قصيدة تبكي اللي مايبكي.......................!!

[الشيهانة]

شاب لن أقول أنه (عاق) لوالدته لكنه من المؤكد أنه (غير مطيع) وذاك يتضح من قصيدته الحزينة جداً ..

هو أيضاً متهور في قيادته .. تعرض ذات مره إلى حادث وكانت معه أمه فتوفيت وبقي هو علي قيد الحياه

وكتب هذه القصيده :


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكن مالقيت اللي يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرحه من بيتي صحيح اني خسيس الذات

صحيح اني ولد طايش وكل ما أسمعه فيني


تجول عيونهم فيني تفصل مني قياسات

وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات

وصار الهم عكازي اباكيه ويباكيني


عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات

تعالي غيري هالقول واطيعك باقي سنيني


واترك عادة التدخين وانفذ ما تبي بسكات

واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات

ابيك انتي ولا غيرك على موتك تعزيني


وضميني وداويني مثل ما كانت الهقوات

ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني
منقول للفائده

خــــــــتاماً ..

أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه

وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها

من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم

ويبرهم فطاعة الوالدين مقرونة بطاعة الله

تحياتي لكم

[حلآي غير]

الــــشــيـــهــــآآنهـ




مشكوووره فديتش وماقصرتي



أنتظر منش المزيد



تقبلي مرووووري

[الشيهانة]

هلابك اخوي حلاي غير

سعيدة جدا بمرورك

لك اعذب تحياتي

اختك الشيهانة

[واصل بأذن الله]

قصيده فعلأ مؤ لمه ولكن الله يعينه . وأمه الله يرحمها ...

ومشكوره اختي على نقل هذه المحزنه,,,,,,,,,,,,,,,,, وتقبلي تحياتي

[مسعطر]

قصيدة مؤلمة ,,

و الله يرحم والدته و يسكنه الجنة ,,,

لاهنتي أختي الشيهانة ,,

تقبلي مروري ,,
أستودعش الله ,,

[][ .. خــجــل .. ][]

الله يرحمها .. ويرحم جميع اموات المسلمين ..
قصيدهـ مؤثرهـ حيـــــــــــل .. ومبين ندم ولدهــا .. الله يصبرهـ

يعطيك العافيه اختي الشيهانه على النقل ..



وننتظر جديدك ..
تقبلي مروري ..

[ابونايف الوعيلي]

الشيهانه

يعطيش العافية

تقبلي مروري

ابونايف الوعيلي

[الشيهانة]

المشاركة الأصلية كتبت بواسطة واصل بأذن الله

قصيده فعلأ مؤ لمه ولكن الله يعينه . وأمه الله يرحمها ...

ومشكوره اختي على نقل هذه المحزنه,,,,,,,,,,,,,,,,, وتقبلي تحياتي

سعيدة بمرورك على صفحتي عزيزي واصل


واسفة اني احزنتك واللة موقصدي


حبيت انقلها للاستفادة والعظة والعبرة

لك تحياتي شيهانة

لان

[الشيهانة]

المشاركة الأصلية كتبت بواسطة مسعطر

قصيدة مؤلمة ,,

و الله يرحم والدته و يسكنه الجنة ,,,

لاهنتي أختي الشيهانة ,,

تقبلي مروري ,,
أستودعش الله ,,

هلابك اخوي مسعطر


سعيدة بمرورك اكيد


لاتحرمنى من مرورك

لك تحياتي الشيهانة

[الشيهانة]

المشاركة الأصلية كتبت بواسطة .:.(( خــجـــل )).:.

الله يرحمها .. ويرحم جميع اموات المسلمين ..
قصيدهـ مؤثرهـ حيـــــــــــل .. ومبين ندم ولدهــا .. الله يصبرهـ

يعطيك العافيه اختي الشيهانه على النقل ..



وننتظر جديدك ..
تقبلي مروري ..

مرحبا الف خجل



سعيدة بمرورك لك تحياتي