سبا سبا لاقلت يابلقيس يا هد هد سبا***وقف على راس الطويله ذيبها جر العوا!!!

[منصور بن جعشه]

بسم الله الرحمن الرحيم.....

اهدا اتمنى ان تحوز على رضاكم قبل اعجابكم!!!

سبا سبا لاقلت يابلقيس يا هد هد سبا=وقف على راس الطويله ذيبها جر العوا
قوم اعتنز في منكبي واقص لك راس(ن) ابا=وان اخلفت هقواك في اصابعك ماهي سوا
لكن على طاري النبا وين انت يا حلو النبا=الجوع كافر والضما من بير صدك ارتوا
ان جارت ظروفك وبارت فيك ياعود الصبا=انا ظروفي لاطغت عرضتها متن الهوا
عندي قناعه فالزمن اما برك والا حبا=ولا تنشد الطرقي ليامنه نوا باللي نوا
ياصاحبي يانور عيني هين يا عين الضبا=البعد نار(ن) والمحب ان شب نارة انكوا
والعشق سيف يقول بعض الناس لكنه غبا=يكفي ثلاث شهور صابر بعد هذي استوا
ان جيتني تبغي اللقا بقول لك يامرحبا=وان كان تبغي فرقتي ماضرني سهم الهوا
وان كان تقصد ذلتي بقول لك انك تهبا=قد قلت لك ذاك الزمان اصابعك ماهي سوا

وسلامتكم.....بن جعشه
bn-j3shah@hotmail

[منصور بن جعشه]

الرجا من اخواني الاعضاء او المشرفين تنسيق القصيدة!!!

ووشكرا

[محمد الغيثاني]

طلباتك اوامر يا منصوووووووووووور

مبدع وشاعر صح الله السانك

[الغروب]

الاخ / منصور بن جعشه

لاهنت عالقصيدة وتسلم لما قدمت.

[ابونايف الوعيلي]

صــــح لســانك اخووي منصوووور

وابيات حلووه نفداك

[محمد نادر سويد]

الاخ منصور صح

لسانك ولاهنت

قصيده ممتازه

حرف ومعنا

واحساس رائع

تسلم وتقبل

تحياتي

اخوك

[عبدالله بن دريب]

صح لسانك يا منصور على القصيدة الجزلة ..

تقبل مروري
تقديري و إحترامي

[أبلج]

الاخ منصور الله يعافيك على هالابيات الروعه
دمت بحفظ الباري

[سعد بن بصيص ال فنيس]

صح السانك

وقصيده رائعه

وقافيه صعبه


لكنك متمكن وابيض وجه

وتقبل مروووري,,,,

[الشيخه]

منصور بن جعشه


صح الله اللسانك ابدعت فى ما طرحت من جزل


اتفق معك فى ذا البيت واشدد اعجابى فيه :

عندي قناعه فالزمن امـا بـرك والا حبـا = ولا تنشد الطرقي ليامنه نـوا باللـي نـوا

\

/

\

/

وان كان تقصد ذلتي بقول لـك انـك تهبـا = قد قلت لك ذاك الزمان اصابعك ماهي سـوا

اى بالله ماهى بسواء


بانتظارك من جديد


تحياتى لك