رد: قصيدة حمد بن ذيب المهان . التي سرقها الشاعر وعضو مجلس الامه الكويتي طلال السعيد

[تركي بن ناصر]

حبيت اقدم لكم قصيده مشهوره جدا وهي قصيدة الشاعر حمد بن ذيب المهان. المعروف باسم (ملخج)
هذي القصيده قام الشاعر المعروف طلال السعيد بسرقتها وقد تم اكتشافه بالصدفه

تبغون الصدق والله ما الومه اذا سرقها .. قصيده جميله جدا جدا وجزله

ياعين يالي نومها ما هناها=لا زل ثلث الليل جاها عناها
قامت تهل الدمع من جور ما بها=عبايرا تجرح خدودي بماها
عبرت رضيع فاقد تشوفة امه=ولا خلوج ذابحين جناها
والا يتيم في ولاية خواله=روحه بيد من لا رحمها ولاها
والا سجين صكو الباب دونه=حال السقف من دون شوفت سماها
وان قلت انا ياعين يكفي تصبري=يكفي ترا ما صاب نفسي كفاها
لا تسهرين المبتلي يا حزينه=خايف على العين العما من بكاها
ردت علي وحيرتني وقالت=من طاعته عينه لمنه نهاها
وراي الوم العين ما الوم قلبي=والقلب سبت سهرها مع شقاها
واصبحت انا متحيرن في عذابي=وما لي بشكوى الحال مما وزاها
وشكيت همي للجبال الرواسي=ولكن ونين القلب كسر صفاها
وشكيت همي للبحور الغزيره=ومن ساع سمعت ونتي نش ماها
وشكيت همي للهبايب وقفت=وعجزت تشيل هموم قلبي معاها
وشكيت همي للفجوج الوسيعه=ولكن ونين القلب ضيق فضاها
وشكيت همي للنجوم السواري=ولكن ونين القلب غطا ضياها
وشكيت همي لليالي الطويله=والصبح بان وونتي مبتداها
ورحت اشتكي للشمس من حر مابي=والشمس غابت من خلاه بخلاها
وتساوت الاظلام والنور عندي=ما عاد اميز صبحها من مساها
ما لي جدا الا بس دمعه وونه=وابكي بكا اللي حاجته ما قضاها
ابكي من الحرمان واشكي من الجفا=وجروح روحي مالقينا دواها
واعظ سني في بهامي من الندم=وتلعب بي الحسره على ما طراها
واقنب قنيب الذيب واعول عويله=لما تكامل عبرت جا سواها
كله سبب من لاعني بالموده=وقفا واخذ روح ابن ذيب خذاها
عذبني المجمول وحرق ظمايري=وحط بحشاي جروح تنزف دماها
خمس سنوات بالدقيقه نعدها=والا لطيف الروح يمكن نساها
لا واعذابي مشتقي به فؤادي=والروح من تحت المحنا سباها
خل شريت القرب منه بروحي=عرضت له روحي وهو ما شراها
وانا اللي ارخص كل غالي من اجله=والا طلبته عازه ما عطاها
علي شحيح شح زود نداده=وزود على كبد المولع ضماها
والهب على قلبي بنار المحبه=وتسعين عرقات بكبدي كواها
ويشوف حالي ما يهون مصيبتي=حسبي عليه ايش لون نفسه قواها
هذي سبايب من براني بوده=ولا رحم روح بوصله شفاها
وترجمت وناتي بمعني قصيدتي=وارجي عسى يبكي لها من قراها
ويقوله اللي حطم البين قلبه=يا عين ياللي نومها ما هناها

[عبدالله آل عامر]

صح لسانك ولسان قايلها
تحياتي لك

[محمد الشامري]

تركي بن ناصر

لاهنت على ذا الرائعه

وصح الله لسانك ولسان شاعرهـــا

وسلمت يمناك على النقل

[سقام]

تركي بن ناصر

لاهنت على ذا الرائعه

وصح الله لسانك ولسان شاعرهـــا

[راعي المهدبه]

صح لسانك ولسان قايلها


تحياتي لك

[ابن جديعان]

لاهنت يالغالي وصح لسانك ولسان قايلها

[يامي وربي الله]

لاهنت يالغالي وصح لسانك ولسان قايلها

[تركي بن ناصر]

العفو يابني عمي واشكركم جزيل الشكر