فأنا أشهد إنها شق وجه و شلع ثوب و طـرّ جيـب .. بآموت ما قد راح من قدام عـيـنـي زولها

[مسعطر]

مساكم الله بالخير .. مثل ما عودتوني دايم بالثناء على منقولاتي لكم
و هذا شي يثلج صدري .. و يفرحني .. و كانت دايم أو غالباً قصائد
قصيرة .. نوع ما .. لكن اليوم جبت لكم قصيدة على أنها طويلة لكن
أعجبتني جداً و أتمنى قرائتها كامله .. و عسا إن تنال إعجابكم ..

أترككم مع القصيدة ..

لـ الشاعر سعد ابن مناحي ابن شفلوت ..

المشهد اللي صار بين أحضان سجن ابو غريـب=مصيبـة ٍ يــا كبـرهـا يا عضمـهـا يا هولـهـا
تشيـب منـه روس نـاس ٍ مالهـا نيـّـه تشـيـب=شاب الطفل فـي ميزبـه و البنـت فـي هندولهـا
و النبت من زود الضمى ما أضن يرويـه أي شيـب=و الأنعـام قامـت مـن غبينتهـا تجـر ذيولـهـا
و الطير ضاق ابه الفضا و الأرض و الكون الرحيب=يبكي على السدرة و هي تبكـي علـى غرمولهـا
حتـى الثوانـي و الدقايـق بينهـا أمـر ٍ عصيـب=و أيـام و شهـور السـنـة كانونـهـا و أيلولـهـا
جف المطر و الشمس غابت من قبل حلّ المغيـب=و الليلـة الظلمـى علـى القمـرا تمـد سدولهـا
كم من بيوت ٍ من فراق أصحابها صـارت عشيـب=و كم من الأفاعـي موّتـت فـي سمهـا بدحولهـا
الغدر يرعد فالعـراق و لـه صـدى فـي تلّ أبيـب=وبلـه عبـاريـد ٍ تــرادم و الـدّمـيّ سيولـهـا
أنا معك يا اللي تقول إن ما علـى الدنيـا غريـب=و خلّك معي لا قلت لـك لقحـت بغيـر فحولهـا
فإن كان فالدنيا عجيب فشي واحد هـو العجيـب=نـاس تهـل دموعهـا و نـاس تــدق طبولـهـا
ناس على هرج السعة فمها وسيـع تقـول بيـب=و ناس عن الموضـوع كلـه سـدّ فمهـا فولهـا
و نـاس ٍ سوالفهـا ما بيـن حلوقهـا مثـل الدبيـب=مثل الهنود اللي على السيكـل تشيـل أسطولهـا
هم يحسبـون إن القضيـة حلّهـا بيـد الصليـب=هم ما دروا إن صليبها يامـر علـى أنتـر بولهـا
و أنا بدون شعور قمت آصيح بالصـوت الصليـب=صيحة ورى صيحة و أحسب إن العرب صاحولها
و أثارني سـواة مـن يزهـم ولا حولـه مجيـب=و سواة مـن يـزرع بـذور ما جنـى محصولهـا
و أما أنت يا من قلت خلّك مالسـراه إلـى طريـب=في خاطـري لـك كلمتيـن ٍ مستحـي لا أقولهـا
إن كانها هلّت دموعك مـن غنـا بـدر الغريـب=فأنـا دموعـي ما يغـرّك وش سبـب هملولـهـا
لو إن عنـدك ذرّة امـن الديـن يا الوجـه الكئيـب=ما قلـت كلمـة و أنـت منـت بعـارف ٍ مدلولهـا
ولاّ أمّنا يشهد علـي اللـي علـى خلقـه رقيـب=نلت العلا يوم أنـت و أشكالـك عجـزت تنولهـا
ولابـد ناخـذ حقنـا بالطـيـب ولاّ بالغصـيـب=لو ضحكت الدنيـا لضحكتهـم و هـم ضحكولهـا
فإن كنت عاجز تاخذ حقوقك فـوكّل لـك طليـب=و خلّك من المغـرب ليـا باريـس لأسطنبولهـا
