عبدالله ابن فهد السبوق فآل جابر آل مرة و رد عامر ابن نوطان المري عليه

[مسعطر]

قصيدة السبوق :

قال من هو بالمثايل تغنى يا علي=يصخر الطاروق لا من طرى له عدله
يصخر الطاروق يطلع معاه و ينزلي=لا انتوا بالقاف غير لحنه و بدله
راكب اللي لا مشى مثل طير معتلي=يصفق الجنحان شوف الحبارى عجله
وارد أمريكا بكل المزايا كملي=من وكيله قدم اسمه عليه و سجله
العصير محرك من حفيزة ينتلي=لا نقض له سايقه من حفيزة و انتله
فوقه اللي كايد لا زهمته يصملي=عن طريقه ما وقف عند زول و سأله
مثل أبو متعب على شف بالي يذهلي=بالمساري ضاري و حاش كل المرجلة(1)
نصه اللي يوم حركت منهم مشملي=فوق خدي هلت دموع عيني مسبله
حيث يبرين عزيز و كنه مدهلي=من غلى اللي فيه والا ترا ذي الأوله
أسلم و سلم على اللي علينا يسألي=عد ما جر القلم في خطوط مرسله
أو عدد مزن تبين صدوق بالولي=لا ضرب من فوق قاع حشاد و سيله
هيه يا اللي بآل جابر غشيم تجهلي=فعلهم من أعلو نجد لأسفله
كم هنوف دمعها من عيون نجلي=هلته من فعلهم يوم صارت أرمله
الحليل اللي تماري بفعله أكتلي=جاه منهو صاطي من ظهرها حوله
ولا لفاهم خير من زمانه مبتلي=تهتني بالنوم عينه و حمله نزله
في وزاهم عايش لين همه ينجلي=داله من يوم طلاب دمه همله
جمعهم لامن مشى مثل قنف يشعلي=تحت صم الصفا غادي له زلزله
لا رفع بالصوت يا الاد جابر يا هلي=أدبرت خيل العدو عقب ماهي مقبله

(1) أبو متعب : هو علي ابن راشد ابن جهيم آل جابر المري.

رد ابن نوطان :

يا هلا باللي من المدح ياخذ الأولي=نادر روس الجبال الرفيعة مدهله
في سنام المجد يملك محل و منزلي=طيب ساسه و حافظ على سمعة هله
من سمان الهرج يختار ماخذ الأهزلي=خذ جزيل الهرج و اللي هزيل همله
دز جمس كامل جاهز و مزملي=يا هلا بالجمس و النشمي اللي كمله
مرحبا به يوم شفنا ونيته مقبلي=ما بغا من الأسناع منا حصله
يوم جهز من خيار المواتر الأفضلي=يضحك حجاجه بما كان نقدر نعمله
ما تنام العين و العين الأخرى تزعلي=ما ارجهن القلب و القلب الآخر ما دله
حن عجايب عين من كان فينا مملي=بالليالي الماضية و الليالي المقبله
بالكلام الزين كمل و صاد المفصلي=ما نقص منها و لو وزن حبة خردله
وافي في فايت فات و المستقبلي=صادق الرفقة و طول الدهر ما بدله
طرش المرسول و الله عليه مسهلي=مرحبا ترحيب من جد ما هي مهزله
مرحبا يا طارش من ربوع تفعلي=يا ولد من فعلهم تنضرب فيه الأمثله
إن نووا بالحرب فالجمر كله يصطلي=و إن نووا بالسلم فالجمر ما أحد أشعله
يوم عاد الماء صعيب و شربه منهلي=شربهم بأيمانهم فوق كل محيله
توفي الديان في ساعة ما تهملي=لو من أكبر راس منه الخطا ما تقبله
وقفوا وقفات منها قلوب تهبلي=يطلبون العز لو كان دونه مقتله
لا نووا ميراد عد من العالم خلي=كل قطان على العد ذاك معدله
سيفهم من كثر خوض المعارك ينحلي=كثر ما سنوه من كثر راس ميله
في الحرايب غالي الروح معهم ما غلي=صلب يام اللي يجون الحفيف مسبله
كل باقي الناس منهو يحل و يرحلي=ما ذكر لي مثلهم وافي بالمرجله
كم واحد من حربهم مات قلبه ما سلي=كل من قلبه خفيف غدوا له مجفله
لابة تاخذ من الطيب كله الأجزلي=هم سندنا كان صعبت علينا المسأله
ذا و صلى الله على أخير نبي مرسلي=خصه الله بالرسالة و بالحق أرسله

دمتم بود ,,

[عجمي ولي الفخر]

صح لسان ابن السبوق

وصح لسان ابن نوطان

عزالله انها قصايد جزله من رجال جزلين

سلمت يمناك على النقل

تقبل تحياتي ..

[مسعطر]

صح بدنك و أشكرك على المرور يا أخي (عجمي ولي الفخر) و أتمنى أن تعجبكم مواضيعي.

[عـسـاه خـيـر]

صح لسان ابن السبوق وصح لسان ابن نوطان على الجزاله والروعه في المعنى

ولاهنت يا مسعطر على ماكتبت والله يعطيك العافيه

دمت بخير

, , ,

[مسعطر]

المشاركة الأصلية كتبت بواسطة عـسـاه خـيـر

صح لسان ابن السبوق وصح لسان ابن نوطان على الجزاله والروعه في المعنى

ولاهنت يا مسعطر على ماكتبت والله يعطيك العافيه

دمت بخير

, , ,

صح بدنك و أشكرك على المرور وشكراً عللى تمنايتك لي بالخير.
أخيك مسعطر.

[شرّاح]

بيض الله وجهك يامسعطر
وماقصرت على النقل الطيب

[مسعطر]

المشاركة الأصلية كتبت بواسطة منصور بن حطيور

بيض الله وجهك يامسعطر
وماقصرت على النقل الطيب

و وجهك و أشكرك على يا أخي منصور بن حطيور.

[بندر العجمي]

صح لسان ابن السبوق و لسان ابن نوطان


عزالله انها قصايد جزله


سلمت يمناك على النقل والله لايشينكــ

[مسعطر]

المشاركة الأصلية كتبت بواسطة بندر أبن خضير العجمي

صح لسان ابن السبوق و لسان ابن نوطان


عزالله انها قصايد جزله


سلمت يمناك على النقل والله لايشينكــ

أشكرك أخي بندر ابن خضير العجمي على المرور.

[هادي بن فهاد]

صح لسان ابن السبوق

وصح لسان ابن نوطان
بيض الله وجهك يامسعطر
وماقصرت على النقل الطيب