الطش.. و .. الرش

[النـادر]

..هذيان شاعر عله ان يروي بها شيئا من عطش الحب وعلها ان تلامس اوتار الشوق لديكم لنغني بها ونرقص مع الطش والرش(من ارشيف قصائدي)

0

0

0

هيض علي القصيدوهاض بي جشي=قمت ابني اجزل بيوت الشعر واركانه
من هاجسٍ مع عسام الليل بي دشِ=صوب على عين قلب الحب نيشانه
لي صاحبٍ بالحشا ممسي ومتعشي=يحب ممسى الخفوق وشب نيرانه
العام انا خابره سارح بله طرشِ=يحوفهن حوف الام لبعض ورعانه
وانا مع الطرش رجلي بالفلا تمشي=تبرا..تراعي خطاها خطو كرعانه
كني خريشٍ ندفها نادرٍ نشي=نثر غلبها.. وخلى الظهر عريانه
تلوي على القشع مير القشع مغتشي=ماهو يتقي من الي صك جنحانه
البارحه جاتني..ثم نثرت عفشي=وانا عيوني بحلوا النوم كحلانه
يامرحبا ياهلا..يالطش والرشِ=يامنوة الي كبيده منك جربانه
تعال خل الحيا واجلس على فرشي=وعطني علوم الثمر خوخه ورمانه
وعطني علوم الفياض..وزهر ماحشي=هم سرحوا فيه اهل الذود رعيانه
وعطني علوم السنا والبرق والطشِ=اليا امطرت هي تروي جدب قيعانه
واعطيك انا عهد ياذا العلم لااخشي=واصك من دون سرك عشر بيبانه
قالت:عساك العنا يانادر العشِ=من عام الاول وانا بالحيل وجعانه
من عقب قلبي صخر اضحى لكم هشِ=يلعب به السوس سوس الحب باردانه
والله..لادمي فؤادك من سهم رمشي=الين حتى تجف عروق دمانه
تذكر..!! جرحت الخفوق وقلت لي بامشي=مديون.. جابه زمانه لايد ديانه

تحياتي / النادر

[عـسـاه خـيـر]

صح الله السانك اخي النادر قصيده رائعه .

[سعود الخويطري]

من عقب قلبي صخر اضحى لكـم هـشِ = يلعب به السوس سوس الحـب باردانـه
والله..لادمي فؤادك مـن سهـم رمشـي = اليـن حتـى تجـف عـروق دمـانـه
تذكر..!! جرحت الخفوق وقلت لي بامشي = مديـون.. جابـه زمانـه لايـد ديانـه



صح الله لسانك يـ عبدالله الثمالي



قصيده في قمة الروعه والابداع




وسلمت وسلم بوحك العذب يامبدعنا



وتقبل سلامي واشواقي

[الفرس]

اخوي النادر .. ابياتك نادره ..


يامرحبـا ياهلا..يالـطـش والــرشِ.............يامنـوة الـي كبيـده منـك جربـانـه


تعال خل الحيا واجلـس علـى فرشـي............وعطني علوم الثمـر خوخـه ورمانـه


جدا جدا اعجبتني ابياتك ..

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[الملكة]

البارحـه جاتني..ثـم نثـرت عفـشـي---وانـا عيونـي بحلـوا النـوم كحلانـه
يامرحبـا ياهلا..يالـطـش والــرشِ---يامنـوة الـي كبيـده منـك جربـانـه
صح لسانك مليار..والنادر مايجيب الا ابيات نادرة..

[النـادر]

عساه خير

صح بدنك واطراء اعتز به ياراقي

النادر

[النـادر]

سعود الخويطري

صح بدنك يابو محمد ولاهنت

زيارة الاخ الكبير غاليه من غلاته

شكرا لك الاطراء وشكرا لك الثناء على النص


النادر

[قــــــهـــيـــدان]

صح الله السانك يا النادر قصيده رائعه جدا والله يعطيك العافيه .

[حمد الدليهي]

يامرحبـا ياهلا..يالـطـش والــرشِي=يامنـوة الـي كبيـده منـك جربـانـه

صح لسانكــــــــ