قصـــــيده للشــــاعــر ولـــــــيد ابن رسمــــــــه

[@ مــتــعــب @]

الســـلام علـــيكم
هـــذه أبيـــات للشـــاعر ولــيد ابن رسمــه أعجبتنـــي
وشهــــادتي فيه مجــروحـه

اي والله ان قد ودي اصد واغيب=ومن غاب لحقته المشاريه لا غاب
لاصار مالي فالدعاوي مطاليب=جنبت لو مالي عن الدرب مجناب
بعض الدعاوي ما وراها مكاسيب=خصٍ ليا من عودت بين الأقراب
فكرت فالدنيا وبعض الأصاحيب=ولقيت حالي بين طالب وطلاب
ناسٍ تجازي فاعل الطيب بالعيب=ودنيا تشيب راس من مابعد شاب
وناسٍ يعود طيبها فالأجانيب=ويخزيك يابيتٍ بلا عمد وأطناب
وناسٍ غدوا لبيت المذله معازيب=لاشافوا راع المال صاروله أذناب
لا فراسها عرفٍ ولا رايها مصيب=اتجامل الكذاب لو كان كذاب
أطيبهم اللي ان جيت جر التراحيب=وان رحت يشذبني مع كل شذاب
راحوا مقر الطيب من ذكرهم طيب=فكاكة الحجه مفاتيح الأنشاب
من نحتمي بظلالهم ساعة الريب=قطاعة الفرجه طويلين الأشناب
لو الليالي في طرفها مواجيب=ماخلت كلاب العرب تلبس ثياب
وياذيب شف منت بولد شالحٍ ذيب=وياعقاب منت عقاب سعدون وحجاب
المال خلاكم كبار المناصيب=وصرتوا في عين اهل الخنا ذيب وعقاب
ولابد فالدنيا تدور الدواليب=وحنا فرجى اللي من ترجاه ماخاب
نرجيك يامن تعلم السر والغيب=تفتح لنا من باب رزقك مية باب
ومادامت الدنيا نصيب ومكاتيب=نقنع بما جانا ونرضا بالأسباب
ويالله توفقنا على الخير والطيب=من قبل لا ندفن تحت كومة تراب