لاتبخلون على فى توجيهاتكم

[سيفين]

فى الحقيقه انا من محبين الاشعار ولست بشاعر ولكن احيانا يخطر فى البال من هواجيس وافكار واتكلم عنها واطلب من الى لهم خبره بالشعر التعليق والمساعده ولكم تحياتى

البارحه ياصاحبى ماذاقت عينى النوم = سهران طول الليل وحدانى
من فراق دار لى بها سواليف وعلوم = جلست لين نور الصبح لوح وبانى
مشيت وانا على تركهم مجبر وملزوم = زان السفر لناس ولى مازانى
لكن طلبت الله وان عليه اتكالى دوم = يحفظ اهلى ومالى وكل خلانى
قضيت تسع ايام كلها غم وهموم = حتى لذيذ الزاد نفسى ماتدانى
عسى من لامنى يكتب عليه الشقا دوم = ويذوق ماذقت ويجيه ماجانى
وختامها صلو على النبى المعصوم = خير انبياء الله عدنانى

وسلامتكم -- طبعا اعرف بتقولون لاعاد تكتب مره ثانيه لكن الله يعين سيفين

[سعود الخويطري]

صح الله لسانك ولاهنت



وبداية طيبة وموفقة والى الامام دائما



وتقبل سلامي واشواقي

[ابومحمد الشامري]

صح لسانك اخي العزيز ابيات ارئعة في انتظار جديدك يا السنافي

[عجمي ولي الفخر]

صح لسانك

وبدايه طيبه

والى الامام دائما

ونتمنى لك التوفيق


تحياتي ..

[الملكة]

صح لسانك سيفين
المعاني حلوه
بس براي
القصيده تبي اطول من هذا
يعني تغوص بالمعاني ووصف المشاعر اكثر
وتقبل مروري

[&آهــــات الحــــزن&]

صـــــــــح لساااااااانك اخوي سيفين

بالعكس حلوه وننتظر ابداااعك

وحنااااا يا اماااا نرفع الواااحد ولا مانزل من معنويااااته

&_آهـــــــات الحــــزن_&

[عـسـاه خـيـر]

سيفين مرحبابك هنا وصح الله السانك على هذه الابيات الرائعه