هذي قضيّة كنت أسولفهـا علـى سقـم الحريـب=شيـخ ٍ علـوم المرجلـة تسمـولـه و هو يسمولـهـا
حسن سعيد معـرّب الجديـن و الخـال العريـب=إن عدّوا زحول الرجال يعـد ضمـن زحولهـا
من لابة ٍ يـوم الملاقـا جرحهـا جـرح ٍ عطيـب=منديـة ٍ حـتـى الـعـدا بنفوسـهـم شهدولـهـا
إن كانهـا بالشـر شـر و إكانهـا بالطيـب طيـب=و يقطـع رجـال ٍ فالملاقـا ما تشـاف فعولـهـا
و الثنـا دراستنـا القضيـة يا عسـاهـا للذهـيـب=نبـي نفـكّ الشفـرة و نعـرف رمـوز حلولهـا
طحنـا علـى عنوانهـا عنوانهـا أفهـم يالبيـب=غيـر العـرب ما فهمـوا الطبخـة ولا فطنولهـا
و علم طمر في علم و آخـر علمنـا قصـة كليـب=ساعـة رواهـا مسنـدي فجـأة طلبـت عدولهـا
قال أيش علمك قلت حاجة تبري الجرح الصويـب=الناس مالـت كـان تـدري وش سبـب ميولهـا
موضوع فـي غايـة الأهميـة وي حتـاج اتْعقيـب=امهمتـك منقوضهـا و أنــا عـلـي مفتولـهـا
ما تدري إن الذيب يا ابن حسين في وسـط القليـب=و ما تدري إن القوم ركبـت فـي ظهـور خيولهـا
عاين على يمناك يا مـال الشحـم و الذيـب ذيـب=لا بـارك الله فـي جمـال ٍ ما تشـيـل حمولـهـا
بنت العليا من يمينك فـي ظهـر بـي إم جيـب=مـرّت مـع شـارع طويـل العمـر و انتبهولهـا
أطرد ورا بي إمّهـا و مـا جابـت الدنيـا تجيـب=حنـا لهـا حنـا لهـا و أنتـو لهـا و أنتـو لهـا
و أنا أدري إن طرد المقفي شرهـة ٍ فينـا و عيـب=لكن خـذت عقلـي مـع نـاس ٍ خـذت بعقولهـا
و أنا باقوس الوجـه و الشيطـان يحضـر و يغيـب=و والله لو لزم الأمـر علـى الركـب لا احبولهـا
ورالحظ عشرين ألف مرّه يخطـي و مـرّه يصيـب=يا الله عسـاه يصيـب و يجـوّد طـرف مجدولهـا
ضنّيت ظـنّ و يا عسـى ظنّ ظننتـه ما يخيـب=و الأعمـال بالنيـّة علـى الله رفضهـا و قبولهـا
و حرب البسوس اللي غدت بكليب في وادي جريب=ما هاضهـا غيـر البسـوس بصولهـا و بجولهـا
قال أحتزم و الخيل و الميـدان و أشـرب يا شريـب=و أهـل الفعايـل لا بـدا الـلازم بـدا مفعولهـا
قمت آهدر مثل الجمل و هو جلـس يقنـب قنيـب=ينقّص و يجمع و أنا أضرب عرضها فـي طولهـا
المقصد إنها وقفـت بـوزان مستشفـى الحبيـب=ساع نحرت بـاب الطـواري كلهـم فـزوا لهـا
خذت لها تقريب ساعـة مـن طبيـب ٍ فـي طبيـب=كلـّه لعيـنا الجرعـة اللـي ركّـزوا محلولهـا
قمت و قعدت الها على ركبـة و فـي مثنـاة سيـب=و اثـر مْـدرا الأقسـام مثلـي قامـوا و اقعدو لهـا
قلبي من اللهفة و مـن زود الولـه جالـه نحيـب=سـواة قـوم ٍ تنتظـر وقـت الوغـى مرسولهـا
لكن على قول المثـل ما للصعيـب إلا الصعيـب=و أنا أشهـد أنهـا هبّلـت فينـي و أنـا مهبو لهـا
و المشكلة يوم خرجت ثم قالت بصـوت ٍ شحيـب=للسايق أمـش بسرعـة و تشّـر بـراس انمولهـا
