اترككم مع قصيدتين للرائع / حمد بن سعد المسرع

[صالحه]

اسمحوا لي لا اجيد طباعة القصيده كما يبغي
الشاعر حمد بن سعد المسرع هو صاحب القصائد المعروفه مرورا ً بـ :
كان قصدك عذابي لاتوصي حريص الزمن مايقصر وانت فيك ابركه
وتوك صغيره وابتديتي تحبين من علمك ليل السهر ياصغيره
ويردك احساسي اللي مايخيبني حتى ولو غبت يوم يجيبك الثاني
وقالت اتوشوش قلت طبعا ً اوشوش تراش متصله على بيت عجمان
والكثير الكثير

الأولى :

جيتي ألم جيتي ندم جيتي أحزان = جيتي تقولين المسافه بعيده

جيتي ودمعك غارق ٍ فوق الاوجان = حنيتي لذيك الليال السعيده

لا تحسبين ان الجفا فيه غفران = ترى الجفا ليل ٍ رياحه شديده

ترى الخطا مايندمح بعض الاحيان = مرضى على نفسي حياة ٍ زهيده

متعود العليا ولاني بمنهان = نفس الفتى عزّه ولوهي عنيده

في رجعتك ماني على الود شفقان = مادام حبّي انطعن في وريده

هذا الزمن خلاك من دون خلاّن = ما تنفعك قصّة غرام ٍ جديده

جيتي ألم جيتي ندم جيتي احزان = ومن عقب جمعتنا غديتي وحيده



الثانيه :


بديت اتعوّد غيبتك لين جا طاريك = حسيبي على اللي جاب طاريك والّهمّّّـني

معا كل هذا واحسب اني بعد ناسيك = اثاريك طيف ٍ في عيوني يراودني

انا مادريت انك حبيبي وانا مغليك = الين ابتدت ذكراك في الفكر تشغلني

تعمّدت نسيانك مع العلم انا هاويك = ولكن وجودك في حياتي يتعّبني

بقت رغبه ورهبه انا ويش اسوي فيك = تكلّم وجاوبني لعلك تريحني

انا ودي ابعد عنك واخاف من ماضيك = يقلّب مواجع نفسي اللي تعذبني

مضت فتره اذكر من حياتي بغيت انهيك = وارد اتحسّف قلت بكره بيسمعني

وانا اللحين مدري ابتعد عنك والا اجيك = معـلّـق ولالي راي يمكن يساعدني

وانا لابغيت انسى يجيبون لي طاريك = وتزيد الطعون الخظر والهم يذبحني


منقوووووووول

[][ .. خــجــل .. ][]

بديت اتعوّد غيبتك لين جا طاريك = حسيبي على اللي جاب طاريك والّهمّّّـني
معا كل هذا واحسب اني بعد ناسيك = اثاريك طيف ٍ في عيوني يراودني





صح لسان الشاعر حمد المسرع ..
ويعطيك مليوووون عافيه على النقل ..


تقبلي مروري