شفتهااااا ؟؟؟؟؟

[مستغنيه]

مساء الخير



هذي قصيده عجبتني وحبيت أنكم تقرونها

.
.
.
.
.
.
.
.


شفتها يا فيصل صدفه بعد ما غابت سنين *** عند قسم المختبر وسط مشفى الجامعـه

جيتها ثم قلت ممكن في سؤالي تسمحين *** ناظرت فيني بدهشـه نظـره متواضعـه

قالت انته تحسبني من بنات صايعين *** تحسبني في زمانـي عـن طريقـي ضايعـه

قلت انا ماراح اطول كلبوها كلمتين *** وابعـدت عنـي شويـه ثـم جتنـي راجعـه

قالت اسال واضح انك من رجال طيبين *** بس هرجك يالسنافي كـان وشهـو دافعـه

قلت انا حبيت وحده يوم كنا صغيرين *** ومن ثمان سنين راحـت للمواصـل قاطعـه

عقبها ماذقت نوم يهتنيه النايمين *** ساهر في طـول ليلـي ليـن شمسـي طالعـه

اذكر انه فيه حبه فوق ثغره من يمين *** واذكـر انـه لاجرينـا كـن شعـره تابعـه

واذكر انه عاشق الورد والياسمين *** وصار قلبي بالورود اللي اللي عشقهـا زارعـه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه

قاطعتني بقولها سبحـان رب العالميـن *** كررتهـا مـره .. ومرتيـن .. ورابعـه

قلت وشفيك وشبلاك يابنيه ترجفيـن *** ليـش عينـك يابنيـه مـن كلامـي دامعـه

قالت الموقف وقلبي والمحبه والحنين *** كيف اشوفـك بعـد ماكنـت عنـك قانعـه

قلت انا بسألك ان كانك انتي تذكرين *** عـن مواثيـق ثمنهـا مـن حياتـي دافعـه

قالت ظروف الزمان ماتطيع العاشقين *** بيعوني غصب حبك لـو هـو مانـي بايعـه

انا في دنياي حالي كنها حال السجين *** حتى لو فكوا سراحـه فيـه شـي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريم وياسمين *** والولد اسمه علـى اسمـك والمشاعـر جايعـه







ولكم تحياتي ......@مـــســـتـــغـــنـــيــــه @......

[فهد بن محسن]

لاهنتي اختي مستغنيه


على نقل هذه القصيده الرائعه





تحياتي لك

[مستغنيه]

هــــلا ومـــرحــبـــا



ولا أنت ويسعدني مرورك





تقبل تحياتي ,,,,,,,,,,

[قرم وخوالي العجمان]

يالله جد موقف صعب صدمه ووقعه لين يوم الدين في قلب الشاعر خصوصا ان ولدها مثل اسمه ياويه اشهد انه هوا
لاهنتي علي النقل

[مستغنيه]

قـــرم شـــكــلــك حساس وتـــأثرت بالــقـــصـيده




بس والله أنها حلوه






عالعموم يالقرم لاهنت على مرورك العذب



لك تحياتي ,,,,,,,,,,,,,,,,

[محمد اليامي17]

قالت انته تحسبني من بنات صايعين *** تحسبني في زمانـي عـن طريقـي ضايعـه
عز الله انها بنت كفوووو

لاهنتي يامستغنيه وصح لسان الشاعر

[مستغنيه]

ولا أنت يا محمد




وتسلم على مرورك




لك تحياتي

[شيوخ ذلتهم عيوني]

من افضل القصائد الراااااااائعه الي اعجبتني واثرت فيني وكنت ناسختها عندي في الورد
تسلمين يا ذوق
مشكوره

[مستغنيه]

العفووو شيوخ لاهنتي على مرورج



وتسلمين يا الذوق




لج تحياتي

[فيصل أل هتلان]

يـــــــــاويلانا من الدنيا ويلاه


الله يرجش يالمستغنية على ذا القصيدة بصراحة انا اذا قريتها والله اني اهل العبيري

وتضاايق

على كل حال تسلمين على النقل الطيب

بس ياليت اعرف منهو راعي القصيدة