على جدار الصمت !!

[عايض الوقدان]

لو علاقاتي كثيره .. لو عاطفتي مليئه !!


ما يحق لها تغار

يكفي انها ذكرياتي امنياتي

اجمل وأروع أمسياتي


ما يحق لها تغار .. تدري اني ما اخون


هي خانتني وراحت وعن طريق الحب مالت

وانا خنت ليش خنت ؟ ومن خنت ؟ ومع من خنت ؟

حتى لو خنت ذكراها


ما يحق لها تغار


دامها راحت بعيد وش تفيد غيرتها /

وش تفيد طيبتها ما تفيد






وراحت ..



.
.
.

[عايض الوقدان]

سعيد وفخور جدا ً بتأهل الشاعر الخلوق : ناصر ثويني العجمي

والفال البيرق ان شاء الله








فالشوط ما يشكي حصانه
. . . . . . أعد مثله اليا عديت

من طيب راسه و قيفانه
. . . . . . (ناصر) كفا ربعه التصويت

لا هان صح الله السانه
. . . . . . اللي كسبها قصيد وصيت




.
.
.

[عايض الوقدان]

لا جديد في عودة ( السواد ) الى نكي


ف ( السواد ) توشحت به حياتي منذ بدايتها ..!





.
.

[عايض الوقدان]

قبل سنه ودعتك وقلت : نامي

. . . . . . . انا حسبت الوقت لو ما حسبتي


حبيبتي واللي بقى من كلامي

. . . . . . . انا تعبت امن الهجر .. ماتعبتي ؟

[عايض الوقدان]

أَجزم
انها هُنا بين زوايا هذا المكان , فهي لم تكتفي بجرحي ..


انا سعيد لوجودها ..
فهي الألهام لكل حرف يكتب على هذا الجدار

وبالتالي : هي الاجدر بالمرور هَنا ..!

هنيئا ً لحروفي لان عيناك تقرئها .!



.
.
.

[عايض الوقدان]

انا وقلبي كلنا بأنتظارك ..!



.
.





لو بغني قصتك والحرف زان
ما تليق إلا على اللحن الحزين


ارسمك لوحه وأدور لك مكان
ما تليق إلا على جدار الحنين


يعتريني خوف ماحس بأمان
انتظرتك والأمل يمكن تجين


ماعداك اللوم دام الهجر بان
رغم ظلمك ماهقيتك تقدرين


اكتبيني جرح يقراه الزمان
واتركيني بمسح دموع السنين


مابكت لرضاي هي تبكي عشان:
مات حلم كان في صدري سجين


بعد هجرك شوفي شباقي رهان
طول بال وطيب قلب و دمع عين


وان قدرت انسى بقايا هجر كان
ماقدرت انساك وانتي تدمعين









لو مل قلبي ما أمل أنتظارك .!


.
.

[عايض الوقدان]

أولك ذكريات و صوت ماله صدى
. . . . . . وآخرك دمع يا ليل طواه الغياب


مال لمثلي على قسوة زمانه جدى
. . . . . . غير بوح المشاعر والحبر والكتاب


كم عشان الاماني راح عمري سدى
. . . . . . وكم بذلت والوفا مانلت غير العذاب












.

[عايض الوقدان]

شاعرك باقي من احساسه قصيده ..!

. . . . . . . . . ( لحف ) بها في غيابك قلب ( بردان )







^
^
مو وقته مع الصيف .!

.

[عايض الوقدان]

لا يدخل الشك هوجاسك

. . . . . . . . ان طال بالوصل تأخيرك


من صوتك أحس ب أحساسك

. . . . . . . . ومن عينك أقرا تعابيرك


أصدق من الشوق ب أنفاسك

. . . . . . . . قلبي ولا يسكنه غيرك




.
.
.

[عايض الوقدان]

يميل غصن الغرام أن هبت الذكرى
. . . . . . والعين تروي ضماها من مدامعها


ملت لياليك يا قلبي من المسرى
. . . . . . وأحلام عمري ردى حظي مضيعها


واللي على شانها شعري غدى يقرى
. . . . . . غابت وخلتني ابقى مع مواجعها .!


من ساعتين المفارق والحنين أزرى
. . . . . . أنه على قلب غاليها يرجعها ..


.
.