عيونهـا كنهـا تقـول لخدهـا (go to sleep)=يا الله عسـى يفدنّهـا رمْـد العـيـون و حولـهـا
نار البـدو فـي خدّهـا متواقـده تلهـب لهيـب=و صوت الحطب و النار تلهب مثل صوت حجولها
و الخشم سيف ٍ له شبات ٍ تكسـر العظـم الصليـب=و سنونهـا درّة و مـرجـان البـحـور و لولـهـا
و الصدر بارز و الخصر مثل الغصن ريّ و رطيب=و الهـا ردوف ٍ تشتكـي مـن Largeـهـا و Smallــهـا
تمشي مثل مشي الغـزال المستهيـب المستريـب=و دقّة جـواد بـن علـي بتقـول قـرع نعولهـا
جوّالهـا الدمعـة و أنـا باقـي بجـوال الرهيـب=يـدق عنـد خروجهـا و يـدق عـنـد ادخولـهـا
البرتقالـة كانـهـا متـصـدرة فـديـو كلـيـب=و الله ما تاكل عيش مـع هـذي ولا هـي حولهـا
عذروبهـا ما ترحـم العاشـق ولا معهـا قلـيـب=فكّوا لها هلْها الحبل من صغرهـا و أرخـوا لهـا
لا وا سعد الله سعد مـن مثلـي تمنـى العندليـب=إنهـا بكـرت العايـلـة مضمـومـة ٍ و آعولـهـا
فأنا أشهد إنها شق وجه و شلع ثوب و طـرّ جيـب=بآموت مـا قـد راح مـن قـدام عينـي زولهـا
مشت و أنا باريتها و آقـول هـل مـن مستجيـب؟؟=ثـم جفلـت ثـم وقفـت يا صعبهـا يـا عولهـا
ردّت علي تقول حاول يا غريـب اتكـون أديـب=اللـي تكلمهـا ما تـدري بـن فــلان اشّولـهـا
قلت اللّكاعة حافظنهـا كلهـا عـن ظهـر غيـب=و عـزّ البلـد برجالهـا ماهـوب فـي بترولهـا
و أنا صبـي قحطـان سـدّي فاللقـا سـدّ ٍ قطيـب=مـن لابـة ٍ لـو مالصـلاة لربنـا صلّـوا لهـا
حولين و أمّي من على خشمي تحلب من الحليـب=و بعض الرجال افطمته أمّه قبـل يكمّـل حولهـا
حسبي عليك الله سبحانـه و هـو نعـم الحسيـب=زادت بـك النعمـة عسـى ربـي عليـك يزولهـا
و إن قلت منتب لك صحيب آقول منتبلي صحيـب=الرجـل مـن جنبيتـه و البنـت مـن مريولـهـا
سبـّت و سبّيـت و تبادلنـا الشتـايـم و السبـيـب=و ضاقـت بهـا عنـد الحقيقـة نفسهـا و همولهـا
أوجعتها بالحكي ليـن دموعهـا إنهالـت سكيـب=و يبدو لي إنها خربـت الرصّـة و هـي يبدولهـا
جاني رفيق الدرب ينشد قلت لـه لقيـت حديـب=أصولهـا يا ابـو شنـب ولا مـاهـوب صولـهـا
و أنـا ادري ما فيـك شـك ٍ مـرّه و ما فيـك ريـب=تقولـهـا و تطولـهـا و آقـولـهـا و آطـولـهـا
ترى الثمن ما هو بشـرط لكـل مشـوار تعيـب=كـم مـن رجـال دبّلـت و أخصامهـم ثرّولهـا
أنا عجزت آجـود عنـان الكحيلـة مـن قريـب=و غيـري تناوشهـا و هـي تبعـد و هـو يدنولهـا
لا والله إلا مالنـا ذا الـيـوم فالطـيـب نصـيـب=مـا دام بيـبـان النصـيـب مقفـّـلـة بقفولـهـا
و بدري على ابوها تنسينـي قضيـّـة بـو غريـب=مصيـبـة ٍ يا كبـرهـا يا عظـمـهـا يا هـولـهـا

و دمتم بود ..