

ألا ياليتني ركن الحجر لو كان لونه سود= يكفيني انها لا جت تطوف اتود تقبيلي

و يالله هاكم الأبيات و الله يعينكم .. إن شاء الله إنها سهله ..

الجهل فالناس باقي له شوايب=ما تركنا يا عسا داره بعيده
أحسب إنه مرمس ٍ حدر النصايب=و أثر باقي له على الدنيا شريدة
ما ورا فعل الجهل كود ؟؟؟؟؟=في بلدنا يالله إنك لا ؟؟؟

[! شيخـــــة المنتــــدى !]

لاهنت يامسعطــر على اللعبه الشيقه ، كنك داري انها لعبتي المفضله خص لا كنا سهارى في مخيم على جال ضو


بالنسبه لأبياتك ....


الجهل فالناس باقي له شوايـب
ما تركنا يـا عسـا داره بعيـده
أحسب إنه مرمس ٍ حدر النصايب
و أثر باقي له على الدنيا شريدة
ما ورا فعل الجهـل كـود المصايب
فـي بلدنـا يالله إنــك لا تجيـده


اتمنى انه يكون الصح ، <--- لاحقتهااا شكه في البيت الاخير


ودوري ....


لايابعـد كــلَّ القـرايـب والأحـبـاب
0000000000000000000ضاع العدل في النَّاس لو تظلميني
في غيبتك كلَّ الملا عندي ؟؟؟؟؟
0000000000000000000لا أحـدٍ أبـي قربـه ولا أحـدٍ ؟؟؟؟؟

[أميرة الإحساس]

لايابعـد كــلَّ القـرايـب والأحـبـاب
0000000000000000000ضاع العدل في النَّاس لو تظلميني
في غيبتك كلَّ الملا عندي أغراب
0000000000000000000لا أحـدٍ أبـي قربـه ولا أحـدٍ يبيني <<<<< عندي شك هِنا


والله لو بيدي لا اخليك مرتاح ..
واعطيك راحاتي وازيدك عليها

وتصبح حياتك كلها افراح بــ .......
وتمشي لك الدنيا على ما ...........

[مسعطر]

يا مرحبا خواتي .. و زين إن اللعبة جازت لكم ..

اختي شيخة المنتدى .. جوابش في الشطر الأول صح
أما الشطر الثاني ( فـي بلدنـا يالله إنــك لا تجيـده )
خطأ و انتي قريب من الصح و الصحيح
( فـي بلدنـا يالله إنــك لا تزيـده )

أختي مهندسة .. بالنسبة لجوابش على الأخت شيخة صحيح و انا متأكد

و هذي تكملت أبياتش .. و إن شاء الله إنها صح ..

والله لو بيدي لا اخليك مرتاح ..
واعطيك راحاتي وازيدك عليها

وتصبح حياتك كلها افراح بــأفراح
وتمشي لك الدنيا على ما تبيها

و هذي أبياتي .. و يالله ورّونا شطارتكم

خالي فلاح الحزن بانت دواليله=يا هشم كبدي عليك و يا بري حالي
اليوم محد ٍ محاجر عينه محيله=لكن عيونك فيديتك دمعها غالي
ماها يفيض و مشاعرنا مناديله=و نظراتها في نظرنا مال و آمالي
فقيدتك محد ٍ ياصل مواصيله=في عصره اللي قضاه و عصرنا الحالي
بس أدع له و أبشر إن الناس ؟=الله يجبر عزاك بطيّب ؟

^
^
^
عاد لو تعرفون باقيها ... يحززززززن

بس إدع له وابشر ان الناس تدعي له .. / والله يجبر عزاك بطيب الفالي ..

والله اعلم ..

اممممممممممممممممم

ياللي على شان معكازي تبين لي / رجلي على حالها وانا على حالي ..

خلوني أسج عن موضوعه ....... ؟؟؟ / ولا الغلا والله ليبطي وهو ....؟؟؟؟؟